ກອງບັນຊາການປ້ອງກັນຄວາມສະຫງົບ, ສານປະຊາຊົນ ເຂດ II, ຫ້ອງການຍຸຕິທໍາ ແລະ ຫ້ອງປະຕິບັດຄໍາຕັດສິນຂອງສານ ປະຈຳເມືອງໄຊທານີ ນະຄອນຫຼວງວຽງຈັນ. ພາຍໃຕ້ການເປັນປະທານຂອງ ທ່ານ ວຽງຄໍາ ສີຫາໂຄດ ກຳມະການບໍລິຫານງານພັກ ເລຂາບໍລິຫານງານພັກເມືອງ ເຈົ້າເມືອງໄຊທານີ ນະຄອນຫຼວງວຽງຈັນ, ມີບັນດາແຂກທີ່ຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ສຸດທີ່ມີຄວາມໝາຍສໍາຄັນ ທີ 5 ພາກສ່ວນ ໄດ້ພ້ອມກັນກໍານົດກົນໄກປະສານງານ ການດຳເນີນຄະດີ ຕາມຂະບວນຍຸຕິທຳ ຊຶ່ງມີ 7 ບັນຫາທີ່ສໍາຄັນໄດ້ຍົກຂຶ້ນມາປຶກສາຫາລື ຄື: 1. ການດໍາເນີນຄະດີຂອງອົງການສືບສວນ-ສອບສວນ ກອງບັນຊາການປ້ອງກັນຄວາມສະຫງົບ; 2. ການດໍາເນີນຄະດີ ແລະ ການຕິດຕາມກວດກາ ຂອງອົງການໄອຍະການປະຊາຊົນ ເຂດ II ; 3. ການດໍາເນີນຄະດີຂອງສານປະຊາຊົນ ເຂດ II, 4. ການປະຕິບັດຄໍາຕັດສິນຂອງສານ ຫ້ອງປະຕິບັດຄໍາຕັດສິນຂອງສານ ປະຈໍາເມືອງ; 5. ຫ້ອງການຍຸຕິທໍາ ເມືອງໄຊທານີ; 6. ບັນຫາລວມທີ່ຈະໄດ້ແກ້ໄຂຮ່ວມກັນຂອງ 5 ພາກສ່ວນ ແລະ 7. ມາດຕະການຈັດຕັ້ງປະຕິບັດ. ບົດບັນທຶກຮ່ວມສະບັບນີ້ ສ້າງຂຶ້ນເພື່ອເປັນບ່ອນອີງໃຫ້ແກ່ 5 ພາກສ່ວນ ນໍາໄປຈັດຕັ້ງຜັນຂະຫຍາຍ ໃນຂະແໜງການຂອງຕົນ ໃຫ້ປະຕິບັດຖືກຕ້ອງສອດຄ່ອງຕາມກົດໝາຍ ແລະ ມີຄວາມເປັນເອກະພາບກັນ ລະຫວ່າງ 5 ພາກສ່ວນ.
ທ່ານເຈົ້າເມືອງໄຊທານີ ໃນນາມປະທານກອງປະຊຸມ ໄດ້ກ່າວວ່າ: ເພື່ອໃຫ້ການລົງນາມໃນຄັ້ງນີ້ມີຜົນສັກສິດ ທ່ານໄດ້ເນັ້ນແຕ່ລະພາກສ່ວນ ປະສານສົມທົບຊຶ່ງກັນ ແລະ ກັນ ນໍາເອົາບົດບັນທຶກສະບັບນີ້ ໄປຈັດຕັ້ງປະຕິບັດ ເຜີຍແຜ່ໃຫ້ພະນັກງານໃນຂົງເຂດຂອງຕົນຮັບຮູ້ ແລະ ເຂົ້າໃຈ ແລ້ວກຳນົດກົນໄກ, ລະບອບປະຊຸມປຶກສາຫາລື, ແລກປ່ຽນ, ຖອດຖອນບົດຮຽນ 6 ເດືອນຕໍ່ຄັ້ງ ໂດຍຜັດປ່ຽນໝູນວຽນກັນເປັນເຈົ້າພາບ ເພື່ອແກ້ໄຂບັນຫາຄົງຄ້າງຮ່ວມກັນ ໃຫ້ມີຄວາມເປັນເອກະພາບ ໃນການຊອກຫາວິທີແກ້ໄຂຮ່ວມກັນ ເພື່ອເຮັດໃຫ້ປະຊາຊົນບັນດາເຜົ່າ ໄດ້ຮັບຄວາມຍຸຕິທຳ ແລະ ເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ ແລະ ສັງຄົມມີຄວາມສະຫງົບ ທົ່ວເມືອງໄຊທານີ.
(ຂ່າວ-ພາບ: ອອປສ)
ຄໍາເຫັນ