ໂດຍປະຕິບັດຕາມທິດຊີ້ນໍາຂອງ ທ່ານຫົວໜ້າອົງການໄອຍະການປະຊາຊົນສູງສຸດ. ໃນລະຫວ່າງ ວັນທີ 17 ຫາ 20 ມິຖຸນາຜ່ານມາ, ທ່ານທອງວັນແກ້ວວິໄລຮອງຫົວໜ້າກົມຕິດຕາມກວດກາການດໍາເນີນຄະດີອາຍາ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານການແກ້ໄຂການກັກຂັງຜູ້ຖືກຫາເກີນກຳນົດ ຢູ່ 2 ແຂວງ ຄື: ແຂວງສະຫວັນນະເຂດ ແລະ ແຂວງຈຳປາສັກ ຊຶ່ງມີ ທ່ານພັອຄໍາຫຼ້າຮອງກົມຕໍາຫຼວດຄຸມຂັງ-ດັດສ້າງ,ທ່ານນາງ ເພັດພູວອນແສນສີຮອງຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ, ທ່ານພັທໄພວັນໄຊປະເສີດຫົວໜ້າພະແນກຕ້ານອາຊະຍາກໍາແລະຕ້ານການກໍ່ການຮ້າຍ, ມີຫົວໜ້າພະແນກຕິດຕາມກວດກາການດໍາເນີນຄະດີຢາເສບຕິດ,ຫົວໜ້າພະແນກຕິດຕາມກວດກາສະຖານທີ່ກັກຂັງແລະສູນດັດສ້າງ, ຫົວໜ້າໜ່ວຍງານສໍານວນ-ສໍາເນົາ ພ້ອມດ້ວຍພະນັກງານວິຊາການເຂົ້າຮ່ວມ.
ໂອກາດທີ່ລົງເຄື່ອນໄຫວເຮັດວຽກຢູ່ 2ແຂວງນັ້ນ, ຄະນະໄດ້ເຂົ້າພົບ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກ ເຈົ້າແຂວງສະຫວັນນະເຂດເພື່ອລາຍງານ ແລະ ແຈ້ງຈຸດປະສົງເນື້ອໃນຂອງການລົງເຄື່ອນໄຫວການເຮັດວຽກ ຂອງຄະນະກວດກາ ໃນຄັ້ງນີ້ໃຫ້ຊາບ. ຈາກນັ້ນ, ຮ່ວມເຮັດວຽກກັບອົງການໄອຍະການປະຊາຊົນແຂວງ, ກອງບັນຊາການ ປກສ ແຂວງ, ເຈົ້າໜ້າທີ່ຄ້າຍຄຸມຂັງ-ດັດສ້າງແຂວງ ແລະ ລົງກວດກາຄ້າຍຄຸມຂັງ-ດັດສ້າງແຂວງພ້ອມກັບການຮັບຟັງການລາຍງານ ໃນການຈັດຕັ້ງປະຕິບັດໜ້າທີ່ວຽກງານ ຂອງ 2 ແຂວງດັ່ງກ່າວ ແລະ ພາກສ່ວນກ່ຽວຂ້ອງເພື່ອປຶກສາຫາລືຕົກລົງເປັນເອກະພາບກ່ຽວກັບວິທີການຈັດຕັ້ງປະຕິບັດກວດກາຕົວຈິງຄື: ຜ່ານການລົງກວດກາຜູ້ຖືກຫາກັກຂັງເກີນກໍານົດຕາມສະຖິຕິແຂວງສະຫວັນນະເຂດລາຍງານປະຈໍາເດືອນ 5 ປີ 2024 ມີຈໍານວນ 179 ຄົນ ຍິງ 15 ຄົນ, ໃນນັ້ນຕ່າງປະເທດ 2 ຄົນ. (ໃນນີ້ຂໍ້ຫາຢາເສບຕິດ 157/6, ຕ່າງປະເທດ 2/0; ຂໍ້ຫາທົ່ວໄປ 22/0) ຢູ່ໃນຄວາມຮັບຜິດຊອບຂອງເຈົ້າໜ້າທີ່ 70 ຄົນຍິງ 6 ຄົນ; ຢູ່ນໍາພາກສ່ວນໄອຍະການປະຊາຊົນ 29 ຄົນ ຍິງ 5 ຄົນ. ຢູ່ສານປະຊາຊົນແຂວງ 80 ຄົນ ຍິງ 4 ຄົນ;ຕາມສະຖິຕິແຂວງຈໍາປາສັກ ຜ່ານການກວດກາໄດ້ພົບເຫັນຜູ້ຖືກຫາກັກຂັງເກີນກໍານົດທັງໝົດມີຈໍານວນ 96 ຄົນ ຍິງ 5 ຄົນ; ຕ່າງປະເທດ 1 ຄົນ. ໃນນັ້ນ, ຫົວໜ້າອົງການໄອຍະການປະຊາຊົນແຂວງ ໄດ້ຖະແຫຼງສັ່ງຟ້ອງສານປະຊາຊົນແຂວງມີຈໍານວນ 64 ຄົນຍິງ 3 ຄົນ (ເປັນຈໍາເລີຍ) ແລະ ຢູ່ໃນຄວາມຮັບຜິດຊອບຂອງເຈົ້າໜ້າທີ່ມີຈໍານວນ 32 ຄົນຍິງ 2 ຄົນ.
