ເມືອງເງິນ ສຳເລັດການແຂ່ງຂັນ ກິລາມິດຕະພາບ ລາວ-ໄທ ຄັ້ງທີ່ 25

14:05 05/02/2024

ຫວ່າງແລ້ວນີ້. ຢູ່ເດີນກິລາເມືອງເງິນ ແຂວງໄຊຍະບູລີ. ໄດ້ຈັດງານແຂ່ງຂັນກິລາມິດຕະພາບລາວ-ໄທ ຄັ້ງທີ່ 25 ລະຫວ່າງ ເມືອງເງິນ ແຂວງ ໄຊຍະບູລີ ສປປ ລາວ ກັບ ອຳເພີສະເຫຼີມພະກຽດ ຈັງຫວັດນ່ານ ລາຊາອານະຈັກໄທ ຊຶ່ງເມືອງເງິນໄດ້ຮັບກຽດເປັນເຈົ້າພາບ. ໂດຍການເປັນປະທານຮ່ວມຂອງທ່ານ ທະວີສັກ ໄຊຍະວົງ ເລຂາພັກເມືອງ ເຈົ້າເມືອງໆເງິນ ແລະ ທ່ານ ສົມກຽດ ແສງແກ້ວ ນາຍອຳເພີສະເຫຼີມພະກຽດ, ມີບັນດາທ່ານເຈົ້າເມືອງເມືອງຫົງສາ, ເມືອງໄຊສະຖານ, ເມືອງຊຽງຮ່ອນ ແລະ ພະແນກການຂອງແຂວງ ຕະຫຼອດຮອດພໍ່ແມ່ປະຊາຊົນ ທັງ 2 ເມືອງເຂົ້າຮ່ວມ.
ການຈັດງານແຂ່ງຂັນກິລາໃນຄັ້ງນີ້, ປະກອບມີ 3 ປະເພດກິລາຄື: ບານເຕະຍິງ-ຊາຍ, ບານສົ່ງຍິງ-ຊາຍ, ກະຕໍ້ຊາຍ ແລະ ກິລາບານເຕະຂອງການນໍາທັງສອງເມືອງ. ຊຶ່ງມີຜົນການແຂ່ງຂັນດັ່ງນີ້: ບານເຕະຊາຍ ອາວຸໂສການນຳເມືອງເງິນເອົາຊະນະ ການນຳອຳເພີສະເຫຼີມພະກຽດ, ບານເຕະຊາຍ ຊາວໜຸ່ມ ສະເໜີກັນ 1=1 ປະຕູ, ບານເຕະ ຍິງ ເມືອງເງິນ ຊະນະ ອຳເພີສະເຫຼີມພະກຽດຊະນະ, ບານສົ່ງ ຊາຍ ອຳເພີສະເຫຼີມພະກຽດ ຊະນະ ເມືອງເງິນ, ບານສົ່ງຍິງ ອຳເພີສະເຫຼີມພະກຽດ ຊະນະ ເມືອງເງິນ, ກະຕໍ້ຊາຍ ອໍາເພີສະເຫຼີມພະກຽດ ຊະນະເມືອງເງິນ.
(ພາບ: ນັກຂ່າວເມືອງເງິນ)

ຄໍາເຫັນ

ຂ່າວການຮ່ວມມື

ກອງປະຊຸມຄະນະກຳມາທິການເສດຖະກິດ-ສັງຄົມປະຈຳພາກພື້ນອາຊີ-ປາຊີຟິກສະໄໝທີ 82

21/04/2026 15:28

ໃນລະຫວ່າງວັນທີ 20-24 ເມສານີ້ ທີ່ບາງກອກ ປະເທດໄທ, ທ່ານ ທອງສະຫວັນ ພົມວິຫານຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ໄດ້ນໍາພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມຄະນະກຳມາທິການເສດຖະກິດ-ສັງຄົມປະຈຳພາກພື້ນອາຊີ-ປາຊີຟິກສະໄໝທີ 82 (the 82nd session of the Economic and Social Commission for Asia and the Pacific (ESCAP) ຈັດຂຶ້ນພາຍໃຕ້ຫົວຂໍ້: "ພວກເຮົາພ້ອມກັນກ້າວໄປ: ການພັດທະນາສັງຄົມສໍາລັບທຸກໄວອາຍຸ ຢູ່ໃນພາກພື້ນອາຊີ ແລະ ປາຊີຟິກ (Leaving no one behind: advancing a society for all ages in Asia and the Pacific)".

