ຂອງຊາດແລະກອງປະຊຸມໃຫຍ່ຄັ້ງທີXII ຂອງພັກໃນຕໍ່ໜ້າຂຶ້ນໃນວັນທີ13ສິງຫານີ້ທີ່ສຳນັກງານ ສນຊແບບປົກກະຕິ ແລະ ອອນລາຍໂດຍການເປັນປະທານຂອງທ່ານສິນລະວົງຄຸດໄພທູນປະທານສນຊ, ມີບັນດາຮອງປະທານ, ຄະນະປະຈຳ, ກຳມະການສນຊ, ຄະນະທີ່ປຶກສາ, ບັນດາຫົວໜ້າກົມ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຕາມວາລະກອງປະຊຸມໃນຄັ້ງນີ້, ກ່ອນອື່ນຜູ້ເຂົ້າຮ່ວມໄດ້ຮັບຊົມສາລະຄະດີມູນເຊື້ອວັນສ້າງຕັ້ງແນວ ລາວສ້າງຊາດ. ຈາກນັ້ນ, ທ່ານຄໍາໄຫຼສີປະເສີດຮອງປະທານສນຊຜູ້ປະຈຳການໄດ້ຂຶ້ນສະຫຼຸບລາຍງານທົບທວນແຜນຂະບວນການແຂ່ງຂັນຮັກຊາດແລະ ພັດທະນາຂອງອົງການແນວລາວສ້າງຊາດໄລຍະ1 ປີຜ່ານມາ (2023-2024) ແລະແຜນວຽກໃນຕໍ່ໜ້າ(2024-2025) ວ່າ:ຜ່ານການປະຕິບັດເນື້ອໃນຂໍ້ແຂ່ງຂັນໃນໄລຍະ 1 ປີຜ່ານມາເຖິງຈະພົບສະພາບຄວາມຫຍຸ້ງຍາກແຕ່ດ້ວຍຄວາມຮັບຜິດຊອບສູງຂອງ ສນຊແລະ ແນວລາວສ້າງຊາດແຕ່ລະຂັ້ນໄດ້ປະຕິບັດພາລະບົດບາດສິດແລະໜ້າທີ່ຂອງຕົນປຸກລະດົມ, ຂົນຂວາຍເຕົ້າໂຮມຄວາມສາມັກຄີບັນດາກ້ອນກຳລັງແຮງຂອງກຳມະການ, ທີ່ປຶກສາ, ຄູ່ຮ່ວມງານແລະຖັນແຖວພະນັກງານແນວລາວສ້າງຊາດເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າ, ແຂ່ງຂັນກັນປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາແລະສ້າງສາພັດທະນາປະເທດຊາດ,ສ້າງຂະບວນການຂໍ່ານັບຮັບຕ້ອນວັນສໍາຄັນອື່ນໆຂອງພັກ, ຂອງຊາດ, ເອົາໃຈໃສ່ຍູ້ແຮງຂະບວນການແຂ່ງຂັນຮັກຊາດແລະພັດທະນາຂອງແນວລາວສ້າງຊາດຕາມເນື້ອໃນຂໍ້ແຂ່ງຂັນ 9 ຂໍ້ຢ່າງເປັນຂະບວນການຟົດຟື້ນ, ເປັນຮູບປະທຳຕົວຈິງເປັນຕົ້ນຂະບວນການສ້າງຄອບຄົວສາມັກຄີແລະບ້ານສາມັກຄີປອງດອງ, ຂະບວນການຮັກບ້ານເກີດ, ຂະບວນການຄົນລາວຜະລິດແລະຊື້ສິນຄ້າລາວ, ຂະບວນການຕ້ານຢາເສບຕິດ, ການປະຕິບັດຂະບວນການນັກທຸລະກິດດີເດັ່ນ, ຂະບວນການສ້າງຄອບຄົວດີເປັນພົນລະເມືອງດີ, ສ້າງຄຸນງາມຄວາມດີໃຫ້ແກ່ສັງຄົມແລະຍູ້ແຮງທຸກພາກສ່ວນໃນສັງຄົມປະກອບສ່ວນເສຍພັນທະພາສີ-ອາກອນແລະຂະບວນການອື່ນໆ. ສໍາລັບແຜນວຽກໃນຕໍ່ໜ້າແນວລາວສ້າງຊາດແຕ່ລະຂັ້ນຈະສືບຕໍ່ຍູ້ແຮງໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີXI ຂອງພັກ, ຂອງແນວລາວສ້າງ ຊາດ, ມະຕິກອງປະຊຸມໃຫຍ່ສະມາຊິກພັກຄັ້ງທີV ແລະແຜນພັດທະນາຂອງແນວລາວສ້າງຊາດໃນທ້າຍສະໄໝໂດຍສະເພາະຍູ້ແຮງການຈັດຕັ້ງປະຕິບັດຂະບວນການແຂ່ງຂັນຮັກຊາດແລະພັດທະນາຂອງອົງການແນວລາວສ້າງຊາດ 9 ຂໍ້ຕາມຂໍ້ຕົກລົງວ່າດ້ວຍການຮັບຮອງເອົາເນື້ອໃນຂໍ້ແຂ່ງຂັນຮັກຊາດ ແລະ ພັດທະນາອົງການແນວລາວສ້າງຊາດປີ 2023-2025 ເລກທີ 23/ຄປຈ, ລົງວັນທີ 5/9/2023ໃຫ້ບັນລຸຜົນເປັນຈິງ.
(ຂ່າວ-ພາບ: ວັນເພັງ)
ຄໍາເຫັນ