ຕອນທ້າຍ, ທ່ານ ທອງວັນ ແກ້ວວິໄລ ໃນນາມຫົວໜ້າຄະນະລົງເຄື່ອນໄຫວຄັ້ງນີ້ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ອົງການໄອຍະການປະຊາຊົນແຂວງ, ເຈົ້າໜ້າທີ່ຕໍາຫຼວດ ປກສ ແຂວງ ທີ່ຍາດມາໄດ້ຫຼາຍຜົນງານໂດດເດັ່ນໃນໄລຍະຜ່ານມາ ພ້ອມທັງສະ
ເໜີເອົາໃຈໃສ່ວຽກງານບາງຈຸດສຸມໃຫ້ບັນລຸຕາມຄາດໝາຍ.
(ຂ່າວ: ແສງພະຈັນ-ຮູບພາບ: ກົມຕິດຕາມກວດກາຄ້າຍຄຸມຂັງ-ດັດສ້າງ)
ໂອກາດທີ່ລົງເຄື່ອນໄຫວເຮັດວຽກຢູ່ 2ແຂວງນັ້ນ, ຄະນະໄດ້ເຂົ້າພົບ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກ ເຈົ້າແຂວງສະຫວັນນະເຂດເພື່ອລາຍງານ ແລະ ແຈ້ງຈຸດປະສົງເນື້ອໃນຂອງການລົງເຄື່ອນໄຫວການເຮັດວຽກ ຂອງຄະນະກວດກາ ໃນຄັ້ງນີ້ໃຫ້ຊາບ. ຈາກນັ້ນ, ຮ່ວມເຮັດວຽກກັບອົງການໄອຍະການປະຊາຊົນແຂວງ, ກອງບັນຊາການ ປກສ ແຂວງ, ເຈົ້າໜ້າທີ່ຄ້າຍຄຸມຂັງ-ດັດສ້າງແຂວງ ແລະ ລົງກວດກາຄ້າຍຄຸມຂັງ-ດັດສ້າງແຂວງພ້ອມກັບການຮັບຟັງການລາຍງານ ໃນການຈັດຕັ້ງປະຕິບັດໜ້າທີ່ວຽກງານ ຂອງ 2 ແຂວງດັ່ງກ່າວ ແລະ ພາກສ່ວນກ່ຽວຂ້ອງເພື່ອປຶກສາຫາລືຕົກລົງເປັນເອກະພາບກ່ຽວກັບວິທີການຈັດຕັ້ງປະຕິບັດກວດກາຕົວຈິງຄື: ຜ່ານການລົງກວດກາຜູ້ຖືກຫາກັກຂັງເກີນກໍານົດຕາມສະຖິຕິແຂວງສະຫວັນນະເຂດລາຍງານປະຈໍາເດືອນ 5 ປີ 2024 ມີຈໍານວນ 179 ຄົນ ຍິງ 15 ຄົນ, ໃນນັ້ນຕ່າງປະເທດ 2 ຄົນ. (ໃນນີ້ຂໍ້ຫາຢາເສບຕິດ 157/6, ຕ່າງປະເທດ 2/0; ຂໍ້ຫາທົ່ວໄປ 22/0) ຢູ່ໃນຄວາມຮັບຜິດຊອບຂອງເຈົ້າໜ້າທີ່ 70 ຄົນຍິງ 6 ຄົນ; ຢູ່ນໍາພາກສ່ວນໄອຍະການປະຊາຊົນ 29 ຄົນ ຍິງ 5 ຄົນ. ຢູ່ສານປະຊາຊົນແຂວງ 80 ຄົນ ຍິງ 4 ຄົນ;ຕາມສະຖິຕິແຂວງຈໍາປາສັກ ຜ່ານການກວດກາໄດ້ພົບເຫັນຜູ້ຖືກຫາກັກຂັງເກີນກໍານົດທັງໝົດມີຈໍານວນ 96 ຄົນ ຍິງ 5 ຄົນ; ຕ່າງປະເທດ 1 ຄົນ. ໃນນັ້ນ, ຫົວໜ້າອົງການໄອຍະການປະຊາຊົນແຂວງ ໄດ້ຖະແຫຼງສັ່ງຟ້ອງສານປະຊາຊົນແຂວງມີຈໍານວນ 64 ຄົນຍິງ 3 ຄົນ (ເປັນຈໍາເລີຍ) ແລະ ຢູ່ໃນຄວາມຮັບຜິດຊອບຂອງເຈົ້າໜ້າທີ່ມີຈໍານວນ 32 ຄົນຍິງ 2 ຄົນ.
ຕອນທ້າຍ, ທ່ານ ທອງວັນ ແກ້ວວິໄລ ໃນນາມຫົວໜ້າຄະນະລົງເຄື່ອນໄຫວຄັ້ງນີ້ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ອົງການໄອຍະການປະຊາຊົນແຂວງ, ເຈົ້າໜ້າທີ່ຕໍາຫຼວດ ປກສ ແຂວງ ທີ່ຍາດມາໄດ້ຫຼາຍຜົນງານໂດດເດັ່ນໃນໄລຍະຜ່ານມາ ພ້ອມທັງສະ
ເໜີເອົາໃຈໃສ່ວຽກງານບາງຈຸດສຸມໃຫ້ບັນລຸຕາມຄາດໝາຍ.
(ຂ່າວ: ແສງພະຈັນ-ຮູບພາບ: ກົມຕິດຕາມກວດກາຄ້າຍຄຸມຂັງ-ດັດສ້າງ)