ຮອງປະທານ ສນຊ ຕ້ອນຮັບຮອງລັດຖະມົນຕີກະຊວງການຕ່າງປະເທດອິນໂດເນເຊຍ

21/04/2026 15:01

ທ່ານ ລາວປາວຊົ່ງ ນະວົງໄຊ ກຳມະການສູນກາງພັກ ຮອງເລຂາຄະນະພັກ ຮອງປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ອັນນິດ ມັດຕາ (H.E. Anis Matta) ຮອງລັດຖະມົນຕີກະຊວງການຕ່າງປະເທດອິນໂດເນເຊຍ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 20 ເມສາ ຜ່ານມາ.

ທູດລາວເຂົ້າຮ່ວມພິທີລະນຶກວັນສິ້ນພະຊົນ ເຈົ້າຍິງໂຍ່ຍຮວາ ຣາຊະທິດາລາວ ທີ່ແຂວງນິງບິ່ງ

21/04/2026 14:54

ໃນວັນທີ 19 ເມສາ ຜ່ານມາ, ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະ ໄດ້ເຂົ້າຮ່ວມພິທີລະນຶກວັນສິ້ນພະຊົນຂອງເຈົ້າຍິງ ໂຍ່ຍຮວາ ຣາຊະທິດາລາວ ທີ່ອຳນາດການປົກຄອງແຂວງນິງບິ່ງ ພ້ອມຊາວຕາແສງ ໄຕຮວາລື ຈັດຂຶ້ນຢູ່ຫໍໄຫວ້ເຈົ້າຍິງໂຍ່ຍຮວາ ບ້ານຖາຍເຊີນ ຕາແສງໄຕຮວາລື ແຂວງນິງບິ່ງ ໂດຍມີການນຳແຂວງ, ພະແນກການທີ່ກ່ຽວຂ້ອງ ແລະ ພໍ່ແມ່ປະຊາຊົນໃນທ້ອງຖິ່ນເຂົ້າຮ່ວມ.

ກອງບັນຊາການທະຫານເຂດ 4 ໄດ້ຮັບນາມມະຍົດວິລະຊົນກໍາລັງປະກອບອາວຸດປະຊາຊົນ

21/04/2026 14:48

ຫວ່າງມໍ່ໆມານີ້, ສະຫາຍ ພົນໂທ ວົງສອນ ອິນປານພິມ ຄະນະເລຂາທິການສູນກາງພັກປະຊາຊົນປະຕິວັດລາວ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບປະຊາຊົນລາວ ພ້ອມດ້ວຍຄະນະໄດ້ເດີນທາງເຂົ້າຮ່ວມພິທີຍ້ອງຍໍນາມມະຍົດວິລະຊົນກໍາລັງປະກອບອາວຸດປະຊາຊົນ ຈາກພັກ ແລະ ລັດຖະບານຫວຽດນາມ ມອບໃຫ້ກອງບັນຊາການທະຫານເຂດ 4 ກອງທັບປະຊາຊົນຫວຽດນາມ, ໂດຍການເປັນປະທານຂອງ ສະຫາຍ ເລ ມິງ ຮຶງ ກໍາມະການກົມການເມືອງສູນກາງພັກກອມມູນິດຫວຽດນາມ ນາຍົກລັດຖະມົນຕີແຫ່ງ ສສ ຫວຽດນາມ, ມີສະຫາຍ ພົນເອກ ຟານ ວັນ ຢາງ ກໍາມະການກົມການເມືອງສູນກາງພັກກອມມູນິດຫວຽດນາມ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັັນປະເທດຫວຽດນາມ, ມີພະນັກງານອາວຸໂສບໍານານ, ບັນດາເລຂາພັກແຂວງອ້ອມຂ້າງ, ຄະນະກົມໃຫຍ່ ແລະ ການນໍາກອງບັນຊາການທະຫານເຂດ 4 ເຂົ້າຮ່ວມ.

