ສູນວັດທະນະທໍາຈີນປະຈໍາລາວ ໄດ້ຈັດພິທີເປີດຕົວເດືອນວັດທະນະທໍາຈີນ ສະເຫຼີມສະຫຼອງບຸນກຸດຈີນ ທີ່ສູນດັ່ງກ່າວ,ໂດຍມີທ່ານ ວັນສີ ກົວມົວ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ); ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ,ທ່ານ ຫວາງຊາງ ອຸປະທູດ ສປ ຈີນ ປະຈຳ ສປປ ລາວພ້ອມດ້ວຍແຂກຖືກເຊີນເຂົ້າຮ່ວມ.
ທ່ານ ນາງ ຫຼີຢີ່ຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວໄດ້ກ່າວວ່າ: ບຸນກຸດຈີນແມ່ນບຸນທີ່ສຳຄັນທີ່ສຸດຂອງປະເທດຈີນ ຊຶ່ງໃນປີ 2024ນີ້ ຕາມຈັນທະປະຕິທິນຂອງຈີນແມ່ນປີມັງກອນ (ປີມະໂຣງ), ມັງກອນ ເປັນສັດໃນຈິນຕະນາການຊະນິດດຽວ ໃນບັນດາ 12 ນັກສັດ, ທີ່ສາມາດເດີນດິນ, ບິນຂຶ້ນສູ່ທ້ອງຟ້າ, ລົງມະຫາສະໝຸດ ແລະ ເປັນສັນຍາລັກແຫ່ງຄວາມແຂງແກ່ນມຸ່ງມານະ, ໂຊກລາບ, ສົມປາຖະໜາ ແລະ ເປັນຕົວແທນທີ່ສາມາດເຮັດໃຫ້ລົມຝົນຕົກຖືກຕ້ອງຕາມລະດູ. ທ່ານ ນາງ ຫຼີຢີ່ຜິງ ຍັງກ່າວຕື່ມອີກວ່າ: ການສະເຫຼີມສະຫຼອງບຸນກຸດຈີນ ເປັນກິດຈະກໍາແລກປ່ຽນ ວັດທະນະທໍາຈີນກັບຕ່າງປະເທດ, ສຳລັບງານສະຫຼອງບຸນກຸດຈີນ ໃນປີນີ້ ຈະຈັດໃຫ້ມີກິດຈະກໍາແລກປ່ຽນຮູບແບບຕ່າງໆເຖິງ 500 ກິດຈະກໍາ ຢູ່ 100 ກວ່າປະເທດ ແລະ ພາກພື້ນທົ່ວໂລກ. ສະເພາະກິດຈະກໍາຢູ່ ສປປ ລາວ ໃນເດືອນວັດທະນະທໍາຈີນນີ້ ສູນວັດທະນະທໍາຈີນ ປະຈໍາ ສປປ ລາວ ຈະສືບຕໍ່ຈັດກິດຈະກໍາສອນການຫໍ່ກ້ຽວ, ງານວາງສະແດງສໍາຜັດວັດທະນະທໍາໃນບຸນກຸດຈີນ, ການນຸ່ງຊຸດຈີນບູຮານ, ການຖ່າຍຮູບລຸ້ນຮັບຂອງລາງວັນ ແລະ ກິດຈະກຳສະຫຼອງບຸນກຸດຈີນອື່ນໆ. ສໍາລັບຂໍ້ມູນເພີ່ມເຕີມຂອງກິດຈະກໍາ ສາມາດຕິດຕາມຜ່ານທາງ Facebook: China Cultural Center in Laos.
