ຂ່າວຕ່າງປະເທດລາຍງານ ໃນວັນທີ 26 ມີນາ ຜ່ານມາວ່າ: ສະພາ​ນະຄອນ​ກຽວ​ໂຕ​ຂອງ​ຍີ່ປຸ່ນ​ໄດ້​ອະນຸມັດ ​ແລະ​ຜ່ານ​ຮ່າງ​ກົດໝາຍ​ວ່າ​ດ້ວຍ​ພາສີ​ທີ່​ພັກ​ສະບັບ​ປັບປຸງ ​ເພື່ອ​ເພີ່ມ​ການ​ເກັບ​ພາສີ​ທີ່​ພັກຈາກ​ແຂກ​ທີ່​ພັກ​ຢູ່​ໃນ​ໂຮງແຮມຂະໜາດໃຫຍ່ ​ແລະ​ ໂຮງແຮມຂະໜາດນ້ອຍ ຊຶ່ງອັດຕາພາສີສູງສຸດແມ່ນ 10,000 ເຢນຕໍ່ຄືນ ສຳລັບຄ່າທີ່ພັກ 100,000 ເຢນຂຶ້ນໄປຕໍ່ຄືນ ແລະ ຈະມີຜົນບັງຄັບໃຊ້ນັບແຕ່ວັນທີ 1 ມີນາ 2026 ເປັນຕົ້ນໄປ.

ກ່ອນໜ້ານີ້, ອັດຕາພາສີສູງສຸດແມ່ນ 1,000 ເຢນ ສໍາລັບທີ່ພັກ 50,000 ເຢນ ຂຶ້ນໄປຕໍ່ຄືນ. ໂດຍການ​ດັດ​ແກ້​ກົດໝາຍດັ່ງກ່າວ​ຈະ​ເຮັດ​ໃຫ້​ກຽວ​ໂຕ​ມີລາຍ​ຮັບຈາກ​ພາສີ​ທີ່​ພັກເພີ່ມຂຶ້ນ​ປະມານ 12.6 ຕື້​ເຢນຕໍ່​ປີ, ​ເພີ່ມ​ຂຶ້ນ​ຈາກ 5.2 ຕື້​ເຢນໃນ​ງົບປະມານ​ປີ 2023.