ປະທານ ສນຊ ຕ້ອນຮັບຜູ້ຕາງໜ້າອົງການອຸຍນີເຊັບປະຈໍາ ສປປ ລາວ ຄົນໃໝ່

ຄົນໃໝ່ໃນວັນທີ 9 ມັງກອນນີ້ ທີ່ ສນຊ ໂດຍມີພາກສ່ວນກ່ຽວຂ້ອງສອງຝ່າຍເຂົ້າຮ່ວມ.

ທ່ານ ສິນລະວົງ ຄຸດໄພທູນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ທ່ານ ບີລາລ ໂອແຣັງ ເຊັບ ດູຣານີ ທີ່ໄດ້ຖືກແຕ່ງຕັ້ງໃຫ້ເປັນຜູ້ຕາງໜ້າອົງການອຸຍນີເຊັບປະຈໍາ ສປປ ລາວ ຄົນໃໝ່ ແລະ ໄດ້ສະ ແດງຄວາມຂອບໃຈຕໍ່ອົງການອຸຍນີເຊັບທີ່ໄດ້ໃຫ້ການສະໜັບສະໜູນຢ່າງຕໍ່ເນື່ອງ ຕໍ່ໂຄງການລິເລີ່ມຕ່າງໆ ໂດຍສະເພາະແມ່ນໄດ້ເອົາໃຈໃສ່ຕໍ່ເດັກນ້ອຍ ແລະ ແມ່ຍິງລາວ; ທ່ານໄດ້ຍົກໃຫ້ເຫັນເຖິງຄວາມສໍາຄັນຂອງການຮ່ວມມືລະຫວ່າງອົງການອຸຍນີເຊັບ ແລະ ອົງການແນວລາວສ້າງຊາດຕະຫຼອດໄລຍະຜ່ານມາ ເພື່ອສືບຕໍ່ຮ່ວມມືໃຫ້ບັນລຸເປົ້າໝາຍທີ່ໄດ້ກໍານົດໄວ້.

ໂອກາດນີ້, ຜູ້ຕາງໜ້າອົງການອຸຍນີເຊັບ ໄດ້ສະແດງຄວາມຂອບໃຈເປັນຢ່າງສູງຕໍ່ການຕ້ອນຮັບອັນອົບອຸ່ນ ແລະ ໄດ້ເນັ້ນຢໍ້າເຖິງຄວາມມຸ່ງໝັ້ນໃນປີ 2025 ລະຫວ່າງອົງການອຸຍນີເຊັບ ແລະ ສນຊ ໃນການຮ່ວມມືທີ່ດີ ເປັນຕົ້ນທາງດ້ານການປົກປ້ອງສິດທິເດັກ ແລະ ແມ່ຍິງ, ການເຂົ້າເຖິງຊຸມຊົນໃນການປຸກລະດົມການສັກຢາວັກຊິນຕ່າງໆ. ພ້ອມກັນນີ້, ສອງຝ່າຍໄດ້ແລກປ່ຽນກ່ຽວກັບການຮ່ວມມືໃນຕໍ່ໜ້າຕື່ມອີກ. ຂ່າວ-ພາບ: ລີ