ຮອງ ລມຕ ກະຊວງຕ່າງປະເທດລາວ-ອິນໂດເນເຊຍ ພົບປະສອງຝ່າຍ

21/04/2026 14:36

ໃນວັນທີ 20 ເມສາ ຜ່ານມານີ້, ທ່ານ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ແລະ ພົບປະສອງຝ່າຍກັບ ທ່ານ ອັນນິດ ມັດຕາ (H.E. Anis Matta) ຮອງລັດຖະມົນຕີກະຊວງການຕ່າງປະເທດ ແຫ່ງ ສ ອິນໂດເນເຊຍ ໃນໂອກາດເດີນທາງມາຢ້ຽມຢາມເຮັດວຽກຢູ່ ສປປ ລາວ ໃນລະຫວ່າງວັນທີ 19-21 ເມສາ 2026.

ວາງສີລາລືກ ໂຄງການກໍ່ສ້າງໂຮງຮຽນສາມັນວິຊາຊີບແບບປະສົມວັງເງິນ

21/04/2026 10:05

ພິທີວາງສີລາລືກໂຄງການກໍ່ສ້າງໂຮງຮຽນສາມັນ ວິຊາຊີບແບບປະສົມວັງເງິນ ແຂວງຫຼວງພະບາງ ຈັດຂຶ້ນໃນວັນທີ 20 ເມສານີ້ ທີ່ໂຮງຮຽນປະຖົມສົມບູນວັງເງິນ ນະຄອນ ຫຼວງພະບາງ, ມີທ່ານ ບຸນເລື່ອມ ມະນີວົງ ປະທານສະພາປະຊາຊົນແຂວງ, ທ່ານ ຫວູ້ ງ໊ອກ ລີ ກົງສູນໃຫຍ່ ສສ ຫວຽດນາມ ປະຈໍາພາກເໜືອ ແຂວງຫຼວງພະບາງ, ພ້ອມດ້ວຍຜູ້ຕາງໜ້າພະແນກການຂອງແຂວງ, ນະຄອນ ຫຼວງພະບາງແລະປະຊາຊົນ ເຂົ້າຮ່ວມ.

ສັບປະດາຮູບເງົາຈີນ ເພື່ອສະເຫຼີມຫຼອງວັນສ້າງຕັ້ງສາຍພົວພັນທາງການທູດລາວ-ຈີນ ຄົບຮອບ 65 ປີ

21/04/2026 09:59

ກະຊວງວັດທະນະທຳ ແລະ ການທ່ອງທ່ຽວຮ່ວມກັບສະຖານທູດ ສປ ຈີນ ປະຈຳ ສປປ ລາວ ແລະ ວິທະຍຸໂທລະພາບສູນກາງຈີນ CMG ປະຈໍາ ສປປ ລາວ ໄດ້ຈັດ ສັບປະດາຮູບເງົາຈີນ ເພື່ອສະເຫຼີມຫຼອງວັນສ້າງຕັ້ງສາຍພົວພັນທາງການທູດລາວ-ຈີນ ຄົບຮອບ 65 ປີ ແລະ ປີມິດຕະພາບລາວ-ຈີນ 2026 ເທດສະການຮູບເງົາດີເດັ່ນລາວ-ຈີນ ຄົບຮອບ 10 ປີຂຶ້ນໃນວັນທີ 20 ເມສາ ນີ້ ທີ່ໂຮງສາຍຮູບເງົາເມເຈີ ສູນການຄ້າວຽງຈັນເຊັນເຕີ ໂດຍເປັນກຽດເຂົ້າຮ່ວມຮັບຊົມ ຂອງ ທ່ານ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນຂັ້ນສູນກາງ, ມີທ່ານ ມອນໄຊ ລາວມົວຊົງ ຮອງປະທານສະພາແຫ່ງຊາດ, ທ່່ານ ນາງ ສວນສະຫວັນ ວິຍະເກດ ລັດະຖະມົນຕີກະຊວງວັດທະນະທຳ ແລະ ການທ່ອງທ່ຽວ, ທ່ານ ນາງ ຟາງຫົງ ເອກອັກຄະລັດຖະທູດວິສາມັນຜູ້ມີອຳນາດເຕັ້ມ ແຫ່ງ ສປ ຈີນ ປະຈໍາ ລາວ ພ້ອມດ້ວຍບັນດາທ່ານການນຳ ແລະ ນັກງານຈາກກະຊວງຕ່າງໆ.