ໃນໂອກາດນີ້, ທ່ານ ວັນສີ ກົວມົວ ໄດ້ກ່າວວ່າ: ສປປ ລາວ ແລະ ສປ ຈີນ ເປັນປະເທດເພື່ອນມິດ ບ້ານໃກ້ເຮືອນຄຽງ ທີ່ມີສາຍພູແມ່ນໍ້າຕິດຈອດກັນ ປະຊາຊົນສອງຊາດໄດ້ມີຄວາມຜູກພັນໄປມາຫາສູ່ກັນຕັ້ງແຕ່ບູຮານນະການ, ງານບຸນມະໂຫລານເທດສະການກຸດຈີນ ເປັນງານໜຶ່ງທີ່ສຳຄັນທາງດ້ານວັດທະນະທຳຂອງ ສປ ຈີນ ລວມໄປເຖິງພົນລະເມືອງ ກໍຄືປະຊາຊົນທີ່ມີເຊື້ອສາຍຈີນ ທີ່ດຳລົງຊີວິດໃນປະເທດຕ່າງໆ. ມື້ຂຶ້ນປີໃໝ່ກຸດຈີນ ມີຄວາມສຳຄັນຫຼາຍຊຶ່ງໝາຍເຖິງການເລີ່ມຕົ້ນໃໝ່ ເປັນມື້ທີ່ຊ່ວຍເລີ່ມການຕັດສິນໃຈໃໝ່ໆ ຕາມຄວາມເຊື່ອຂອງຊາວຈີນ. ວັນດັ່ງກ່າວ ຍັງເປັນວັນລວມຕົວຂອງພີ່ນ້ອງຄອບຄົວ ໃຫ້ບັນດາລູກຫຼານໄດ້ໄປອວຍພອນ ແລະ ຂໍພອນຈາກບັນພະບູລຸດ ເພື່ອຄວາມເປັນສີລິມຸງຄຸນຂອງຄົນໃນຄອບຄົວ, ໜ້າທີ່ວຽກງານກໍຄືການດຳເນີນທຸລະກິດ. ກໍຄ້າຍຄືກັນກັບບຸນປີໃໝ່ລາວ ໃນເດືອນເມສາ ຂອງ ທຸກໆປີ ທີ່ລູກຫຼານກໍຈະເຕົ້າໂຮມກັນເພື່ອໄປຫົດນໍ້າອວຍພອນ ແລະ ຂໍພອນຈາກຍາດຜູ້ໃຫຍ່ອາວຸໂສ. ກິດຈະກຳຕ່າງໆໃນເທດສະການກຸດຈີນ ແມ່ນເປັນເອກະລັກມີຄວາມສວຍງາມ ແລະໄດ້ຮັບການສືບທອດຈາກບັນພະບູລຸດ ໃຫ້ລູກຫຼານຄົນຮຸ່ນໃໝ່ ສືບທອດໄດ້ເປັນຢ່າງດີເຊັ່ນ: ການຕົບແຕ່ງບ້ານເຮືອນ, ການຂຽນຕົວອັກສອນຈີນ, ການແຕ່ງກາຍດ້ວຍຊຸດປະຈຳຊາດ ເພື່ອອະນຸລັກວັດທະນະທໍາການແຕ່ງກາຍທີ່ສວຍງາມຂອງຊາວຈີນ ທີ່ໄດ້ຮັບຄວາມນິຍົມຢ່າງກວ້າງຂວາງ.
ພາຍໃນງານສະເຫຼີມສະຫຼອງຄັ້ງນີ້ ຍັງມີການວາງສະແດງຮູບພາບນໍ້າກ້ອນ ແລະ ຫິມະ ພ້ອມທັງຮັບຊົມການສະແດງດົນຕີພື້ນເມືອງອໍເກັດຕ້າອູຊີ ແຂວງຈຽງຊູ ປະເທດຈີນ ເປັນຕົ້ນການບັນເລງເພັງ ອາລໍາພະບົດແຫ່ງລະດູບານໃໝ່, ລະບໍາງູທອງ, ສາມຫົກ, ແຂ່ງມ້າ, ຄໍ່າຄືນແຫ່ງຄວາມມ່ວນຊື່ນ ແລະ ການບັນເລງປະສານບຸບຜາງາມຈັນເຕັມດວງ ແລະ ອື່ນໆ. ພິເສດທາງວົງດົນຕີພື້ນເມືອງອໍເກັດຕ້າອູຊີ ໄດ້ກຽມບົດເພງທີ່ຄົນລາວຄຸ້ນເຄີຍກັນດີເຊັ່ນ: ດວງຈັນແທນດວງໃຈຂອງຂ້ອຍ, ຖຽນມີ້ມີ້ ແລະ ແດນແຫ່ງອິດສະຫຼະ ທີ່ເປັນບົດເພງປະຕິວັດທີ່ມີຊື່ສຽງລາວ.
