ຂອງແນວລາວສ້າງຊາດ ເມືອງແບງ 

ໂດຍປະຕິບັດຕາມຄາດໝາຍສູ້ຊົນຂອງແນວລາວສ້າງຊາດເມືອງແບງ ປະຈຳ 6 ເດືອນທ້າຍປີ 2023 ວ່າດ້ວຍການກໍ່ສ້າງຄອບຄົວ ແລະ ບ້ານສາມັກຄີປອງດອງ , ຢູ່ທີ່ສະໂມສອນຂອງບ້ານໂຮມໄຊຄຳ, ເມືອງແບງ ແຂວງ ອຸດົມໄຊ ໄດ້ຈັດພິທີ່ປະກາດຮັບຮອງ ຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດ ເມືອງແບງ ຂຶ້ນຢ່າງເປັນທາງການ ໂດຍໃຫ້ກຽດເປັນປະທານຂອງ ທ່ານ ສົມສີ ບໍລິວັນ ກຳມະການປະຈຳພັກເມືອງ, ປະທານແນວລາວສ້າງຊາດເມືອງແບງ, ມີຄະນະພັກຮາກຖານ, ຄະນະບ້ານ, ແຂກເຊີນ ຕະຫຼອດຮອດປະຊາຊົນພາຍໃນບ້ານ ເຂົ້າຮ່ວມ.
ໃນພິທີ່ດັ່ງກ່າວ ທ່ານ ອຸ່ນຄຳ ສຸທິວົງ ເລຂາຄະນະພັກຮາກຖານ, ນາຍບ້ານໂຮມໄຊຄຳໄດ້ຜ່ານບົດສະຫຼູບການເຄື່ອນໄຫວຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານ ສາມັກຄີປອງດອງ ຕາມຄຳແນະນຳເລກທີ 033/ຄປຈ.ສນຊ, ລົງວັນທີ 19 ເມສາ 2017  ຊຶ່ງໃນນີ້ບ້ານໂຮມໄຊຄຳ ເປັນບ້ານໜຶ່ງທີ່ໄດ້ເຕົ້າໂຮມຈາກຫຼາຍບ້ານນ້ອຍມາເປັນບ້ານໃຫຍ່ຕາມທິດຊີ້ນຳຂອງພັກ ໃນນີ້ປະກອບມີ ພົນລະເມືອງທັງໝົດ 2.061 ຄົນ, ຍິງ 975 ຄົນ, ມີຈຳນວນຄອບຄົວທັງໝົດ 376 ຄອບຄົວ ໃນນັ້ນໄດ້ຮັບການປະເມີນຜ່ານ ແລະ ຮັບຮອງໃນຄັ້ງນີ້ 360 ຄອບຄົວ.ຜ່ານການລົງເຄື່ອນໄຫວ, ຕິດຕາມ ແລະ ຊຸກຍູ້ວຽກງານສ້າງຄອບຄົວ ແລະ ບ້ານສາມັກຄີປອງດອງ ຂອງບ້ານໂຮມໄຊຄຳຄະນະຮັບຜິດຊອບຂັ້ນເມືອງ ຈຶ່ງໄດ້ຢັ້ງຢືນ ແລະ ຮັບຮອງ ເອົາບ້ານດັ່ງກ່າວ ເປັນຄອບຄົວ ແລະ ບ້ານສາມັກຄີປອງດອງ ຕາມມາດຕະຖານ ທີ່ສູນກາງແນວລາວສ້າງຊາດໄດ້ກໍານົດ. ໃຫ້ກຽດມອບໃບຢັ້ງຢືນ ໂດຍທ່ານ ສົມສີ ບໍລິວັນ ,ພ້ອມນັ້ນທ່ານ ກໍ່ໄດ້ມີຄຳເຫັນໂອ້ລົມຕໍ່ພິທີ ກ່ອນອື່ນໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ຊຶ່ງເປັນໃບໜ້າໃໝ່ ແລະ ເປັນນາມມະຍົດໜຶ່ງທີ່ມີຄວາມໝາຍຄວາມສຳຄັນທີ່ປະຊາຊົນພາຍໃນບ້ານພ້ອມກັນສູ້ຊົນ ເພື່ອຍາດມາໄດ້ ເນືອງຈາກວ່າຄວາມສາມັກຄີປອງດອງແມ່ນຄວາມມຸ່ງມາດປາຖະໜາຂອງໝົດທຸກຄົນກໍ່ຄືຂອງພັກ-ລັດເຮົາ ເພື່ອພ້ອມກັນເປັນນ້ຳໜື່ງໃຈດຽວກັນ ໃນການສ້າງສາພັດທະນາຄອບຄົວໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ ແລະ  ຮຽກຮ້ອງມາຍັງປະຊາຊົນ  ອົງການປົກຄອງບ້ານ ຈົ່ງພ້ອມກັນຮັກສານາມມະຍົດຂອງຄອບຄົວ ແລະ ບ້ານສາມັກຄີປອງດອງໃນຄັ້ງນີ້ໃຫ້ຍືນຍົງຕະຫຼອດໄປ.
ຂ່າວ: ນາງ ແຫຼ້ ປອນມະນີ