ກອງປະຊຸມນຳສະເໜີທຶນສົມທົບຂະໜາດນ້ອຍທີ່ນະຄອນຫຼວງວຽງຈັນ

13:28 02/07/2026

ກົມສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມນຳສະເໜີທຶນສົມທົບຂະໜາດນ້ອຍລາວຍືນຍາວ ໂຄງການ “ລາວຍືນຍາວ” (Lasting Laos) ຂຶ້ນໃນວັນທີ 1 ກໍລະກົດນີ້ ທີ່ ໂຮງແຮມ DoubleTree by Hilton ນະຄອນຫຼວງວຽງຈັນ, ໂດຍການເປັນປະທານເປີດງານ ຂອງທ່ານ ນາງ ມາໄລຄຳ ພິລາພອນ ຮອງຫົວໜ້າກົມສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກຳ ແລະ ການຄ້າ, ທ່ານ ນາງ ສຸພະພອນ ຄຳແສນນາມ ຮັກສາການເລຂາທິການສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານນາງ ແຄໂຣໂມເທນຊັນ ອຳນວຍການອົງການແພລນສາກົນປະຈຳ ສປປ ລາວ ພ້ອມດ້ວຍແຂກຖືກເຊີນ ຈາກບັນດາພາກລັດ, ອົງການຈັດຕັ້ງສາກົນ, ພາກທຸລະກິດ, ກຸ່ມໄວໜຸ່ມ Startup Business, Eco-Business, ນັກສຶກສາຈາກຄະນະວິທະຍາສາດສິ່ງແວດລ້ອມ, ກຸ່ມໄວໜຸ່ມພາຍໃຕ້ໂຄງການ Youth in Change ສະມາຄົມ RDA ແລະ ກຸ່ມໄວໜຸ່ມ ໂຄງການ Connecting Young Laotians with Decent Job Opportunities ພາຍໃຕ້ໜ່ວຍງານ SOYEE ແລະ ສະມາຄົມ ໃນຂະແໜງການທີ່ປິ່ນອ້ອມການທ່ອງທ່ຽວ.

ກອງປະຊມນຳສະເໜທນສມທບຂະໜາດນອຍທນະຄອນຫວງວຽງຈນ - image 1

ຈຸດປະສົງຂອງງານ ເພື່ອຮັບຟັງບົດສະເໜີໂຄງການຂອງຜູ້ສະໝັກທຶນທີ່ເປັນຕົວແທນ MSME ແລະ ຜູ້ປະກອບການໄວໜຸ່ມ ຊຶ່ງມາຈາກແຂວງເປົ້າໝາຍ ຂອງໂຄງການ ຄື: ກຸ່ມໄວໜຸ່ມ (Young Entrepreneur Category) ມີ 10 ທຸລະກິດໄດ້ແກ່: IU Mien Gallery (ຫັດຖະກໍາຊົນເຜົ່າ ຈາກແຂວງຫຼວງພະບາງ), Print Squares (ເຄື່ອງພິມ 3D ຈາກນະຄອນຫຼວງ), Keeps Louder (ຫັດຖະກໍາກະເປົາເຮັດຈາກຜ້າຝ້າຍລາວ ຈາກນະຄອນຫຼວງ), Vela Café and Restaurant (ຮ້ານອາຫານ ໃນເມືອງວັງວຽງ - ຕົວແທນແຂວງວຽງຈັນ), PSV MINIFARM (ຜູ້ຜະລິດປຸຍຂີ້ກະເດືອນ ຈາກນະຄອນຫຼວງວຽງຈັນ), Jaidee Eco-printing (ຫັດຖະກໍາທີ່ໃຊ້ໃບໄມ້ແທ້ສ້າງລວດລາຍ ແລະ ສີໃນຜືນຜ້າ ຈາກຫຼວງພະບາງ), Tamper Coffee and Studio (ຮ້ານກາເຟ ໃນນະຄອນຫຼວງວຽງຈັນ), LeLao (ຫັດຖະກໍາ ໃນນະຄອນຫຼວງ), Ban KhaoHom (ຂາຍຂອງຝາກ ແລະ ເຄື່ອງໃຊ້ໂດຍເນັ້ນເປັນຜະລິດຕະພັນລາວ ໃນນະຄອນຫຼວງວຽງຈັນ), Crozy Design (ຫັດຖະກໍາທີ່ນໍາໃຊ້ຜ້າເສດ ໃນນະຄອນຫຼວງວຽງຈັນ) ແລະ ກຸ່ມ MSME ມີ 5 ທຸລະກິດໄດ້ແກ່: Lao Pottery House (ຫັດຖະກໍາເຄື່ອງປັ້ນດິນເຜົາ ໃນນະຄອນ-ຫຼວງພະບາງ), GAEBI Handicraft Shop (ຫັດຖະກໍາ ໃນນະຄອນຫຼວງພະບາງ), Lao Natural & Organic (ຜະລິດເຄື່ອງໃຊ້ສະໜອງໃຫ້ໂຮງແຮມ ໃນນະຄອນ-ຫຼວງພະບາງ), LK Farm & Forest Cafe (ຮ້ານອາຫານ ແລະ ສວນເລມ້ອນ ໃນນະຄອນ-ຫຼວງພະບາງ), Her Works (ຫັດຖະກໍາ ໃນນະຄອນຫຼວງ) ແລະ ຜົນການຄັດເລືອກຈະປະກາດຜ່ານ Facebook page ຂອງໂຄງການໃນອີກ 1 ອາທິດ ຂໍເຊີນທຸກທ່ານຕິດຕາມການປະກາດຜົນໄດ້ທີ່ Page: Lasting Laos.

