ຂ້າພະເຈົ້າ ຮູ້ສຶກເສົ້າສະຫຼົດໃຈຢ່າງສຸດຊຶ້ງທີ່ໄດ້ຮັບຂ່າວການຈາກໄປ ໃນຕອນເຊົ້້າມື້ວານນີ້ ຂອງພະນະທ່ານຄຳໄຕສີພັນດອນອະດີດປະທານປະເທດອະດີດນາຍົກລັດຖະມົນຕີແຫ່ງສປປລາວແລະອະດີດປະທານຄະນະບໍລິຫານງານສູນກາງພັກປະຊາຊົນປະຕິວັດລາວ. ການເສຍຊີວິດຂອງພະນະທ່ານ ແມ່ນການສູນເສຍພໍ່ທີ່ແສນເຄົາລົບຮັກຂອງທ່ານແລະປະຊາຊົນລາວທັງຊາດທັງເປັນການສູນເສຍບຸກຄົນທາງດ້ານການເມືອງແລະລັດຖະບຸລຸດທີ່ດີເດັ່ນຂອງປະຫວັດສາດແຫ່ງຊາດລາວທີ່ໄດ້ປະກອບສ່ວນນຳພາການສ້າງສາຄວາມຈະເລີນຮຸ່ງເຮືອງ.
ພະນະທ່ານຄຳໄຕສີພັນດອນຈະຖືກຈົດຈຳໄວ້ຕະຫຼອດໄປຄືເພື່ອນມິດທີ່ຍິ່ງໃຫຍ່ແລະຄູ່ຮ່ວມມືຂອງກຳປູເຈຍຄືໃນຖານະເປັນອະດີດນາຍົກລັດຖະມົນຕີແລະອະດີດປະທານປະເທດ ຊຶ່ງພະນະທ່ານໄດ້ມີບົດບາດໃນການສ້າງມິດຕະພາບລະຫວ່າງສອງປະເທດພວກເຮົາ. ການປະກອບສ່ວນອັນສຳຄັນຂອງພະນະທ່ານໄດ້ຮັດແໜ້ນສາຍພົວພັນຂອງສອງພັກພວກເຮົາທີ່ປະໄວ້ເປັນມໍລະດົກແລະປະຫວັດສາດອັນຍາວນານຮ່ວມກັນຂອງພວກເຮົາ.
ໃນທາມກາງການໄວ້ອາໄລຄັ້ງນີ້, ໃນນາມປະຊາຊົນກຳປູເຈຍ, ຂ້າພະເຈົ້າຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ແລະຄວາມເຫັນອົກເຫັນໃຈມາຍັງ ພະນະທ່ານ ແລະ ຄອບຄົວ ກໍຄື ປະຊາຊົນລາວ ແລະພັກປະຊາຊົນປະຕິວັດລາວ ທີ່ໄດ້ສູນເສຍຄັ້ງຍິ່ງໃຫຍ່,ຂໍໃຫ້ດວງວິນຍານຂອງພະນະທ່ານໄປສູ່ສຸຄະຕິຊົ່ວນິລັນດອນ.
ຄໍາເຫັນ