ເມື່ອມໍ່ໆມານີ້ທີ່ຫ້ອງວ່າການປົກຄອງເມືອງອຸທຸມພອນ ແຂວງສະຫວັນນະເຂດ ໄດ້ຈັດພິທີເຊັນສັນຍາການເບີກຈ່າຍເງິນເດືອນຜ່ານທະນາຄານພັດທະນາລາວ ຈໍາກັດໂດຍການເຂົ້າຮ່ວມຂອງທ່ານ ທອງໃສ ໄຊຍະວົງຄໍາດີ ເຈົ້າເມືອງອຸທຸມພອນ, ມີທ່ານ ວຽງຊໍາ ບຸນທະວົງ ຫົວໜ້າທະນາຄານພັດທະນາລາວ ຈໍາກັດ ສາຂາພາກກາງແຂວງສະຫວັນນະເຂດ ແລະ ບັນດາທ່ານທີ່ກ່ຽວຂ້ອງເຂົ້າຮ່ວມ.

ທ່ານ ວຽງຊໍາ ບຸນທະວົງ ກ່າວວ່າ: ການເຊັນສັນຍາຄັ້ງນີ້ ເພື່ອເຮັດໃຫ້ການເບີກຈ່າຍເງິນເດືອນມີຄວາມວ່ອງໄວທັນສະໄໝຮັບໃຊ້ການນໍາພາຍໃນເມືອງໃຫ້ມີຄວາມສະດວກສະບາຍ. ຮ່ວມລົງນາມໃນຄັ້ງນີ້ມີທ່ານ ທອງໃສ ໄຊຍະວົງຄໍາດີ ແລະທ່ານ ວຽງຊໍາ ບຸນທະວົງ ໂດຍຊ້ອງໜ້າແຂກເຂົ້າຮ່ວມເປັນສັກຂີພິຍານ.

ຂ່າວ-ພາບ: ບຸນຊູ ພົມມະເທບ