ຂ່າວ-ພາບ: ຍຸພິນທອງ
ທ່ານ ນາງ ຫຼີຢີ່ຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວໄດ້ກ່າວວ່າ: ບຸນກຸດຈີນແມ່ນບຸນທີ່ສຳຄັນທີ່ສຸດຂອງປະເທດຈີນ ຊຶ່ງໃນປີ 2024ນີ້ ຕາມຈັນທະປະຕິທິນຂອງຈີນແມ່ນປີມັງກອນ (ປີມະໂຣງ), ມັງກອນ ເປັນສັດໃນຈິນຕະນາການຊະນິດດຽວ ໃນບັນດາ 12 ນັກສັດ, ທີ່ສາມາດເດີນດິນ, ບິນຂຶ້ນສູ່ທ້ອງຟ້າ, ລົງມະຫາສະໝຸດ ແລະ ເປັນສັນຍາລັກແຫ່ງຄວາມແຂງແກ່ນມຸ່ງມານະ, ໂຊກລາບ, ສົມປາຖະໜາ ແລະ ເປັນຕົວແທນທີ່ສາມາດເຮັດໃຫ້ລົມຝົນຕົກຖືກຕ້ອງຕາມລະດູ. ທ່ານ ນາງ ຫຼີຢີ່ຜິງ ຍັງກ່າວຕື່ມອີກວ່າ: ການສະເຫຼີມສະຫຼອງບຸນກຸດຈີນ ເປັນກິດຈະກໍາແລກປ່ຽນ ວັດທະນະທໍາຈີນກັບຕ່າງປະເທດ, ສຳລັບງານສະຫຼອງບຸນກຸດຈີນ ໃນປີນີ້ ຈະຈັດໃຫ້ມີກິດຈະກໍາແລກປ່ຽນຮູບແບບຕ່າງໆເຖິງ 500 ກິດຈະກໍາ ຢູ່ 100 ກວ່າປະເທດ ແລະ ພາກພື້ນທົ່ວໂລກ. ສະເພາະກິດຈະກໍາຢູ່ ສປປ ລາວ ໃນເດືອນວັດທະນະທໍາຈີນນີ້ ສູນວັດທະນະທໍາຈີນ ປະຈໍາ ສປປ ລາວ ຈະສືບຕໍ່ຈັດກິດຈະກໍາສອນການຫໍ່ກ້ຽວ, ງານວາງສະແດງສໍາຜັດວັດທະນະທໍາໃນບຸນກຸດຈີນ, ການນຸ່ງຊຸດຈີນບູຮານ, ການຖ່າຍຮູບລຸ້ນຮັບຂອງລາງວັນ ແລະ ກິດຈະກຳສະຫຼອງບຸນກຸດຈີນອື່ນໆ. ສໍາລັບຂໍ້ມູນເພີ່ມເຕີມຂອງກິດຈະກໍາ ສາມາດຕິດຕາມຜ່ານທາງ Facebook: China Cultural Center in Laos.
