ຮອງປະທານ ສນຊ ສຳເລັດການເຄື່ອນໄຫວຢ້ຽມຢາມ ແລະ ເຂົ້າຮ່ວມພິທີສະເຫຼີມສະຫຼອງບຸນກິນຈຽງ ຢູ່ບັນດາແຂວງພາກເໜືອ

ຂອງເມືອງນ້ຳທາ ແລະ ເມືອງບາກ, ຄະນະອົງການປົກຄອງບ້ານ ແລະ ປະຊາຊົນ ຂອງທັງສອງບ້ານດັ່ງກ່າວ ເຂົ້າຮວມຢ່າງເບີກບານມ່ວນຊື່ນໃນລະຫວ່າງວັນທີ 1-3 ມັງກອນ ຜ່ານມາ.
ໃນພິທີໄດ້ຮັບຟັງການລາຍງານກ່ຽວກັບປະຫວັດຄວາມເປັນມາ ຂອງງານສະເຫຼີມສະຫຼອງບຸນກິນຈຽງຂອງຊົນເຜົ່າມົ້ງ ແລະ ລາຍງານກ່ຽວກັບການກະກຽມງານບຸນ ດັ່ງກ່າວວ່າ: ບຸນກິນຈຽງປີນີ້ ໄດ້ມີຫຼາຍກິດຈະກຳ ທີ່ເປັນເອກະລັກຂອງຊົນເຜົ່າມົ້ງ ແລະ ກິດຈະກຳທົ່ວໄປ ເປັນຕົ້ນແມ່ນ ການປະກວດນາງສາວງາມ, ເປົ່າແຄນມົ້ງ, ງົວຊົນງົວ, ສະແດງບົດຟ້ອນ, ໂຍນໝາກຄອນ ແລະ ອື່ນໆ ຫຼາກຫຼາຍກິດຈະກຳ; ພ້ອມກັນນີ້, ຍັງໄດ້ລາຍງານກ່ຽວກັບປະຫວັດຫຍໍ້ ແລະ ການພັດທະນາເສດຖະກິດ-ສັງຄົມ ຂອງທັງສອງບ້ານ ຊຶ່ງໄດ້ໃຫ້ຮູ້ວ່າ: ບ້ານຫາດຍາວ ແລະ ບ້ານນ້ຳຖ້ວມ ໄດ້ນຳເອົາແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມ ຂອງລັດ ເວົ້າລວມ ເວົ້າສະເພາະແມ່ນຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຂອງແຂວງ ແລະ ເມືອງ ແຕ່ລະສະໄໝ ເຂົ້າສູ່ວຽກງານຕົວຈິງ ແລະ ການລົງໃກ້ຊິດຕິດແທດຈາກພາກສ່ວນຕ່າງໆ ຂອງເມືອງ ໂດຍໄດ້ນໍາພາປະ ຊາຊົນທຳການຜະລິດກະສິກຳເປັນສິນຄ້າ ໂດຍສະເພາະແມ່ນການປູກໄມ້ອຸດສາຫະກໍາຢາງພາລາ ເຮັດໃຫ້ມາຮອດປັດຈຸບັນປະຊາຊົນສ່ວນຫຼາຍ ຂອງທັງສອງບ້ານ ໄດ້ຫຼຸດພົ້ນອອກຈາກຄວາມທຸກຍາກ ແລະ ຢາງພາລາໄດ້ກາຍເປັນລາຍໄດ້ຫຼັກຂອງແຕ່ລະຄອບຄົວ; ພ້ອມກັນນັ້ນ, ຍັງໄດ້ຍົກໃຫ້ເຫັນດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະທິດທາງແຜນການທີ່ຈະຕ້ອງໄດ້ສຸມໃສ່ຈັດຕັ້ງປະຕິບັດໃຫ້ສຳເລັດໃນຕໍ່ໜ້າ ຕື່ມອີກ;
ທ່ານຮອງປະທານ ສນຊ ໄດ້ຕາງໜ້າຄະນະພັກ, ຄະນະປະຈຳ ສນຊ ອວຍພອນປີ ໃໝ່ 2025 ພ້ອມທັງໄດ້ສະແດງຄວາມຍ້ອງຍໍຊົມເຊີຍ ຕໍ່ອົງການປົກຄອງບ້ານ ແລະ ປະຊາຊົນບັນດາເຜົ່າ ພາຍໃນສອງບ້ານດັ່ງກ່າວ ທີ່ໄດ້ມີຄວາມສາມັກຄີກັນຈັດຕັ້ງພິທີສະເຫຼີມສະຫຼອງບຸນປີໃໝ່ນີ້ຂຶ້ນ ຊຶ່ງໃຫ້ຖືວ່າງານບຸນໃນຄັ້ງນີ້ ແມ່ນງານບຸນແຫ່ງຄວາມສາມັກຄີ, ແຫ່ງຄວາມຄິດຮອດຄິດເຖິງ ແລະ ແຫ່ງຄວາມເບີກບານມ່ວນຊື່ນ ຂອງປະຊາຊົນຊາວເມືອງນ້ຳທາ ແລະ ປະຊາຊົນຊາວເມືອງນ້ຳບາກ ແລະ ທ່ານຍັງໄດ້ຮຽກຮ້ອງຕື່ມວ່າ: ໃຫ້ສືບຕໍ່ປົກປັກຮັກສາ ແລະ ເສີມຂະຫຍາຍຮີດຄອງປະເພນີອັນດີງາມຂອງແຕ່ລະຊົນເຜົ່າ, ອັນໃດດີໃຫ້ຊຸກຍູ້ສົ່ງເສີມ ອັນໃດເປັນອັນຫຍໍ້ທໍ້ແມ່ນໃຫ້ສືບຕໍ່ປັບປຸງແກ້ໄຂໃຫ້ດີຂຶ້ນ, ສືບຕໍ່ຮັກສາມູນເຊື້ອຄວາມສາມັກຄີພາຍໃນບ້ານໃຫ້ແໜ້ນແຟ້ນຂຶ້ນເລື້ອຍໆ, ສືບຕໍ່ຊຸກຍູ້ສົ່ງເສີມໃຫ້ເດັກນ້ອຍໄປໂຮງຮຽນຕາມເກນອາຍຸ ເພາະຄວາມຮູ້ແມ່ນກະແຈເປີດທຸກຄວາມສຳເລັດ ແລະ ສືບຕໍ່ສົ່ງເສີມດ້ານການປູກ-ການລ້ຽງ ເພື່ອສ້າງລາຍຮັບໃຫ້ແກ່ຄອບຄົວ ແລະ ພັດທະນາເສດຖະກິດຄອບຄົວ ຂອງປະຊາຊົນໃຫ້ດີຂຶ້ນກວ່າເກົ່າ; ຍົກສູງສະຕິລະວັງຕົວຕໍ່ກຸ່ມຄົນບໍ່ຫວັງດີທີ່ສວຍໃຊ້ວຽກງານສາສະໜາ ແລະ ຊົນເຜົ່າ ເພື່ອແບ່ງແຍກຄວາມສາມັກຄີ, ສືບຕໍ່ຍູ້ແຮງປະກອບສ່ວນເຂົ້າໃນ 2 ໜ້າທີ່ຍຸດທະສາດ ຄື: ປົກປັກສັກສາ ແລະ ສ້າງສາພັດທະນາ ຕິດພັນກັບ 2 ວາລະແຫ່ງຊາດ ແລະ ປະກອບສ່ວນຕ້ານປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃຫ້ຫຼຸດນ້ອຍຖອຍລົງ.
ຂ່າວ+ພາບ: ຢຢ