ໂດຍ: ວັນເພັງ
6 ເດືອນທ້າຍປີ 2024ສູນກາງຊາວໜຸ່ມປະຊາຊົນປະຕິວັດລາວ (ສຊປລ)ຈະສືບຕໍ່ສຸມໃສ່ຫຼາຍວຽກງານສຳຄັນ,ທ່ານນາງແກ້ວອຸດອນ ແສງມະນີວົງ ຫົວໜ້າຫ້ອງການສຊປລກ່າວຕໍ່ກອງປະຊຸມສະຫຼຸບການເຄື່ອນໄຫວວຽກງານຂອງ ສຊປລ 6 ເດືອນຕົ້ນປີ ແລະ ແຜນການເຄື່ອນໄຫວ 6 ເດືອນທ້າຍປີ 2024 ເມື່ອບໍ່ດົນຜ່ານມາວ່າ: ສຊປລ ໄດ້ສຸມໃສ່ວຽກງານສຶກສາອົບຮົມການເມືອງ-ແນວຄິດໃຫ້ແກ່ຊາວໜຸ່ມ-ເຍົາວະຊົນໃຫ້ມີທັດສະນະຫຼັກໝັ້ນການເມືອງໜັກແໜ້ນເຂັ້ມແຂງ, ມີຄຸນທາດການເມືອງ ແລະ ຖືເອົາວຽກງານຂະບວນການເປັນບ່ອນກໍ່ສ້າງຊາວໜຸ່ມ-ເຍົາວະຊົນ ແນໃສ່ປະກອບສ່ວນຢ່າງຕັ້ງໜ້າໃນການພັດທະນາ ສ້າງສາປະເທດຊາດ.ທີ່ສຳຄັນ6 ເດືອນທ້າຍປີ 2024ສຊປລ ຈະສືບຕໍ່ສຸມໃສ່ຫຼາຍວຽກງານສຳຄັນໂດຍສະເພາະວຽກງານຈຸດສຸມ ແລະມາດຕະການຈັດຕັ້ງປະຕິບັດມີດັ່ງນີ້:
1) ເພີ່ມທະວີວຽກງານສຶກສາອົບຮົມການເມືອງ-ແນວຄິດ ໃຫ້ແກ່ຊາວໜຸ່ມ-ເຍົາວະຊົນ ແລະ ສຸມໃສ່ການສ້າງເອກະສານ, ເລືອກເຟັ້ນບຸກຄະລາກອນເພື່ອເປັນນັກໂຄສະນາໃນວຽກງານສຶກສາອົບຮົມ;2) ສືບຕໍ່ລົງຊຸກຍູ້, ນໍາພາ-ຊີ້ນໍາການຈັດກອງປະຊຸມໃຫຍ່ 3 ຂັ້ນໃຫ້ສໍາເລັດ;3) ສຸມໃສ່ການກະກຽມວຽກງານປິ່ນອ້ອມຂອງກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ IX; 4) ສືບຕໍ່ຄົ້ນຄວ້າບຸກຄະລາກອນເພື່ອປະກອບເຂົ້າໃນຄະນະບໍລິຫານງານສະຫະພັນຊາວໜຸ່ມລາວ ແລະ ກຽມເປີດກອງປະຊຸມໃຫຍ່ສະຫະພັນຊາວໜຸ່ມລາວ;5) ສືບຕໍ່ດໍາເນີນບັນດາໂຄງການສະກັດກັ້ນບັນຫາຢາເສບຕິດ, ອຸບັດເຫດຕາມທ້ອງຖະໜົນ ແລະ ຕ້ານການຄ້າມະນຸດ;6) ເພີ່ມທະວີການຊຸກຍູ້ວຽກງານຈັດຕັ້ງຜັນຂະຫຍາຍ 2 ວາລະແຫ່ງຊາດ; 7) ສຸມໃສ່ວຽກງານສື່ມວນຊົນໃນການສະໜອງຂໍ້ມູນຂ່າວສານທີ່ຖືກຕ້ອງໃຫ້ແກ່ຊາວໜຸ່ມ-ເຍົາວະຊົນ ແລະ ສ້າງຄວາມເຂັ້ມແຂງ, ຍົກລະດັບຄວາມຮູ້, ຄວາມສາມາດບຸກຄະລາກອນທີ່ຮັບຜິດຊອບວຽກງານສື່ມວນຊົນ ແລະພື້ນຖານໂຄ່ງລ່າງວັດຖຸເຕັກນິກໃຫ້ມີຄວາມທັນສະໄໝ; 8) ສືບຕໍ່ຊຸກຍູ້, ເຜີຍແຜ່ ແລະ ຈັດຕັ້ງປະຕິບັດແຜນພັດທະນາຊາວໜຸ່ມ-ເຍົາວະຊົນ ແລະ ຍຸດທະສາດການພັດທະນາຊາວໜຸ່ມ-ເຍົາວະຊົນລາວ 2021-2030 ແລະ ກົດໝາຍວ່າດ້ວຍຊາວໜຸ່ມ;9) ສືບຕໍ່ຈັດຕັ້ງປະຕິບັດມອບຫຼຽນກາລະນຶກ 65 ປີ ແລະ ຫຼຽນຊາວໜຸ່ມຕະລຸມບອນໃຫ້ແກ່ຄະນະນໍາຂັ້ນສູງ ແລະ ຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ຄຊປປລ) ໃນຂອບເຂດທົ່ວປະເທດ;10) ສຸມໃສ່ບັນຫາວຽກເຮັດງານທໍາແກ່ຊາວໜຸ່ມ ເພີ່ມທະວີການພົວພັນຮ່ວມມືລະຫວ່າງ ສຊປລ ແລະ ກະຊວງສຶກສາທິການ ແລະ ກິລາ, ກະຊວງແຮງງານສະຫວັດດີການ ແລະ ສັງຄົມ ແລະ ພາກສ່ວນກ່ຽວຂ້ອງເພື່ອສຸມໃສ່ແກ້ໄຂບັນຫາວຽກເຮັດງານທໍາໃຫ້ແກ່ຊາວໜຸ່ມ-ເຍົາວະຊົນ;11) ສືບຕໍ່ຊຸກຍູ້, ກວດກາການຈັດຕັ້ງປະຕິບັດບັນດາມະຕິ, ຄໍາສັ່ງຂອງພັກ-ລັດຖະບານ, ຂໍ້ແຂ່ງຂັນ 4 ບຸກຂອງຊາວໜຸ່ມ, 3 ດີ 4 ຮູ້ຂອງເຍົາວະຊົນ ແລະ ຄຊປປລ ແຕ່ລະຂັ້ນ;12) ສືບຕໍ່ກະກຽມຄວາມພ້ອມຂອງກໍາລັງຊາວໜຸ່ມຕະລຸມບອນ ແລະ ກໍາລັງຊາວໜຸ່ມອາສາສະໝັກໃນການຮັບມືກັບການຕ້ານ ແລະ ສະກັດກັ້ນໄພທຳມະຊາດ ແລະ ພະຍາດຕ່າງໆ;13) ສືບຕໍ່ວຽກງານພົວພັນຮ່ວມມືກັບຕ່າງປະເທດ ໃນການຍາດແຍ່ງການສະໜັບສະໜູນ, ພົວພັນຮ່ວມມືທັງພາຍໃນ ແລະ ຕ່າງປະເທດ;14) ສືບຕໍ່ຊຸກຍູ້ສະມາຄົມນັກທຸລະກິດໜຸ່ມແຫ່ງຊາດລາວ ແລະ ຄະນະທີ່ປຶກສາດ້ານເສດຖະກິດຊາວໜຸ່ມຂອງຄະນະເລຂາທິການ ສຊປລ ໄດ້ເຄື່ອນໄຫວຕາມແຜນການ;15) ກະກຽມແຜນການຮ່ວມມືລະຫວ່າງ ສຊປລ ກັບນະຄອນຫຼວງວຽງຈັນ ສຸມໃສ່ຈັດຕັ້ງຜັນຂະຫຍາຍໃຫ້ເກີດຜົນເປັນຈິງ ຕິດພັນກັບການສ້າງຂະບວນການ 2 ສ ຄື: ສ.ສະອາດ ແລະ ສ.ສີຂຽວ;16) ກະກຽມຈັດກອງປະຊຸມສ່ອງແສງເຄື່ອນທີ່ປະຈຳໄຕມາດ 3 ແລະ 4 ປະຈໍາປີ 2024 ຂອງ ຄຊປປລ ກະຊວງ,ອົງການ ແລະ ນະຄອນຫຼວງວຽງຈັນອ້ອມຂ້າງ ສຊປລ.
