ສະຫາຍ ຄໍາພັນ ເຜີຍຍະວົງ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ພ້ອມຄະນະ ໄດ້ພົບປະກັບ ຄະນະຜູ້ແທນຂັ້ນສູງຂອງຄະນະໂຄສະນາສູນກາງພັກກອມມູນິດຈີນ ນໍາໂດຍ ສະຫາຍ ຫຼີ ຊູ ເຫຼີຍ ກຳມະການກົມການເມືອງສູນກາງພັກ ເລຂາທິການສູນກາງພັກ ຫົວໜ້າຄະນະໂຄສະນາສູນກາງພັກກອມມູນິດຈີນ ໃນຕອນເຊົ້າວັນທີ 9 ມັງກອນນີ້ ທີ່ນະຄອນຫຼວງວຽງຈັນ ໂອກາດທີ່ຄະນະດັ່ງກ່າວ ເດີນທາງມາເຂົ້າຮ່ວມກອງປະຊຸມສຳມະນາທິດສະດີ ລະຫວ່າງພັກປະຊາຊົນ ປະຕິວັດລາວ ແລະ ພັກກອມມູນິດຈີນ ຄັ້ງທີ XI ໃນລະຫວ່າງວັນທີ 9-10 ມັງກອນ 2024 ທີ່ ສປປ ລາວ ເປັນເຈົ້າພາບ.
ໂອກາດນີ້, ສະຫາຍ ຄໍາພັນ ເຜີຍຍະວົງ ໄດ້ກ່າວສະແດງຄວາມຕ້ອນຮັບ ແລະ ຕີລາຄາສູງຕໍ່ ສະຫາຍ ຫຼີ ຊູ ເຫຼີຍ ພ້ອມຄະນະທີ່ມາເຂົ້າຮ່ວມກອງປະຊຸມສໍາມະນາທິດສະດີສອງພັກ ລາວ-ຈີນ ຄັ້ງທີ XI ແລະ ການພົບປະເຮັດວຽກ ຂອງສອງຄະນະໂຄສະນາອົບຮົມໃນຄັ້ງນີ້ ແມ່ນມີຄວາມໝາຍສໍາຄັນຍິ່ງ ຊຶ່ງໄດ້ເປັນການປະກອບສ່ວນອັນສໍາຄັນເຂົ້າໃນການຈັດຕັ້ງຜັນຂະຫຍາຍສັນຍາແມ່ບົດຄູ່ຮ່ວມຊາຕາກໍາ ລາວ-ຈີນ ສະບັບໃໝ່ ທີ່ ສະຫາຍ ເລຂາທິການໃຫຍ່ ທອງລຸນ ສີສຸລິດ ແລະ ປະທານ ສີຈິ້ນຜິງ ໄດ້ເຊັນກັນໃນທ້າຍປີ 2023 ຜ່ານມານີ້ ທີ່ນະຄອນຫຼວງປັກກິ່ງ, ທັງເປັນການເພີ່ມພູນຄູນສ້າງການພົວພັນຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ, ຈີນ-ລາວ, ພິເສດລະຫວ່າງສອງຄະນະໂຄສະນາອົບຮົມພວກເຮົາ ໃຫ້ນັບມື້ ເລິກເຊິ່ງ ແລະ ເກີດດອກອອກຜົນຍິ່ງໆຂຶ້ນ.