ໂຄງການ ລາວຍືນຍາວ (Lasting Laos) ແມ່ນໂຄງການຮ່ວມຈັດຕັ້ງປະຕິບັດ ລະຫວ່າງກົມສົ່ງເສີມຈຸນລະວິສາຫະກິດຂະໜາດນ້ອຍ ແລະ ກາງ, ກະຊວງອຸດສາຫະກຳ ແລະ ການຄ້າ, ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ອົງການແພລນສາກົນປະຈໍາລາວ ຊຶ່ງໄດ້ຮັບທຶນສະໜັບສະໜູນ ຈາກ ສະຫະພາບເອີຣົບໃນການຈັດຕັ້ງປະຕິບັດໂຄງການດັ່ງກ່າວ. ໂຄງການ “ລາວຍືນຍາວ” ແມ່ນການສືບຕໍ່ ແລະ ຂະຫຍາຍຜົນສໍາເລັດຈາກໂຄງການ SUSTOUR Laos. ໂຄງການນີ້ ມີເປົ້າໝາຍສຸມໃສ່ການສ້າງຄວາມເຂັ້ມແຂງໃຫ້ແກ່ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs) ໂດຍສະເພາະແມ່ນຜູ້ປະກອບການໄວໜຸ່ມໃນ 5 ຂະແໜງການຫຼັກທີ່ກ່ຽວຂ້ອງກັບຕ່ອງໂສ້ອຸດສາຫະກໍາການທ່ອງທ່ຽວ: ການຄົມ ມະນາຄົມ ແລະ ຂົນສົ່ງ, ອາຫານ ແລະ ເຄື່ອງດື່ມ, ຫັດຖະກຳ ແລະ ຂອງທີ່ລະນຶກ, ການທ່ອງທ່ຽວຮູບແບບວັດທະນະທຳ, ການແປຮູບອາຫານກະສິກຳ (ຂະແໜງທີ່ເພີ່ມໃໝ່) ໂດຍມີທຶນສົມທົບຂະໜາດນ້ອຍລາວຍືນຍາວໃຫ້ແກ່ພາກທຸລະກິດ ໃນການຍົກລະດັບທຸລະກິດສີຂຽວ, ເຕີບໂຕຢ່າງຍືນຍົງ ໂດຍຜູ້ສະໝັກທຶນສົມ ທົບຂະໜາດນ້ອຍລາວຍືນຍາວ ແມ່ນຕ້ອງເປັນກຸ່ມເປົ້າໝາຍທີ່ດຳເນີນທຸລະກິດຕາມເງື່ອນໄຂ ແລະ ມີໃບຢັ້ງ ຢືນລາວຍືນຍາວຈາກ Travelife ຫຼື Lasting Laos ທີ່ເນັ້ນໃສ່ການຈັດຕັ້ງປະຕິບັດກ່ຽວກັບການຫຼຸດຜ່ອນການນຳໃຊ້ພລາສະຕິກທີ່ໃຊ້ຄັ້ງດຽວ ແລະ ບົດນຳສະເໜີໂຄງການທີ່ກ່ຽວຂ້ອງໂດຍກົງກັບການຫຼຸດຜ່ອນ, ການນຳໃຊ້ສິ່ງອື່ນມາທົດແທນ ຫຼື ການປັບປຸງການຄຸ້ມຄອງພລາສະຕິກທີ່ໃຊ້ຄັ້ງດຽວຖິ້ມ (SUP) ໂດຍບໍລິສັດ ທີ່ຕ້ອງການສະໝັກທຶນສົມທົບຂະໜາດນ້ອຍລາວຍືນຍາວ.

