ເມືອງບາຈຽງຈະເລີນສຸກ ແຂວງຈໍາປາສັກ ໄດ້ຈັດພິທີປິດຊຸດຝຶກອົບຮົມກົດໝາຍ 45 ວັນຊຸດທີ lllຂຶ້ນໃນວັນທີ 21 ມິຖຸນານີ້ທີ່ສະໂມສອນເມືອງ ໃຫ້ກຽດເປັນປະທານຂອງທ່ານ ບຸນຄົງ ພັນວົງສາ ຫົວໜ້າພະແນກຍຸຕິທຳແຂວງ, ມີທ່ານນາງ ທອງລ່ຽນ ສຸລະທາທອນ ປະທານກວດກາພັກ-ລັດເມືອງ,ທ່ານ ຄໍາພອນ ສີປະເສີດ ຫົວໜ້າກົມຮ່ວມມືສາກົນກະຊວງຍຸຕິທໍາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ພອນໄຊ ວິໄລກອນ ຫົວໜ້າຫ້ອງການຍຸຕິທຳເມືອງ ກ່າວວ່າ: ຊຸດຝຶກອົບຮົມຄັ້ງນີ້ໄດ້ເລີ່ມແຕ່ວັນທີ 20 ມີນາ-ວັນທີ 21 ມິຖຸນາຈຶ່ງສຳເລັດ,ມີສຳມະນາກອນເຂົ້າຮ່ວມທັງໝົດ29ຄົນຍິງ 5ຄົນ. ຜ່ານການຄົ້ນຄວ້າຮໍ່າຮຽນເຮັດໃຫ້ສຳມະນາກອນມີຄວາມຮັບຮູ້ເຂົ້າໃຈຕໍ່ເນື້ອໃນກົດໝາຍໄດ້ເປັນຢ່າງດີ.ໃນພິທີຄະນະປະ ທານໄດ້ໃຫ້ກຽດມອບໃບຢັ້ງຢືນ ແລະ ໂອ້ລົມ.

ຂ່າວ-ພາບ: ນາງ ເພັດສະຫວັນ