ສະຫາຍ ຫຼີ ຊູ ເຫຼີຍ ກໍໄດ້ກ່າວສະແດງຄວາມຂອບໃຈທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ມີການວາງແຜນລະອຽດຮອບຄອບ, ພ້ອມທັງກ່າວສະແດງຄວາມພາກພູມໃຈທີ່ໄດ້ຖືກມອບໝາຍຈາກພັກກອມມູນິດຈີນ ມາເຂົ້າຮ່ວມກອງປະຊຸມສຳມະນາດັ່ງກ່າວ ພ້ອມທັງໃຫ້ຮູ້ວ່າ: ພວກເຮົາມີຄວາມຮັບຜິດຊອບສູງ ເພື່ອຈະກ້າວເຂົ້າສູ່ການຈັດຕັ້ງປະຕິບັດ ຕາມການຮ່ວມມືຂອງການນໍາຂັ້ນສູງສຸດ ຂອງສອງພັກ, ສອງລັດ, ຊຸກຍູ້ການແລກປ່ຽນບົດຮຽນທາງດ້ານການປົກຄອງປະເທດ ບໍລິຫານລັດ ໃຫ້ພັດທະນາກ້າວເຂົ້າສູ່ລວງເລິກ, ເພີ່ມທະວີການແລກປ່ຽນ ການຮ່ວມມື ລະຫວ່າງສອງຄະນະໂຄສະນາອົບຮົມສູນກາງພັກ, ຊຸກຍູ້ສົ່ງເສີມການແລກປ່ຽນ ແລະ ຮ່ວມມືໃນຂົງເຂດວັດທະນະທໍາ, ການໄປມາຫາສູ່ກັນ ລະຫວ່າງປະຊາຊົນສອງປະເທດ ຈີນ-ລາວ. ນອກນີ້, ກໍສະແດງຄວາມຊົມເຊີຍ ທີ່ເຫັນວ່າ: ພາຍໃຕ້ການນໍາພາອັນເຂັ້ມແຂງຂອງສູນກາງພັກປະຊາຊົນປະຕິວັດລາວ ທີ່ນໍາພາໂດຍ ສະຫາຍ ເລຂາທິການໃຫຍ່ ທອງລຸນ ສີສຸລິດ ຊຶ່ງນັບແຕ່ກອງປະຊຸມໃຫຍ່ຄັ້ງທີ XI ເປັນຕົ້ນມາ ພາລະກິດພັກ-ລັດ ຂອງ ສປປ ລາວ ທຸກປະການຖືວ່າລ້ວນແລ້ວແຕ່ໄດ້ຮັບການພັດທະນາຢ່າງຮຸ່ງເຮືອງ, ປະຊາຊົນລາວ ໄດ້ມີຄວາມຮັບຮູ້ຕໍ່ຜົນປະໂຫຍດ ແລະ ມີຄວາມຜາສຸກນັບມື້ນັບຫຼາຍຂຶ້ນຢ່າງພົ້ນເດັ່ນ ຊຶ່ງແມ່ນຜົນສຳເລັດອັນໃຫຍ່ຫຼວງຂອງຝ່າຍລາວ. ພ້ອມດຽວກັນນີ້, ສະຫາຍ ຫຼີ ຊູ ເຫຼີຍ ຍັງກ່າວວ່າ: ໄດ້ຮັບຊາບວ່າການດຳເນີນບໍລິຫານຂອງທາງລົດໄຟ ຈີນ-ລາວ ຖືວ່າດີສົມຄວນ ບໍ່ວ່າການຂົນສົ່ງສິນຄ້າ ຫຼື ວ່າການຂົນສົ່ງຜູ້ໂດຍສານ ລ້ວນແລ້ວແຕ່ມີຈໍານວນທີ່ດີຫຼາຍສົມຄວນ ຊຶ່ງໄດ້ຮູ້ສຶກດີໃຈຫຼາຍ ແລະ ໄດ້ກຳລັງໃຈສູງ, ຫວັງວ່າໂຄງການລົດໄຟ ຈີນ-ລາວ ຈະໄດ້ສືບຕໍ່ປະກອບສ່ວນເຂົ້າໃນການຊຸກຍູ້ສົ່ງເສີມການພັດທະນາເສດຖະກິດ-ສັງຄົມຂອງປະເທດລາວ.
