ຂ່າວຕ່າງປະເທດລາຍ ຫວ່າງມໍ່ໆມານີ້ວ່າ: ຄະນະກໍາມະການເບິ່ງແຍງດູແລ ການແຂ່ງຂັນທາງທຸລະກິດຂອງອິນໂດເນເຊຍ ພົບວ່າGoogle ບໍລິສັດເຕັກໂນໂລຊີລາຍໃຫຍ່ຂອງສະຫະລັດ ອາເມຣິກາ ມີຄວາມຜິດຖານຜູກຂາດການບໍລິການໃນ Google Play Store ແລະຖືກສັ່ງໃຫ້ຈ່າຍຄ່າປັບໃຫມ 2.02 ພັນຕື້ຣູເປຍ.

ບົດລາຍງານລະບຸວ່າ:Google ບັງຄັບໃຫ້ຜູ້ພັດທະນາແອັບພລິເຄຊັນ ເຜີຍແຜ່ແອັບຜ່ານ Google Play Store ເພື່ອເປີດລະບົບການຊຳລະເງິນ Google Play Billing (GPBSystem) ຖ້າຫາກນັກພັດທະນາບໍ່ປະຕິບັດຕາມ, ແອັບຂອງພວກເຂົາຈະຖືກລຶບອອກຈາກ Google Play, ໃນຂະນະດຽວກັນGoogle ຍັງເກັບຄ່າທຳນຽມຄ່າບໍລິການ 15-30% ສໍາລັບການເຮັດທຸລະກໍາໂດຍຜ່ານລະບົບຊໍາລະເງິນດັ່ງກ່າວ.

ຄະນະກໍາມະການດັ່ງກ່າວ ລະບຸວ່າ: ນະໂຍບາຍບັງຄັບໃຊ້ລະບົບຊຳລະເງິນGoogle Play Billing ສໍາລັບການເຮັດທຸລະກໍາທັງໝົດໃນ Google Play Store ສ້າງຄວາມເສຍຫາຍຕໍ່ຜູ້ພັດທະນາແອັບພລິເຄຊັນ. ລວມທັງການຈໍາກັດທາງເລືອກຂອງຜູ້ພັດທະນາແອັບ ໃນການໃຊ້ລະບົບຊຳລະເງິນທາງເລືອກອື່ນໆຊຶ່ງຫຼຸດຜ່ອນການແຂ່ງຂັນແລະທາງເລືອກ.

ໃນວັນທີ 22 ມັງກອນ ຜ່ານມາ,ຄະນະກໍາມະການດັ່ງກ່າວ ໄດ້ປະກາດລົງໂທດປັບໃໝເງິນ ຈຳນວນ 202 ຕື້ຣູເປຍ ​ແລະ​ສັ່ງ​ໃຫ້ Google ຍົກເລີກ​ການ​ບັງຄັບ​ໃຊ້​ລະບົບ​ການ​ຊຳລະ​ເງິນ Google Play Billing ​ໃນ Google Play Store ພ້ອມ​ທັງ​ສັ່ງ​ໃຫ້ Google ຫຼຸດ​ຄ່າທຳນຽມການ​ບໍລິການ​ລົງ​ຢ່າງ​ໜ້ອຍ 5% ​ແລະ ຍື່ນໜັງສືຄໍ້າປະກັນໂດຍ​ທະນາຄານ​ ເພື່ອ​ຈ່າຍ​ຄ່າ​ປັບ​ໃໝ.