ສາມາດດາວໂຫຼດຟອມສະໝັກທີ່ http://bit.ly/4mafCj2 ແລະ ສົ່ງຟອມສະໝັກຜ່ານອີເມວ Lastinglaos@gmail.com ຊຶ່ງເປັນບາດກ້າວອັນສໍາຄັນອັນໜຶ່ງ ແລະ ເປັນໂອກາດທີ່ດີ ໃຫ້ແກ່ຜູ້ປະກອບການ ເພື່ອຫັນທຸລະກິດຂອງຕົນໄປສູ່ການດໍາເນີນທຸລະກິດແບບຍືນຍົງ ໂດຍຜ່ານການເຂົ້າຮ່ວມບັນດາກິດຈະກໍາຕ່າງໆຂອງໂຄງການ ທີ່ເປັນຜົນປະໂຫຍດໃນຫຼາຍດ້ານ ເປັນຕົ້ນການຍົກສູງສັກກະຍະພາບທາງດ້ານການດໍາເນີນທຸລະກິດ ແລະ ການປັບປຸງມາດຖານຄຸນນະພາບສໍາລັບທຸລະກິດຂອງຕົນໃຫ້ມີຄວາມເຂັ້ມແຂງຂຶ້ນໄປເລືື່ອຍໆ, ພ້ອມທັງເປັນທີ່ຮັບຮູ້ ແລະ ຍອມຮັບໃນຖານະເຈົ້າຂອງທຸລະກິດທີ່ມີຄວາມຍືນຍົງໃນແຖວໜ້າ. (ຂ່າວ: ແສງຈັນ)

ຄໍາເຫັນ

ຂ່າວວັດທະນະທຳ-ສັງຄົມ

ນະຄອນ ຫຼວງພະບາງ ມອບຈັກຕັດຫຍ້າໃຫ້ປະຊາຊົນມີສ່ວນຮ່ວມອະນາໄມແຄມທາງ

20/07/2026 15:26

ນະຄອນ ຫຼວງພະບາງ ໄດ້ຈັດພິທີມອບ-ຮັບເຄື່ງຈັກຕັດຫຍ້າ ໃຫ້ແກ່ບັນດາບ້ານ ຕັ້ງຢູ່ລຽບຕາມເສັ້ນທາງສາຍຫຼັກຂອງແຂວງ, ເມື່ອບໍ່ດົນມານີ້ ໂດຍມີທ່ານ ສະເຫວີຍ ສີລາວັນ ປະທານຄະນະກຳມະການປົກຄອງນະຄອນ ຫຼວງພະບາງ, ພ້ອມດ້ວຍພະນັກງານທີ່ກ່ຽວຂ້ອງ ແລະຄະນະກຳມະການປົກຄອງບ້ານເປົ້າໝາຍ ເຂົ້າຮ່ວມ.