ການພົບປະຄັ້ງນີ້, ສອງຝ່າຍ ຍັງໄດ້ລາຍງານສະພາບການເຄື່ອນໄຫວວຽກງານໂຄສະນາອົບຮົມຂອງແຕ່ລະຝ່າຍໃຫ້ກັນຊາບ ຊຶ່ງພ້ອມດຽວກັນນີ້ ສະເພາະຝ່າຍລາວ ກໍໄດ້ກ່າວວ່າ: ໃນໄລຍະຜ່ານມາ ຄະນະໂຄສະນາອົບຮົມສູນກາງພັກໄດ້ປະສານສົມທົບກັບສະຖານທູດ ສປ ຈີນ ປະຈໍາ ສປປ ລາວ ສ້າງເອກະສານປາຖະກະຖາ ຕ່າງໆປະສານສົມທົບກັບບໍລິສັດທາງລົດໄຟ ລາວ-ຈີນ ສ້າງເອກະສານນໍາພາແນວຄິດ ກ່ຽວກັບໂຄງການກໍ່ສ້າງທາງລົດໄຟ ລາວ-ຈີນ ແລະຈັດຕັ້ງການປາຖະກະຖາຜົນສໍາ ເລັດຂອງການກໍ່ສ້າງໂຄງການດັ່ງກ່າວ; ຈັດຕັ້ງກອງປະຊຸມສໍາມະນາທິດສະດີ ລະຫວ່າງ ສອງພັກ ລາວ-ຈີນ ໃນ ຫຼາຍຫົວຂໍ້ທີ່ສໍາຄັນ ຊຶ່ງເປັນການຄົ້ນຄວ້າແລກປ່ຽນທາງດ້ານທິດສະດີ ແລະ ພຶດຕິກໍາ ເພື່ອປະກອບເຂົ້າໃນການ ປັບປຸງບູລະນະແນວທາງຂອງພັກ. ນອກນັ້ນ, ຝ່າຍຈີນໄດ້ໃຫ້ການຊ່ວຍເຫຼືອໃນການຝຶກອົບຮົມທາງດ້ານວິຊາ ການໃນຫົວຂໍ້ສະເພາະຕ່າງໆໄລຍະສັ້ນໃຫ້ແກ່ພະນັກງານໂຄສະນາອົບຮົມສູນກາງພັກ ປປ ລາວ; ວາລະສານອະລຸນໃໝ່ ຂອງພັກ ປປ ລາວ ກັບ ວາລະສານສິວຊຶ ຂອງສູນກາງພັກກອມມູນິດຈີນ ກໍໄດ້ມີການພົວພັນພົບປະ ຢ້ຽມຢາມ ແລະ ແລກປ່ຽນບົດຮຽນການເຄື່ອນໄຫວວຽກງານວາລະສານ ຊຶ່ງກັນ ແລະ ກັນ; ໜັງສືພິມປະຊາຊົນ ສຽງຂອງສູນກາງພັກປະຊາຊົນປະຕິວັດລາວ ແລະ ວາລະສານຈໍາປາຂອງແຂວງຢູນນານ ສປ ຈີນ ໄດ້ມີການ ແລກປ່ຽນຂໍ້ມູນຂ່າວສານນໍາກັນປົກກະຕິ, ສອງຄະນະໂຄສະນາໄດ້ເຂົ້າຮ່ວມຢ່າງຕັ້ງໜ້າໃນການເຜີຍແຜ່ມູນເຊື້ອ ການພົວພັນສອງຝ່າຍ ລາວ-ຈີນ ຢ່າງຕໍ່ເນື່ອງ ຕິດພັນກັບການຜັນຂະຫຍາຍແຜນແມ່ບົດຄູ່ຮ່ວມຊາຕາກໍາ ລາວ- ຈີນ ເຂົ້າສູ່ຊີວິດຕົວຈິງ. ສັງລວມແລ້ວ, ຜ່ານການຈັດຕັ້ງປະຕິບັດແຜນການພົວພັນ-ຮ່ວມມື 2 ຝ່າຍ ແລະ ການປະຕິບັດແຜນ ແມ່ບົດຄູ່ຮ່ວມຊາຕາກໍາລາວ-ຈີນ ໃນໄລຍະຜ່ານມາ ເຫັນວ່າໄດ້ມີຜົນສໍາເລັດຕົວຈິງຫຼາຍດ້ານ ຊຶ່ງໄດ້ ປະກອບສ່ວນອັນສໍາຄັນໃຫ້ແກ່ການພັດທະນາສາຍພົວພັນຂອງ 2 ຝ່າຍ, ປະກອບສ່ວນໃນການພັດທະນາ ເສດຖະກິດ-ສັງຄົມ ຂອງລາວ, ນໍາເອົາຜົນປະໂຫຍດຕົວຈິງມາສູ່ປະຊາຊົນລາວ ກໍຄື ການຍົກລະດັບຊີວິດ ການເປັນຢູ່ ແລະ ນໍາເອົາຄວາມຈະເລີນ, ຄວາມຜາສຸກມາສູ່ປະຊາຊົນລາວ.