6 ເດືອນທ້າຍປີ 2024ສູນກາງຊາວໜຸ່ມປະຊາຊົນປະຕິວັດລາວ (ສຊປລ)ຈະສືບຕໍ່ສຸມໃສ່ຫຼາຍວຽກງານສຳຄັນ,ທ່ານນາງແກ້ວອຸດອນ ແສງມະນີວົງ ຫົວໜ້າຫ້ອງການສຊປລກ່າວຕໍ່ກອງປະຊຸມສະຫຼຸບການເຄື່ອນໄຫວວຽກງານຂອງ ສຊປລ 6 ເດືອນຕົ້ນປີ ແລະ ແຜນການເຄື່ອນໄຫວ 6 ເດືອນທ້າຍປີ 2024 ເມື່ອບໍ່ດົນຜ່ານມາວ່າ: ສຊປລ ໄດ້ສຸມໃສ່ວຽກງານສຶກສາອົບຮົມການເມືອງ-ແນວຄິດໃຫ້ແກ່ຊາວໜຸ່ມ-ເຍົາວະຊົນໃຫ້ມີທັດສະນະຫຼັກໝັ້ນການເມືອງໜັກແໜ້ນເຂັ້ມແຂງ, ມີຄຸນທາດການເມືອງ ແລະ ຖືເອົາວຽກງານຂະບວນການເປັນບ່ອນກໍ່ສ້າງຊາວໜຸ່ມ-ເຍົາວະຊົນ ແນໃສ່ປະກອບສ່ວນຢ່າງຕັ້ງໜ້າໃນການພັດທະນາ ສ້າງສາປະເທດຊາດ.ທີ່ສຳຄັນ6 ເດືອນທ້າຍປີ 2024ສຊປລ ຈະສືບຕໍ່ສຸມໃສ່ຫຼາຍວຽກງານສຳຄັນໂດຍສະເພາະວຽກງານຈຸດສຸມ ແລະມາດຕະການຈັດຕັ້ງປະຕິບັດມີດັ່ງນີ້:
1) ເພີ່ມທະວີວຽກງານສຶກສາອົບຮົມການເມືອງ-ແນວຄິດ ໃຫ້ແກ່ຊາວໜຸ່ມ-ເຍົາວະຊົນ ແລະ ສຸມໃສ່ການສ້າງເອກະສານ, ເລືອກເຟັ້ນບຸກຄະລາກອນເພື່ອເປັນນັກໂຄສະນາໃນວຽກງານສຶກສາອົບຮົມ;2) ສືບຕໍ່ລົງຊຸກຍູ້, ນໍາພາ-ຊີ້ນໍາການຈັດກອງປະຊຸມໃຫຍ່ 3 ຂັ້ນໃຫ້ສໍາເລັດ;3) ສຸມໃສ່ການກະກຽມວຽກງານປິ່ນອ້ອມຂອງກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ IX; 4) ສືບຕໍ່ຄົ້ນຄວ້າບຸກຄະລາກອນເພື່ອປະກອບເຂົ້າໃນຄະນະບໍລິຫານງານສະຫະພັນຊາວໜຸ່ມລາວ ແລະ ກຽມເປີດກອງປະຊຸມໃຫຍ່ສະຫະພັນຊາວໜຸ່ມລາວ;5) ສືບຕໍ່ດໍາເນີນບັນດາໂຄງການສະກັດກັ້ນບັນຫາຢາເສບຕິດ, ອຸບັດເຫດຕາມທ້ອງຖະໜົນ ແລະ ຕ້ານການຄ້າມະນຸດ;6) ເພີ່ມທະວີການຊຸກຍູ້ວຽກງານຈັດຕັ້ງຜັນຂະຫຍາຍ 2 ວາລະແຫ່ງຊາດ; 7) ສຸມໃສ່ວຽກງານສື່ມວນຊົນໃນການສະໜອງຂໍ້ມູນຂ່າວສານທີ່ຖືກຕ້ອງໃຫ້ແກ່ຊາວໜຸ່ມ-ເຍົາວະຊົນ ແລະ ສ້າງຄວາມເຂັ້ມແຂງ, ຍົກລະດັບຄວາມຮູ້, ຄວາມສາມາດບຸກຄະລາກອນທີ່ຮັບຜິດຊອບວຽກງານສື່ມວນຊົນ ແລະພື້ນຖານໂຄ່ງລ່າງວັດຖຸເຕັກນິກໃຫ້ມີຄວາມທັນສະໄໝ; 8) ສືບຕໍ່ຊຸກຍູ້, ເຜີຍແຜ່ ແລະ ຈັດຕັ້ງປະຕິບັດແຜນພັດທະນາຊາວໜຸ່ມ-ເຍົາວະຊົນ ແລະ ຍຸດທະສາດການພັດທະນາຊາວໜຸ່ມ-ເຍົາວະຊົນລາວ 2021-2030 ແລະ ກົດໝາຍວ່າດ້ວຍຊາວໜຸ່ມ;9) ສືບຕໍ່ຈັດຕັ້ງປະຕິບັດມອບຫຼຽນກາລະນຶກ 65 ປີ ແລະ ຫຼຽນຊາວໜຸ່ມຕະລຸມບອນໃຫ້ແກ່ຄະນະນໍາຂັ້ນສູງ ແລະ ຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ຄຊປປລ) ໃນຂອບເຂດທົ່ວປະເທດ;10) ສຸມໃສ່ບັນຫາວຽກເຮັດງານທໍາແກ່ຊາວໜຸ່ມ ເພີ່ມທະວີການພົວພັນຮ່ວມມືລະຫວ່າງ ສຊປລ ແລະ ກະຊວງສຶກສາທິການ ແລະ ກິລາ, ກະຊວງແຮງງານສະຫວັດດີການ ແລະ ສັງຄົມ ແລະ ພາກສ່ວນກ່ຽວຂ້ອງເພື່ອສຸມໃສ່ແກ້ໄຂບັນຫາວຽກເຮັດງານທໍາໃຫ້ແກ່ຊາວໜຸ່ມ-ເຍົາວະຊົນ;11) ສືບຕໍ່ຊຸກຍູ້, ກວດກາການຈັດຕັ້ງປະຕິບັດບັນດາມະຕິ, ຄໍາສັ່ງຂອງພັກ-ລັດຖະບານ, ຂໍ້ແຂ່ງຂັນ 4 ບຸກຂອງຊາວໜຸ່ມ, 3 ດີ 4 ຮູ້ຂອງເຍົາວະຊົນ ແລະ ຄຊປປລ ແຕ່ລະຂັ້ນ;12) ສືບຕໍ່ກະກຽມຄວາມພ້ອມຂອງກໍາລັງຊາວໜຸ່ມຕະລຸມບອນ ແລະ ກໍາລັງຊາວໜຸ່ມອາສາສະໝັກໃນການຮັບມືກັບການຕ້ານ ແລະ ສະກັດກັ້ນໄພທຳມະຊາດ ແລະ ພະຍາດຕ່າງໆ;13) ສືບຕໍ່ວຽກງານພົວພັນຮ່ວມມືກັບຕ່າງປະເທດ ໃນການຍາດແຍ່ງການສະໜັບສະໜູນ, ພົວພັນຮ່ວມມືທັງພາຍໃນ ແລະ ຕ່າງປະເທດ;14) ສືບຕໍ່ຊຸກຍູ້ສະມາຄົມນັກທຸລະກິດໜຸ່ມແຫ່ງຊາດລາວ ແລະ ຄະນະທີ່ປຶກສາດ້ານເສດຖະກິດຊາວໜຸ່ມຂອງຄະນະເລຂາທິການ ສຊປລ ໄດ້ເຄື່ອນໄຫວຕາມແຜນການ;15) ກະກຽມແຜນການຮ່ວມມືລະຫວ່າງ ສຊປລ ກັບນະຄອນຫຼວງວຽງຈັນ ສຸມໃສ່ຈັດຕັ້ງຜັນຂະຫຍາຍໃຫ້ເກີດຜົນເປັນຈິງ ຕິດພັນກັບການສ້າງຂະບວນການ 2 ສ ຄື: ສ.ສະອາດ ແລະ ສ.ສີຂຽວ;16) ກະກຽມຈັດກອງປະຊຸມສ່ອງແສງເຄື່ອນທີ່ປະຈຳໄຕມາດ 3 ແລະ 4 ປະຈໍາປີ 2024 ຂອງ ຄຊປປລ ກະຊວງ,ອົງການ ແລະ ນະຄອນຫຼວງວຽງຈັນອ້ອມຂ້າງ ສຊປລ.