ເມືອງຕະໂອ້ຍ ປະກາດສ້າງຕັ້ງຕາແສງ ໂຈະ ຍົກລະດັບການບໍລິການສູ່ຄວາມທັນສະໄໝ

20/07/2026 15:24

ພິທີປະກາດການຈັດຕັ້ງຕາແສງໂຈະ ເມືອງຕະໂອ້ຍ ເຊິ່ງເປັນຕາແສງທຳອິດ ທີ່ໄດ້ຮັບການປະກາດສ້າງຕັ້ງຈາກ 5 ຕາແສງຂອງເມືອງຕະໂອ້ຍແຂວງສາລະວັນໄດ້ຈັດຂຶ້ນໃນວັນທີ 17 ກໍລະກົດຜ່ານມາ,ທີ່ຕາແສງດັ່ງກ່າວໂດຍມີທ່ານນາງ ບຸນທະວີ ດວງລາສີ ຮອງເລຂາຄະນະບໍລິຫານງານພັກແຂວງ,ຜູ້ຊີ້ນຳວຽກງານການເມືອງແນວຄິດ-ວຽກງານພັກ-ພະນັກງານ, ທ່ານ ຄຳສະໄຫວ ວິລະກອນ ກຳມະການພັກແຂວງ ເລຂາຄະນະບໍລິຫານພັກເມືອງຕະໂອ້ຍ,ມີພາກສ່ວນກ່ຽວຂ້ອງເຂົ້າຮ່ວມ.

ສະຫະກອນຜູ້ຜະລິດກາເຟເຂດພູພຽງບໍລະເວນ ເປີດກອງປະຊຸມໃຫຍ່ ຄັ້ງທີ XIX

20/07/2026 15:22

ສະຫະກອນຜູ້ຜະລິດກາເຟ ເຂດພູພຽງບໍລະເວນ (ສຜກ) ໄດ້ເປີດກອງປະຊຸມໃຫຍ່ ຄັ້ງທີ XIX ປະຈໍາປີ 2026 ໃນວັນທີ 17 ກໍລະກົດຜ່ານມາທີ່ ເມືອງປາກຊ່ອງແຂວງຈຳປາສັກໂດຍມີ ທ່ານ ສີໃສ ທອງປັດສາ ຮອງປະທານຄະນະກຳມະການປົກຄອງເມືອງປາກຊ່ອງ, ທ່ານ ພອນວິໄລ ຫຼວງຄໍາຫານ ຮອງຫົວໜ້າກົມສົ່ງເສີມກະສິກຳ ແລະ ສະຫະກອນ ກະຊວງກະສິກຳ ແລະ ສິ່ງແວດລ້ອມ, ທ່ານ ຄໍາເຜີຍ ບຸດໂທ ຮອງຫົວໜ້າພະແນກກະສິກຳ ແລະ ສິ່ງແວດລ້ອມ ແຂວງຈໍາປາສັກ, ທ່ານ ບຸນຊູ ສຸດມາລີ ຮອງຫົວໜ້າກົມປູກຝັງ ກະຊວງກະສິກຳ ແລະ ສິ່ງແວດລ້ອມ, ມີພາກສ່ວນກ່ຽວຂ້ອງເຂົ້າຮ່ວມ.

ປາກຊ່ອງ ປ່ອຍປາ ລົງສູ່ແຫຼ່ງນ້ຳທຳມະຊາດພ້ອມປະກາດສ້າງຕັ້ງວັງສະຫງວນແຫ່ງໃໝ່

20/07/2026 15:21

ເນື່ອງໃນໂອກາດສະເຫຼີມສະຫຼອງວັນປ່ອຍປາແລະສັດນ້ຳແຫ່ງຊາດ, ເມືອງປາກຊ່ອງ ແຂວງຈຳປາສັກ ໄດ້ຈັດພິທີປ່ອຍປາລົງສູ່ແຫຼ່ງນ້ຳທຳມະຊາດທີ່ໜອງໃຫຍ່ ເຂດບ້ານທົ່ງກະຕ່າຍ ຕາແສງອຸດົມສິນ, ພ້ອມທັງປະກາດສ້າງຕັ້ງເປັນວັງສະຫງວນ, ໃນວັນທີ 17 ກໍລະກົດຜ່ານມາ ໂດຍມີ ທ່ານ ຄຳຂອດ ໝື່ນຫຼວງ ປະທານຄະນະກຳມະການປົກຄອງເມືອງປາກຊ່ອງ, ມີພາກສ່ວນກ່ຽວຂ້ອງເຂົ້າຮ່ວມ.

ບໍລິສັດ ພູເບ້ຍ ມາຍນິງ ຈັດກິດຈະກຳສະຫຼອງວັນອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ

17/07/2026 15:05

ບໍລິສັດ ພູເບ້ຍ ມາຍນິງ ຮ່ວມກັບອຳນາດການປົກຄອງແຂວງໄຊສົມບູນ ໄດ້ປ່ອຍລູກປາຈຳ ນວນຫຼາຍກວ່າ 22,000 ໂຕລົງ ສູ່ແຫຼ່ງນ້ຳຢູ່ແຂວງໄຊສົມບູນ ເນື່ອງໃນໂອກາດສະຫຼອງວັນ ອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ ຄົບຮອບ 29 ປີ.

ມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຢູ່ສອງແຂວງ

17/07/2026 12:55

ໃນວັນທີ 15-16 ກໍລະກົດນີ້, ທ່ານ ຄຳລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວພ້ອມດ້ວຍຄະນະໄດ້ລົງມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຂອງບ້ານນໍ້າມາງ, ກຳປອນ ເມືອງວຽງພູຄາ ແຂວງຫຼວງນ້ຳທາ ຈຳນວນ 50 ຄອບຄົວ ແລະ ບ້ານນໍ້າຕອຍ, ທົ່ງແສງຈັນ, ຫ້ວຍສາລາ, ຈອມຈຸກ, ບໍ່ເຫຼັກ ແລະ ບ້ານນ້ຳຕິນ ເມືອງຫ້ວຍຊາຍ ແຂວງບໍ່ແກ້ວ ຈຳນວນ50 ຄອບຄົວ ລວມມູນຄ່າທັງໝົດ 90 ລ້ານກີບ.

ຜົນສໍາເລັດກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ

17/07/2026 12:53

ກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ ໄດ້ເປີດຂຶ້ນຢ່າງເປັນທາງການ ໃນວັນທີ 16 ກໍລະກົດ ນີ້ ທີ່ ສະໂມສອນຫ້ອງວ່າການສູນກາງພັກ ແລະ ສໍາເລັດຜົນຢ່າງຈົບງາມໃນວັນດຽວກັນ, ໂດຍການໃຫ້ກຽດເຂົ້າຮ່ວມ ຂອງສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ເປັນປະທານກອງປະຊຸມໂດຍ ສະຫາຍ ວັນໄຊ ພອງສະຫວັນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງສູນກາງ, ບັນດາສະຫາຍຄະນະປະຈຳພັກ, ກຳມະການພັກ, ບັນດາສະຫາຍຜູ້ແທນສົມບູນ, ສະຫາຍສະມາຊິກພັກອາວຸໂສບຳນານ ແລະ ແຂກທີ່ຖືກເຊີນເຂົ້າຮ່ວມ.

ກຸ່ມບໍລິສັດເຄມີຫວຽດນາມ ມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດ ໃນສປປ ລາວ

17/07/2026 11:37

ກຸ່ມບໍລິສັດເຄມີຫວຽດນາມ (Vinachem) ເປັນໜຶ່ງກຸ່ມບໍລິສັດຊັ້ນນໍາຂອງຫວຽດນາມ ທີ່ໄດ້ນໍາເອົາຜະລິດຕະພັນຕ່າງໆຂອງກຸ່ມບໍລິສັດມາວາງສະແດງ ແລະ ຈໍາໜ່າຍໃນງານວາງສະແດງສິນຄ້າລາວ-ຫວຽດນາມ ປະຈໍາປີ 2026 (VIETLAO EXPO 2026) ທີ່ຈັດຂຶ້ນຢ່າງເປັນທາງການ ໃນລະຫວ່າງວັນທີ 16-20 ກໍລະກົດ 2026 ນີ້, ທີ່ສູນການຄ້າລາວ-ໄອເຕັກ (ຕຶກເກົ່າ) ນະຄອນຫຼວງວຽງຈັນ ເພື່ອມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດໃນ ສປປ ລາວ.