ສໍາລັບທິດທາງແຜນການຮ່ວມມືໃນຕໍ່ໜ້າ, ຝ່າຍລາວ ເຫັນດີເປັນເອກະພາບ ໃນການສືບຕໍ່ເພີ່ມທະວີການພົວພັນຮ່ວມມື ຜ່ານຮູບແບບການແລກປ່ຽນ ເພື່ອຢ້ຽມຢາມ ແລະ ພົບປະຄະນະຜູ້ ແທນການນໍາຂັ້ນສູງ ແລະ ຄະນະທີມງານວິຊາການຂອງສອງຝ່າຍ ຢ່າງເປັນປົກກະຕິ ຕິດພັນກັບການກໍ່ສ້າງ-ບໍາລຸງ ຍົກລະດັບຄວາມຮູ້ທາງດ້ານທິດສະດີ, ວຽກງານວິຊາສະເພາະໃຫ້ພະນັກງານໂຄສະນາອົບຮົມຂອງລາວ ຢູ່ ສປ ຈີນ ທັງໄລຍະສັ້ນ ແລະ ໄລຍະຍາວ ຫຼື ສົ່ງຊ່ຽວຊານຈີນ ມາຝຶກອົບຮົມຢູ່ ສປປ ລາວ, ສືບຕໍ່ແລກປ່ຽນຂໍ້ມູນຂ່າວສານໃນດ້ານຕ່າງໆທີ່ຈໍາເປັນ, ສ້າງເອກະສານໂຄສະນາເຜີຍແຜ່ຜົນສໍາເລັດ ຂອງການຈັດຕັ້ງຜັນຂະຫຍາຍແນວທາງນະໂຍບາຍຂອງ 2 ພັກ, 2 ລັດ ຜ່ານບັນດາພາຫະນະສື່ມວນຊົນໃຫ້ມີຫຼາຍ ຮູບແບບ ແລະ ກວ້າງຂວາງຍິ່ງຂຶ້ນ, ປະສານສົມທົບກັນເພື່ອຈັດກອງປະຊຸມສໍາມະນາທິດສະດີ ແລະ ພຶດຕິກໍາ ລະ ຫວ່າງ 2 ຝ່າຍໃນແຕ່ລະປີ ໃຫ້ເປັນປົກກະຕິ. ພ້ອມນີ້, ເພື່ອຮັບປະກັນໃນການຈັດຕັ້ງປະຕິບັດແຜນການຮ່ວມມືສອງຝ່າຍ ໃຫ້ມີປະສິດທິພາບ ແລະ ກ້າວສູ່ ລວງເລິກນັ້ນ, ເຫັນວ່າສອງຝ່າຍ ຕ້ອງຄົ້ນຄວ້າກົນໄກການຮ່ວມມື ລະຫວ່າງສອງຄະນະໂຄສະນາ ໃຫ້ປົກກະຕິ. ພ້ອມດຽວກັນ, ກໍ ສະເໜີໃຫ້ຊ່ວຍເຫຼືອກໍ່ສ້າງ ແລະ ປັບປຸງພື້ນ ຖານໂຄງລ່າງ ໂດຍສະເພາະແມ່ນ ສູນຝຶກອົບຮົມຄົບວົງຈອນ (ດົງໝາຍຄາຍ), ປະກອບພາຫະນະ, ວັດຖຸອຸປະກອນທີ່ຈໍາເປັນ ເພື່ອປະກອບໃຫ້ບັນດາກົມ, ທຽບເທົ່າກົມ ສາມາດເຄື່ອນໄຫວວຽກງານວິຊາສະເພາະ ຢ່າງມີປະສິດທິພາບ ແລະ ມີຄວາມຄ່ອງຕົວ. (ຂ່າວ-ພາບ: ສຸກສະຫວັນ)