ໃນໂອກາດນີ້, ທ່ານ ວັນສີ ກົວມົວ ໄດ້ກ່າວວ່າ: ສປປ ລາວ ແລະ ສປ ຈີນ ເປັນປະເທດເພື່ອນມິດ ບ້ານໃກ້ເຮືອນຄຽງ ທີ່ມີສາຍພູແມ່ນໍ້າຕິດຈອດກັນ ປະຊາຊົນສອງຊາດໄດ້ມີຄວາມຜູກພັນໄປມາຫາສູ່ກັນຕັ້ງແຕ່ບູຮານນະການ, ງານບຸນມະໂຫລານເທດສະການກຸດຈີນ ເປັນງານໜຶ່ງທີ່ສຳຄັນທາງດ້ານວັດທະນະທຳຂອງ ສປ ຈີນ ລວມໄປເຖິງພົນລະເມືອງ ກໍຄືປະຊາຊົນທີ່ມີເຊື້ອສາຍຈີນ ທີ່ດຳລົງຊີວິດໃນປະເທດຕ່າງໆ. ມື້ຂຶ້ນປີໃໝ່ກຸດຈີນ ມີຄວາມສຳຄັນຫຼາຍຊຶ່ງໝາຍເຖິງການເລີ່ມຕົ້ນໃໝ່ ເປັນມື້ທີ່ຊ່ວຍເລີ່ມການຕັດສິນໃຈໃໝ່ໆ ຕາມຄວາມເຊື່ອຂອງຊາວຈີນ. ວັນດັ່ງກ່າວ ຍັງເປັນວັນລວມຕົວຂອງພີ່ນ້ອງຄອບຄົວ ໃຫ້ບັນດາລູກຫຼານໄດ້ໄປອວຍພອນ ແລະ ຂໍພອນຈາກບັນພະບູລຸດ ເພື່ອຄວາມເປັນສີລິມຸງຄຸນຂອງຄົນໃນຄອບຄົວ, ໜ້າທີ່ວຽກງານກໍຄືການດຳເນີນທຸລະກິດ. ກໍຄ້າຍຄືກັນກັບບຸນປີໃໝ່ລາວ ໃນເດືອນເມສາ ຂອງ ທຸກໆປີ ທີ່ລູກຫຼານກໍຈະເຕົ້າໂຮມກັນເພື່ອໄປຫົດນໍ້າອວຍພອນ ແລະ ຂໍພອນຈາກຍາດຜູ້ໃຫຍ່ອາວຸໂສ. ກິດຈະກຳຕ່າງໆໃນເທດສະການກຸດຈີນ ແມ່ນເປັນເອກະລັກມີຄວາມສວຍງາມ ແລະໄດ້ຮັບການສືບທອດຈາກບັນພະບູລຸດ ໃຫ້ລູກຫຼານຄົນຮຸ່ນໃໝ່ ສືບທອດໄດ້ເປັນຢ່າງດີເຊັ່ນ: ການຕົບແຕ່ງບ້ານເຮືອນ, ການຂຽນຕົວອັກສອນຈີນ, ການແຕ່ງກາຍດ້ວຍຊຸດປະຈຳຊາດ ເພື່ອອະນຸລັກວັດທະນະທໍາການແຕ່ງກາຍທີ່ສວຍງາມຂອງຊາວຈີນ ທີ່ໄດ້ຮັບຄວາມນິຍົມຢ່າງກວ້າງຂວາງ.
ພາຍໃນງານສະເຫຼີມສະຫຼອງຄັ້ງນີ້ ຍັງມີການວາງສະແດງຮູບພາບນໍ້າກ້ອນ ແລະ ຫິມະ ພ້ອມທັງຮັບຊົມການສະແດງດົນຕີພື້ນເມືອງອໍເກັດຕ້າອູຊີ ແຂວງຈຽງຊູ ປະເທດຈີນ ເປັນຕົ້ນການບັນເລງເພັງ ອາລໍາພະບົດແຫ່ງລະດູບານໃໝ່, ລະບໍາງູທອງ, ສາມຫົກ, ແຂ່ງມ້າ, ຄໍ່າຄືນແຫ່ງຄວາມມ່ວນຊື່ນ ແລະ ການບັນເລງປະສານບຸບຜາງາມຈັນເຕັມດວງ ແລະ ອື່ນໆ. ພິເສດທາງວົງດົນຕີພື້ນເມືອງອໍເກັດຕ້າອູຊີ ໄດ້ກຽມບົດເພງທີ່ຄົນລາວຄຸ້ນເຄີຍກັນດີເຊັ່ນ: ດວງຈັນແທນດວງໃຈຂອງຂ້ອຍ, ຖຽນມີ້ມີ້ ແລະ ແດນແຫ່ງອິດສະຫຼະ ທີ່ເປັນບົດເພງປະຕິວັດທີ່ມີຊື່ສຽງລາວ.
ຂ່າວ-ພາບ: ຍຸພິນທອງ
