ຂ້າພະເຈົ້າ ມີຄວາມເຊື່ອໝັ້ນຢ່າງໜັກແໜ້ນວ່າພາຍໃຕ້ການນຳພາອັນສະຫຼາດສ່ອງໃສຂອງພະນະທ່ານປະທານປະເທດ, ສາທາລະນະລັດປະຊາທິປະໄຕປະຊາຊົນລາວ ຈະປະສົບຜົນສຳເລັດຢ່າງຍິ່ງໃຫຍ່, ມີການພັດທະນາຢ່າງວ່ອງໄວໃນທຸກໆຂົງເຂດ ແລະ ຮັກສາບົດບາດສຳຄັນໃນພາກພື້ນແລະ ສາກົນ.
ຂ້າພະເຈົ້າຫວັງວ່າປະຊາຊົນເຮົາທັງສອງຊາດ ຣາຊະອານາຈັກກຳປູເຈຍ ແລະ ສາທາລະນະລັດປະຊາທິປະໄຕປະຊາຊົນລາວ ໃນຖານະເປັນປະເທດບ້ານໃກ້ເຮືອນຄຽງ ຍິ່ງຈະມີສາຍພົວພັນທີ່ໃກ້ຊິດກັນຫຼາຍຂຶ້ນ ແລະ ສືບຕໍ່ຮັກສາສັນຕິພາບ, ສະຖຽນລະພາບ, ການຮ່ວມມື ແລະ ການພັດທະ ນາປະເທດຊາດໃຫ້ດີຂຶ້ນກວ່າເກົ່າ.
ຂ້າພະເຈົ້າຂໍອວຍພອນໃຫ້ພະນະທ່ານປະທານປະເທດ ຈົ່ງມີຄວາມສຸກ, ມີຄວາມຈະເລີນຮຸ່ງເຮືອງໃນທຸກໆດ້ານ ແລະ ປະສົບຜົນສຳເລັດໃນພາລະກິດຮັບໃຊ້ປະເທດຊາດ ແລະ ປະຊາຊົນລາວ ຢ່າງບໍ່ຂາດຕົກບົກຜ່ອງ; ດ້ວຍຄວາມເຄົາລົບຮັກແພງ ແລະ ນັບຖືຢ່າງເລິກເຊິ່ງ.
ໃນຂະນະດຽວກັນ, ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນຮັກສາການປະມຸກລັດ; ສົມເດັດໂມຫາ ບໍວໍທິບໍດີຮຸນ ມາແນດ ນາຍົກລັດຖະມົນຕີ ແລະ ພະນະທ່ານ ປຣາກ ໂຊຄົນ ຮອງນາຍົກລັດຖະ ມົນຕີ ລັດຖະມົນຕີກະຊວງການຕ່າງປະເທດ ແລະ ການຮ່ວມມືສາກົນ ແຫ່ງ ຣາຊະອານາຈັກກໍາປູເຈຍ ກໍໄດ້ສົ່ງສານຊົມເຊີຍ ເຖິງຄູ່ຮ່ວມຕຳແໜ່ງ ແຫ່ງ ສປປ ລາວ ເຊັ່ນດຽວກັນ.
ຄໍາເຫັນ