ໂອກາດນີ້, ສະຫາຍ ຄໍາພັນ ເຜີຍຍະວົງ ໄດ້ກ່າວສະແດງຄວາມຕ້ອນຮັບ ແລະ ຕີລາຄາສູງຕໍ່ ສະຫາຍ ຫຼີ ຊູ ເຫຼີຍ ພ້ອມຄະນະທີ່ມາເຂົ້າຮ່ວມກອງປະຊຸມສໍາມະນາທິດສະດີສອງພັກ ລາວ-ຈີນ ຄັ້ງທີ XI ແລະ ການພົບປະເຮັດວຽກ ຂອງສອງຄະນະໂຄສະນາອົບຮົມໃນຄັ້ງນີ້ ແມ່ນມີຄວາມໝາຍສໍາຄັນຍິ່ງ ຊຶ່ງໄດ້ເປັນການປະກອບສ່ວນອັນສໍາຄັນເຂົ້າໃນການຈັດຕັ້ງຜັນຂະຫຍາຍສັນຍາແມ່ບົດຄູ່ຮ່ວມຊາຕາກໍາ ລາວ-ຈີນ ສະບັບໃໝ່ ທີ່ ສະຫາຍ ເລຂາທິການໃຫຍ່ ທອງລຸນ ສີສຸລິດ ແລະ ປະທານ ສີຈິ້ນຜິງ ໄດ້ເຊັນກັນໃນທ້າຍປີ 2023 ຜ່ານມານີ້ ທີ່ນະຄອນຫຼວງປັກກິ່ງ, ທັງເປັນການເພີ່ມພູນຄູນສ້າງການພົວພັນຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ, ຈີນ-ລາວ, ພິເສດລະຫວ່າງສອງຄະນະໂຄສະນາອົບຮົມພວກເຮົາ ໃຫ້ນັບມື້ ເລິກເຊິ່ງ ແລະ ເກີດດອກອອກຜົນຍິ່ງໆຂຶ້ນ.
ສະຫາຍ ຫຼີ ຊູ ເຫຼີຍ ກໍໄດ້ກ່າວສະແດງຄວາມຂອບໃຈທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ມີການວາງແຜນລະອຽດຮອບຄອບ, ພ້ອມທັງກ່າວສະແດງຄວາມພາກພູມໃຈທີ່ໄດ້ຖືກມອບໝາຍຈາກພັກກອມມູນິດຈີນ ມາເຂົ້າຮ່ວມກອງປະຊຸມສຳມະນາດັ່ງກ່າວ ພ້ອມທັງໃຫ້ຮູ້ວ່າ: ພວກເຮົາມີຄວາມຮັບຜິດຊອບສູງ ເພື່ອຈະກ້າວເຂົ້າສູ່ການຈັດຕັ້ງປະຕິບັດ ຕາມການຮ່ວມມືຂອງການນໍາຂັ້ນສູງສຸດ ຂອງສອງພັກ, ສອງລັດ, ຊຸກຍູ້ການແລກປ່ຽນບົດຮຽນທາງດ້ານການປົກຄອງປະເທດ ບໍລິຫານລັດ ໃຫ້ພັດທະນາກ້າວເຂົ້າສູ່ລວງເລິກ, ເພີ່ມທະວີການແລກປ່ຽນ ການຮ່ວມມື ລະຫວ່າງສອງຄະນະໂຄສະນາອົບຮົມສູນກາງພັກ, ຊຸກຍູ້ສົ່ງເສີມການແລກປ່ຽນ ແລະ ຮ່ວມມືໃນຂົງເຂດວັດທະນະທໍາ, ການໄປມາຫາສູ່ກັນ ລະຫວ່າງປະຊາຊົນສອງປະເທດ ຈີນ-ລາວ. ນອກນີ້, ກໍສະແດງຄວາມຊົມເຊີຍ ທີ່ເຫັນວ່າ: ພາຍໃຕ້ການນໍາພາອັນເຂັ້ມແຂງຂອງສູນກາງພັກປະຊາຊົນປະຕິວັດລາວ ທີ່ນໍາພາໂດຍ ສະຫາຍ ເລຂາທິການໃຫຍ່ ທອງລຸນ ສີສຸລິດ ຊຶ່ງນັບແຕ່ກອງປະຊຸມໃຫຍ່ຄັ້ງທີ XI ເປັນຕົ້ນມາ ພາລະກິດພັກ-ລັດ ຂອງ ສປປ ລາວ ທຸກປະການຖືວ່າລ້ວນແລ້ວແຕ່ໄດ້ຮັບການພັດທະນາຢ່າງຮຸ່ງເຮືອງ, ປະຊາຊົນລາວ ໄດ້ມີຄວາມຮັບຮູ້ຕໍ່ຜົນປະໂຫຍດ ແລະ ມີຄວາມຜາສຸກນັບມື້ນັບຫຼາຍຂຶ້ນຢ່າງພົ້ນເດັ່ນ ຊຶ່ງແມ່ນຜົນສຳເລັດອັນໃຫຍ່ຫຼວງຂອງຝ່າຍລາວ. ພ້ອມດຽວກັນນີ້, ສະຫາຍ ຫຼີ ຊູ ເຫຼີຍ ຍັງກ່າວວ່າ: ໄດ້ຮັບຊາບວ່າການດຳເນີນບໍລິຫານຂອງທາງລົດໄຟ ຈີນ-ລາວ ຖືວ່າດີສົມຄວນ ບໍ່ວ່າການຂົນສົ່ງສິນຄ້າ ຫຼື ວ່າການຂົນສົ່ງຜູ້ໂດຍສານ ລ້ວນແລ້ວແຕ່ມີຈໍານວນທີ່ດີຫຼາຍສົມຄວນ ຊຶ່ງໄດ້ຮູ້ສຶກດີໃຈຫຼາຍ ແລະ ໄດ້ກຳລັງໃຈສູງ, ຫວັງວ່າໂຄງການລົດໄຟ ຈີນ-ລາວ ຈະໄດ້ສືບຕໍ່ປະກອບສ່ວນເຂົ້າໃນການຊຸກຍູ້ສົ່ງເສີມການພັດທະນາເສດຖະກິດ-ສັງຄົມຂອງປະເທດລາວ.