ສະເຫຼີມສະຫຼອງວັນແມ່ຍິງລາວ ແລະ ເທດສະການອາຫານ

17/07/2026 09:37

ໃນວັນທີ 14 ກໍລະກົດຜ່ານມານີ້, ສະຫະພັນແມ່ຍິງກະຊວງການຕ່າງປະເທດ ໄດ້ຈັດພິທີສະເຫຼີມສະຫຼອງ ແລະ ງານເທດສະການອາຫານ ເນື່ອງໃນໂອກາດຂໍ່ານັບຮັບຕ້ອນ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 71 ປີ (20/7/1955-20/7/2026) ທີ່ ກະຊວງການຕ່າງປະເທດ, ພາຍໃຕ້ການເປັນປະທານຂອງ ທ່ານ ໄມທອງ ທໍາມະວົງສາ ຮອງເລຂາຄະນະບໍລິຫານງານພັກ ຮອງລັດຖະມົນຕີກະຊວງການຕ່າງປະເທດ ຜູ້ຊີ້ນໍາວຽກງານ 3 ອົງການຈັດຕັ້ງມະຫາຊົນ ຊຶ່ງມີບັນດາພັນລະຍາການນໍາ, ພະນັກງານບໍານານເພດຍິງ, ອົງການຈັດຕັ້ງກຳມະບານ ແລະ ຊາວໜຸ່ມ, ຕະຫຼອດຮອດ ຄະນະບໍລິຫານງານ ແລະ ສະມາຊິກສະຫະພັນແມ່ຍິງຂອງກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ. ນອກຈາກນີ້, ຍັງມີຜູ້ຕາງໜ້າຈາກສູນກາງສະຫະພັນແມ່ຍິງລາວ, ສະຫະພັນແມ່ຍິງກະຊວງຂະແໜງການອ້ອມຂ້າງສູນກາງ ແລະ ບັນດາຫົວໜ່ວຍທຸລະກິດ ທີ່ໃຫ້ການສະໜັບສະໜູນໃນການຈັດງານຄັ້ງນີ້ ເຂົ້າຮ່ວມ.

ເລຂາພັກແຂວງຄຳມ່ວນ ລົງກວດກາສະຖານທີ່ ສ້າງ “ແລນມາກໃໝ່” ຂອງເມືອງທ່າແຂກ

16/07/2026 16:30

ໃນວັນທີ 15 ກໍລະກົດ 2026 ທ່ານ ໄຊຊະນະ ໂຄດພູທອນ ເລຂາພັກແຂວງ ປະທານສະພາປະຊາຊົນແຂວງຄຳມ່ວນ ພ້ອມດ້ວຍ ທ່ານ ເດດສັກດາ ມະນີຄຳ ຮອງປະທານຄະນະກຳມະການປົກຄອງແຂວງ ແລະ ຄະນະຕິດຕາມ ໄດ້ຮ່ວມກັບການຈັດຕັ້ງບ້ານ ລົງກວດກາສະຖານທີ່ເຮືອນໄມ້ ຫຼື ຫໍຄອຍພໍ່ເຖົ້າບຸນອຸ້ມ ທີ່ຕັ້ງຢູ່ບ້ານໂພນສະອາດ ເມືອງທ່າແຂກ ເພື່ອສຶກສາຄວາມເປັນໄປໄດ້ໃນການພັດທະນາເປັນຫໍຊົມວິວ, ຈຸດພັກຜ່ອນ ແລະ ຮ້ານກາເຟ ໃຫ້ກາຍເປັນແລນມາກໃໝ່ຂອງເມືອງທ່າແຂກ ແຂວງຄຳມ່ວນ ເພື່ອຮອງຮັບນັກທ່ອງທ່ຽວ ແລະ ຜູ້ເດີນທາງຜ່ານແຂວງ.

ເພີ່ມເຕີມ