ເຈັງຊຶ ຜູ້ສ້າງຕົວເອງດ້ວຍການຮຽນຮູ້ສູ່ການເຮັດວຽກແບບມືອາຊີບ

21/04/2026 09:51

ເບື້ອງຫຼັງຂອງຄວາມສຳເລັດທຸກຢ່າງບໍ່ແມ່ນມີແຕ່ໂຊກຊະຕາ, ແຕ່ແມ່ນເຫື່ອແຮງ ແລະ ຄວາມອົດທົນທີ່ຖືກສະສົມມາຢ່າງຍາວນານ. “ທ້າວ ເຈັງຊຶ” ຄືພາບສະທ້ອນຂອງຊາຍຜູ້ໜຶ່ງທີ່ກ້າຝັນ ແລະ ກ້າເດີນໄປຂ້າມຂອບເຂດຂອງຕົນເອງ, ຈາກວັນທຳອິດທີ່ເຕັມໄປດ້ວຍຄວາມກັງວົນ ແລະ ຄວາມບໍ່ໝັ້ນໃຈ ລາວບໍ່ໄດ້ຫຼີກໜີ ແຕ່ເລືອກທີ່ຈະເຜີຍໜ້າກັບມັນດ້ວຍຫົວໃຈທີ່ແຂງແກ່ນ.

ສະຖານີລົດໄຟນະຄອນຫຼວງວຽງຈັນ ຍົກລະດັບສູ່ມາດຕະຖານສາກົນ

20/04/2026 12:49

ສະຖານີລົດໄຟນະຄອນຫຼວງວຽງຈັນ ກຳລັງກ້າວຂຶ້ນເປັນສູນກາງການຂົນສົ່ງທີ່ສຳຄັນຂອງລົດໄຟລາວ-ຈີນ ດ້ວຍການອອກແບບອັນໂດດເດັ່ນ ທີ່ປະສົມປະສານອັນເປັນເອກະລັກລາວ-ຈີນຢ່າງລົງຕົວ ພ້ອມທັງສາມາດຮອງຮັບຜູ້ໂດຍສານໄດ້ເຖິງ 2,500 ຄົນຕໍ່ຄັ້ງ. ນັບແຕ່ເປີດໃຫ້ບໍລິການໃນປີ 2021 ມາຮອດປັດຈຸບັນ ສາມາດຮອງຮັບຜູ້ໂດຍສານໄດ້ຫຼາຍກວ່າ 3.67 ລ້ານເທື່ອຄົນ, ສະທ້ອນໃຫ້ເຫັນບົດບາດອັນແຂງແຮງໃນການເຊື່ອມໂຍງພາກພື້ນ ແລະ ການເດີນທາງຂ້າມແດນລາວ-ຈີນ. ພ້ອມນັ້ນ, ການຍົກລະດັບບໍລິການຢ່າງຕໍ່ເນື່ອງ ລວມເຖິງລະບົບຂາຍປີ້ທັນສະໄໝ ແລະ ການໃຫ້ບໍລິການຫຼາຍພາສາ ໄດ້ເຮັດໃຫ້ສະຖານີແຫ່ງນີ້ ກາຍເປັນ “ປະຕູຫຼັກ” ຂອງການເດີນທາງທີ່ທັນສະໄໝ ແລະ ສະດວກສະບາຍ ໃນພາກພື້ນອາຊີ.

ປັດຈຸບັນ, ວິສາຫະກິດ ຫວຽດນາມ ລົງທຶນ ຢູ່ ລາວ ທັງໝົດ 276 ໂຄງການ

10/04/2026 11:05

ໃນໂອກາດ ການເຄື່ອນໄຫວ ຢ້ຽມຢາມ ແລະ ເຮັດວຽກ ທີ່ ສສ ຫວຽດນາມ ໃນວັນທີ 6 ເມສາ ຜ່ານມາ, ທ່ານ ລິນຄໍາ ດວງສະຫວັນ ລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ ພ້ອມດ້ວຍຄະນະ ໄດ້ເຂົ້າພົບປະ ທ່ານ ຫວູ ດ່າຍ ຖັງ ປະທານຄະນະກໍາມະການ ປະຊາຊົນ ນະຄອນຫຼວງຮ່າໂນ້ຍ.

ເພີ່ມເຕີມ