ການພົບປະຄັ້ງນີ້, ສອງຝ່າຍ ຍັງໄດ້ລາຍງານສະພາບການເຄື່ອນໄຫວວຽກງານໂຄສະນາອົບຮົມຂອງແຕ່ລະຝ່າຍໃຫ້ກັນຊາບ ຊຶ່ງພ້ອມດຽວກັນນີ້ ສະເພາະຝ່າຍລາວ ກໍໄດ້ກ່າວວ່າ: ໃນໄລຍະຜ່ານມາ ຄະນະໂຄສະນາອົບຮົມສູນກາງພັກໄດ້ປະສານສົມທົບກັບສະຖານທູດ ສປ ຈີນ ປະຈໍາ ສປປ ລາວ ສ້າງເອກະສານປາຖະກະຖາ ຕ່າງໆປະສານສົມທົບກັບບໍລິສັດທາງລົດໄຟ ລາວ-ຈີນ ສ້າງເອກະສານນໍາພາແນວຄິດ ກ່ຽວກັບໂຄງການກໍ່ສ້າງທາງລົດໄຟ ລາວ-ຈີນ ແລະຈັດຕັ້ງການປາຖະກະຖາຜົນສໍາ ເລັດຂອງການກໍ່ສ້າງໂຄງການດັ່ງກ່າວ; ຈັດຕັ້ງກອງປະຊຸມສໍາມະນາທິດສະດີ ລະຫວ່າງ ສອງພັກ ລາວ-ຈີນ ໃນ ຫຼາຍຫົວຂໍ້ທີ່ສໍາຄັນ ຊຶ່ງເປັນການຄົ້ນຄວ້າແລກປ່ຽນທາງດ້ານທິດສະດີ ແລະ ພຶດຕິກໍາ ເພື່ອປະກອບເຂົ້າໃນການ ປັບປຸງບູລະນະແນວທາງຂອງພັກ. ນອກນັ້ນ, ຝ່າຍຈີນໄດ້ໃຫ້ການຊ່ວຍເຫຼືອໃນການຝຶກອົບຮົມທາງດ້ານວິຊາ ການໃນຫົວຂໍ້ສະເພາະຕ່າງໆໄລຍະສັ້ນໃຫ້ແກ່ພະນັກງານໂຄສະນາອົບຮົມສູນກາງພັກ ປປ ລາວ; ວາລະສານອະລຸນໃໝ່ ຂອງພັກ ປປ ລາວ ກັບ ວາລະສານສິວຊຶ ຂອງສູນກາງພັກກອມມູນິດຈີນ ກໍໄດ້ມີການພົວພັນພົບປະ ຢ້ຽມຢາມ ແລະ ແລກປ່ຽນບົດຮຽນການເຄື່ອນໄຫວວຽກງານວາລະສານ ຊຶ່ງກັນ ແລະ ກັນ; ໜັງສືພິມປະຊາຊົນ ສຽງຂອງສູນກາງພັກປະຊາຊົນປະຕິວັດລາວ ແລະ ວາລະສານຈໍາປາຂອງແຂວງຢູນນານ ສປ ຈີນ ໄດ້ມີການ ແລກປ່ຽນຂໍ້ມູນຂ່າວສານນໍາກັນປົກກະຕິ, ສອງຄະນະໂຄສະນາໄດ້ເຂົ້າຮ່ວມຢ່າງຕັ້ງໜ້າໃນການເຜີຍແຜ່ມູນເຊື້ອ ການພົວພັນສອງຝ່າຍ ລາວ-ຈີນ ຢ່າງຕໍ່ເນື່ອງ ຕິດພັນກັບການຜັນຂະຫຍາຍແຜນແມ່ບົດຄູ່ຮ່ວມຊາຕາກໍາ ລາວ- ຈີນ ເຂົ້າສູ່ຊີວິດຕົວຈິງ. ສັງລວມແລ້ວ, ຜ່ານການຈັດຕັ້ງປະຕິບັດແຜນການພົວພັນ-ຮ່ວມມື 2 ຝ່າຍ ແລະ ການປະຕິບັດແຜນ ແມ່ບົດຄູ່ຮ່ວມຊາຕາກໍາລາວ-ຈີນ ໃນໄລຍະຜ່ານມາ ເຫັນວ່າໄດ້ມີຜົນສໍາເລັດຕົວຈິງຫຼາຍດ້ານ ຊຶ່ງໄດ້ ປະກອບສ່ວນອັນສໍາຄັນໃຫ້ແກ່ການພັດທະນາສາຍພົວພັນຂອງ 2 ຝ່າຍ, ປະກອບສ່ວນໃນການພັດທະນາ ເສດຖະກິດ-ສັງຄົມ ຂອງລາວ, ນໍາເອົາຜົນປະໂຫຍດຕົວຈິງມາສູ່ປະຊາຊົນລາວ ກໍຄື ການຍົກລະດັບຊີວິດ ການເປັນຢູ່ ແລະ ນໍາເອົາຄວາມຈະເລີນ, ຄວາມຜາສຸກມາສູ່ປະຊາຊົນລາວ.
