ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້, ທ່ານ ອັນໂຕນີໂອ ກຣູເຕີເຣສ ກ່າວເຕືອນວ່າ: ວິກິດການດ້ານດິນຟ້າອາກາດ ແລະ ການພັດທະນາທີ່ບໍ່ມີຂີດຈຳກັດຂອງປັນຍາປະດິດ (AI) ອາດຈະກາຍເປັນການນາບຂູ່ເຖິງຄວາມເປັນຕາຍຂອງມວນມະນຸດ.

ເມື່ອບໍ່ດົນມານີ້, ໃນບົດກ່າວຄຳປາໄສຢູ່ກອງປະຊຸມປະຈຳປີ ເວທີປາໄສເສດຖະກິດໂລກ ຢູ່ປະເທດສະວິດ, ທ່ານ ອັນໂຕນີໂອ ກຣູເຕີເຣສ ເນັ້ນໜັກວ່າ: ໂລກຕ້ອງມີການກະທຳຫຼາຍກວ່າເກົ່າເພື່ອສະກັດກັ້ນສະພາບການໜ່ວຍໂລກອຸ່ນຂຶ້ນ. ກ່າວເຕືອນກ່ຽວກັບອຸນຫະພູມບັນລຸລະດັບສະຖິຕິໃນປີ 2024 ກໍຄືລະດັບນ້ຳທະເລຂຶ້ນສູງ, ທ່ານ ອັນໂຕນີໂອ ກຣູເຕີເຣສ ໄດ້ຖືສະພາບການນຳໃຊ້ເຊື້ອໄຟຟອດຊິລ ຂອງມວນມະນຸດແມ່ນສັດປະຫຼາດ (Frankenstein) ຈະຂ້າທຸກສິ່ງທຸກຢ່າງ. ທ່ານເນັ້ນໜັກວ່າ: ຫວ່າງແລ້ວນີ້ບັນດາບໍລິສັດບໍ່ປະຕິບັດຄຳໝັ້ນສັນຍາກ່ຽວກັບດິນຟ້າອາກາດ ແມ່ນຄວາມຜິດພາດ.

ເມື່ອກ່າວເຖິງ AI, ຜູ້ນຳ ສປຊ ຕີລາຄາສູງບັນດາການປະກອບສ່ວນຂອງ AI ໃນທຸກດ້ານຂອງຊີວິດ, ແຕ່ກໍສະແດງຄວາມສ່ຽງຢ່າງເລິກເຊິ່ງຈາກເຕັກໂນໂລຊີນີ້, ພິເສດ ຖ້າວ່າ AI ບໍ່ໄດ້ຮັບການຄວບຄຸມ. ທ່ານ ອັນໂຕນີໂອ ກຣູເຕີເຣສ ກ່າວເຕືອນວ່າ:AI ອາດຈະໄດ້ຮັບການນຳໃຊ້ຄືເຄື່ອງມືເພື່ອຫຼອກຫຼວງ ແລະ ເຮັດໃຫ້ຄວາມໄວ້ເນື້ອເຊື່ອໃຈຕໍ່ບັນດາລະບອບລະບຽບການເຊື່ອມຖອຍລົງ, ທຳລາຍຕະຫຼາດແຮງງານ ແລະ ກໍ່ຜົນສະທ້ອນຕໍ່ບັນດາການປະທະກັນ.