ສະຫາຍ ສີ ຈິິ້ນຜິງ ທີີ່ນັບຖື, ເນືີ່ອງໃນໂອກາດອັນສະຫງ່າລາສີ ແຫ່ງການສະເຫຼີມສະຫຼອງ ວັນສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ປະຊາຊົນຈີນ ຄົບຮອບ 65 ປີ (25 ເມສາ 1961 - 25 ເມສາ 2026) ແລະ ປີມິດຕະພາບລາວ-ຈີນ 2026 ນີິ້, ຂ້າພະເຈົ້າ ຂໍຕາງໜ້າຄະນະບໍລິຫານງານສູນກາງພັກ, ລັດຖະບານ ແລະ ປະຊາຊົນລາວ ກໍໍຄືໃນນາມ ສ່ວນຕົວ ສະແດງຄວາມຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສະຫາຍ ແລະ ໂດຍ ຜ່ານສະຫາຍ ໄປຍັງຄະນະກໍາມະການສູນກາງພັກກອມມູນິດຈີນ, ລັດຖະບານ ແລະ ປະຊາຊົນຈີນອ້າຍນ້ອງທຸກຖ້ວນໜ້າ. ໃນຕະຫຼອດໄລຍະ 65 ປີຜ່ານມາ, ພາຍໃຕ້ການນໍາພາອັນສະຫຼາດສ່ອງໃສຂອງພັກກອມມູນິດຈີນ ແລະ ໂດຍມີສະຫາຍເປັນແກນກາງ ສາຍພົວພັນມິດຕະພາບອັນເປັນມູນເຊືິ້ອ ແລະ ການພົວພັນຮ່ວມມືຍຸດທະສາດຮອບດ້ານໝັ້ນຄົງຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາ ກໍາລາວ-ຈີນ, ຈີນ-ລາວ ໃນປັດຈຸບັນນີ້, ສາຍພົວພັນ ແລະ ການຮ່ວມມືຊ່ວຍເຫຼືອຊຶ່ງກັນ ແລະ ກັນ ຂອງສອງພັກ, ສອງລັດ ແລະ ປະຊາຊົນສອງຊາດ ໄດ້ຮັບການເສີມຂະຫຍາຍໃຫ້ສູງເດັ່ນຂຶ້ນຢ່າງບໍໍ່ຢຸດຢັັ້ງ ຊຶ່ງໄດ້ນໍາເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດຂອງພວກເຮົາ. ພິເສດ, ໂຄງການເສັ້ນທາງລົດໄຟ ລາວ-ຈີນ ໄດ້ກາຍເປັນສັນຍາລັກອັນພົ້ນເດັ່ນແຫ່ງການຮ່ວມມືລະຫວ່າງ ສອງຊາດຂອງພວກເຮົາ, ລວມທັງໄດ້ກາຍເປັນໃຈກາງຂອງການເຊືີ່ອມໂຍງ, ເຊືີ່ອມຈອດ ລະຫວ່າງ ສອງຊາດ ແລະ ໃນພາກພືິ້ນ. ໃນໂອກາດນີິ້, ອີກເທືີ່ອໜຶ່ງ, ຂ້າພະເຈົ້າຂໍສະແດງຄວາມຮູ້ບຸນຄຸນຕໍໍ່ການສະໜັບສະໜູນ ແລະ ການຊ່ວຍເຫຼືອແກ່ ສປປ ລາວ ໃນໄລຍະຜ່ານມາ ກໍຄືປັດຈຸບັນ. ຂ້າພະເຈົ້າ ຕີລາຄາສູງຕໍໍ່ຜົນສໍາເລັດອັນໃຫຍ່ຫຼວງ ແລະ ຮອບດ້ານ ທີີ່ປະຊາຊົນຈີນ ອ້າຍນ້ອງຍາດມາໄດ້. ຜົນສໍາເລັດດັັ່ງກ່າວບໍໍ່ພຽງແຕ່ເປັນການສ້າງຄວາມເຂັ້ມແຂງໃຫ້ແກ່ ສປ ຈີນ ເທົ່ານັ້ນ, ແຕ່ຍັງເປັນການປະກອບສ່ວນອັນສໍາຄັນ ເຂົ້າໃນການຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງໃນພາກພືິ້ນ ແລະ ໃນໂລກ. ສປປ ລາວ ເວລາໃດກໍໍຢຶດໝັ້ນຫຼັກການຈີນດຽວ, ຮັບຮູ້ວ່າ ໄຕ້ຫວັນ ເປັນສ່ວນໜຶ່ງທີີ່ຕັດແຍກອອກບໍໍ່ໄດ້ຂອງ ສປ ຈີນ. ສປປ ລາວ ຍິນດີສືບຕໍ່ໃຫ້ການສະໜັບສະໜູນສະຫາຍຈີນ ໃນການຮັກສາຜົນປະໂຫຍດທີີ່ເປັນໃຈກາງ ຂອງຕົນ, ໃນເວທີພາກພືິ້ນ ແລະ ສາກົນ. ໃນໂອກາດອັນມີຄວາມໝາຍສໍາຄັນທີີ່ສຸດ ໃນປະຫວັດສາດ ແຫ່ງການພົວພັນຮ່ວມມືຂອງ ສອງຊາດພວກເຮົານີິ້, ຂ້າພະເຈົ້າ ຂໍອວຍພອນ ໃຫ້ສາຍພົວພັນມິດຕະພາບອັນເປັນມູນເຊືິ້ອ, ການຮ່ວມມືໃນຖານະເປັນຄູ່ຮ່ວມຍຸດທະສາດຮອບດ້ານ, ໝັ້ນຄົງ, ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາລາວ-ຈີນ, ຈີນ-ລາວ, ຈົ່ງໝັ້ນຄົງຂະໜົງແກ່ນ ແລະ ໄດ້ຮັບການເສີມຂະຫຍາຍ ດ້ວຍໝາກຜົນອັນໃໝ່ ແລະ ດ້ວຍຄຸນນະພາບສູງຂຶ້ນຢ່າງບໍໍ່ຢຸດຢັັ້ງ, ພ້ອມກັນສືບຕໍໍ່ຈັດຕັ້ງຜັນຂະຫຍາຍແຜນແມ່ບົດຄູ່ຮ່ວມຊາຕາກໍາ ລາວ-ຈີນ, ຈີນ-ລາວ 2024-2028 ດ້ວຍຜົນສໍາເລັດ ທີີ່ມີມາດຕະຖານສູງ, ຄຸນນະພາບສູງ ແລະ ລະດັບສູງ. ຂໍອວຍພອນໃຫ້ ສະຫາຍ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດອັນໃໝ່ໃຫຍ່ຫຼວງກວ່າເກົ່າ ໃນພາລະກິດອັນມີກຽດສະຫງ່າຂອງ ສະຫາຍ ທຸກປະການ. ດ້ວຍຄວາມເຄົາລົບ ແລະ ນັບຖືຢ່າງສູງ.
ໃນໂອກາດດຽວກັນ, ສະຫາຍ ສອນໄຊ ສີພັນດອນ ນາຍົກລັດຖະມົນຕີ ແລະ ສະຫາຍ ທອງສະ ຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ກໍໄດ້ສົ່ງສານອວຍພອນເຖິງຄູ່ຮ່ວມຕຳແໜ່ງ ແຫ່ງ ສປ ຈີນ ເຊັ່ນດຽວກັນ.
ຄໍາເຫັນ