ສໍາລັບທິດທາງແຜນການຮ່ວມມືໃນຕໍ່ໜ້າ, ຝ່າຍລາວ ເຫັນດີເປັນເອກະພາບ ໃນການສືບຕໍ່ເພີ່ມທະວີການພົວພັນຮ່ວມມື ຜ່ານຮູບແບບການແລກປ່ຽນ ເພື່ອຢ້ຽມຢາມ ແລະ ພົບປະຄະນະຜູ້ ແທນການນໍາຂັ້ນສູງ ແລະ ຄະນະທີມງານວິຊາການຂອງສອງຝ່າຍ ຢ່າງເປັນປົກກະຕິ ຕິດພັນກັບການກໍ່ສ້າງ-ບໍາລຸງ ຍົກລະດັບຄວາມຮູ້ທາງດ້ານທິດສະດີ, ວຽກງານວິຊາສະເພາະໃຫ້ພະນັກງານໂຄສະນາອົບຮົມຂອງລາວ ຢູ່ ສປ ຈີນ ທັງໄລຍະສັ້ນ ແລະ ໄລຍະຍາວ ຫຼື ສົ່ງຊ່ຽວຊານຈີນ ມາຝຶກອົບຮົມຢູ່ ສປປ ລາວ, ສືບຕໍ່ແລກປ່ຽນຂໍ້ມູນຂ່າວສານໃນດ້ານຕ່າງໆທີ່ຈໍາເປັນ, ສ້າງເອກະສານໂຄສະນາເຜີຍແຜ່ຜົນສໍາເລັດ ຂອງການຈັດຕັ້ງຜັນຂະຫຍາຍແນວທາງນະໂຍບາຍຂອງ 2 ພັກ, 2 ລັດ ຜ່ານບັນດາພາຫະນະສື່ມວນຊົນໃຫ້ມີຫຼາຍ ຮູບແບບ ແລະ ກວ້າງຂວາງຍິ່ງຂຶ້ນ, ປະສານສົມທົບກັນເພື່ອຈັດກອງປະຊຸມສໍາມະນາທິດສະດີ ແລະ ພຶດຕິກໍາ ລະ ຫວ່າງ 2 ຝ່າຍໃນແຕ່ລະປີ ໃຫ້ເປັນປົກກະຕິ. ພ້ອມນີ້, ເພື່ອຮັບປະກັນໃນການຈັດຕັ້ງປະຕິບັດແຜນການຮ່ວມມືສອງຝ່າຍ ໃຫ້ມີປະສິດທິພາບ ແລະ ກ້າວສູ່ ລວງເລິກນັ້ນ, ເຫັນວ່າສອງຝ່າຍ ຕ້ອງຄົ້ນຄວ້າກົນໄກການຮ່ວມມື ລະຫວ່າງສອງຄະນະໂຄສະນາ ໃຫ້ປົກກະຕິ. ພ້ອມດຽວກັນ, ກໍ ສະເໜີໃຫ້ຊ່ວຍເຫຼືອກໍ່ສ້າງ ແລະ ປັບປຸງພື້ນ ຖານໂຄງລ່າງ ໂດຍສະເພາະແມ່ນ ສູນຝຶກອົບຮົມຄົບວົງຈອນ (ດົງໝາຍຄາຍ), ປະກອບພາຫະນະ, ວັດຖຸອຸປະກອນທີ່ຈໍາເປັນ ເພື່ອປະກອບໃຫ້ບັນດາກົມ, ທຽບເທົ່າກົມ ສາມາດເຄື່ອນໄຫວວຽກງານວິຊາສະເພາະ ຢ່າງມີປະສິດທິພາບ ແລະ ມີຄວາມຄ່ອງຕົວ. (ຂ່າວ-ພາບ: ສຸກສະຫວັນ)
