ຂ່າວສານຫວຽດນາມ ປະຈຳນະຄອນຫຼວງເຊອູນ ລາຍງານໃນທ້າຍອາທິດຜ່ານມາວ່າ:ທະນາຄານ​ກາງ ​ສ​ເກົາຫຼີ (​BOK) ​ໄດ້​ປະກາດ​ຜົນ​ການ​ສຳ​ຫຼວດທີ່​ສະ​ແດງ​ໃຫ້​ເຫັນ​ວ່າ, ດັດຊະນີ​ຄວາມ​ຮູ້ສຶກ​ທາງ​ທຸລະ​ກິດ​ຂອງ ​ສເກົາຫຼີ ​ໄດ້​ຫຼຸດ​ລົງ​ສູ່​ລະດັບ​ຕ່ຳ​ສຸດ​ໃນ​ຮອບ​4 ປີ ​ເນື່ອງ​ຈາກ​ສະຖານະ​ການ​ບໍ່​ໝັ້ນຄົງ​ທາງ​ການ​ເມືອງ​ ແລະ​ຄວາມ​ກັງວົນກ່ຽວກັບຈັງຫວະການຂະຫຍາຍຕົວ.

ຂ່າວລະບຸວ່າ: ​BOK ​ໄດ້​ຊີ້​ອອກ​ຢ່າງ​ຈະ​ແຈ້ງ​ວ່າ, ດັດຊະນີ​ຄວາມ​ຮັບ​ຮູ້​ດ້ານ​ທຸລະ​ກິດ (CBSI) ຂອງ​ທຸກ​ຂະ​ແໜງ​ການ​ຂອງ ​ສ​ເກົາຫຼີ ​ໃນ​ເດືອນ​ທັນວາ ​ບັນລຸ​ພຽງ 87 ຈຸດ, ຫຼຸດ​ລົງ 4,5 ຈຸດ​ເມື່ອ​ທຽບ​ໃສ່​ເດືອນ​ກ່ອນ. ນີ້ແມ່ນລະດັບຕໍ່າສຸດນັບຕັ້ງແຕ່ເດືອນກັນຍາ 2020 (ດັດຊະນີແມ່ນ 83ຈຸດ).

ໂດຍສະເພາະ, ດັດຊະນີ CBSI ໃນເດືອນທັນວາຂອງຜູ້ຜະລິດຫຼຸດລົງ 3.7 ຈຸດເມື່ອທຽບກັບເດືອນພະຈິກເປັນ 86.9 ຈຸດ ຊຶ່ງເປັນລະດັບຕໍ່າສຸດນັບຕັ້ງແຕ່ເດືອນກຸມພາ 2023. ຜູ້ຜະລິດຊີ້ໃຫ້ເຫັນເງື່ອນໄຂທາງທຸລະກິດທີ່ບໍ່ດີແລະສະຖານະການທາງດ້ານການເງິນທີ່ຫຍຸ້ງຍາກເປັນເຫດຜົນຕົ້ນຕໍສໍາລັບຄວາມຮູ້ສຶກທາງລົບ.