ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມຖະແຫຼງຂ່າວພາຍໃຕ້ຫົວຂໍ້ “ປະສິດທິຜົນການພັດທະນາທີ່ມີຄຸນນະພາບສູງຂອງເສດຖະກິດຈີນ”, ໂດຍໄດ້ເຜີຍແຜ່ຜົນງານຕ່າງໆດ້ານການພັດທະນາທີ່ມີຄຸນນະພາບສູງຂອງເສດຖະກິດອຸດສາຫະກໍາຈີນ 2024.

ຂ່າວລະບຸວ່າ: ປີ 2024, ມູນຄ່າເພີ່ມຂອງອຸດສາຫະກໍາຂະໜາດໃຫຍ່ຂອງຈີນໄດ້ເພີ່ມຂຶ້ນ 5.8%, ເມື່ອທຽບໃສ່ໄລຍະດຽວກັນຂອງປີ 2023 ແລ້ວເພີ່ມຂຶ້ນ 1.2%; ວິສາຫະກິດອຸດສາຫະກໍາຂະໜາດໃຫຍ່ທີ່ມີລາຍຮັບດ້ານການດຳເນີນທຸລະກິດຫຼາຍກວ່າ 20 ລ້ານຢວນຕໍ່ປີຂອງຈີນມີເຖິງ 512,000 ແຫ່ງ, ເພີ່ມຂຶ້ນ 6.1% ເມື່ອທຽບໃສ່ທ້າຍປີ 2023; ມູນຄ່າເພີ່ມຂອງອຸດສາຫະກໍາທັງໝົດບັນລຸເຖິງ 40,500 ຕື້ຢວນ, ຍອດປະລິມານດ້ານອຸດສາຫະກໍາການຜະລິດຂອງຈີນໄດ້ຄອງອັນດັບໜຶ່ງຂອງໂລກ 15 ປີລຽນຕິດ.