ກອງປະຊຸມລາຍງານຄວາມຄືບໜ້າໂຄງການສໍາຫຼວດ ແລະ ກວດກູ້ຜົນກະທົບຈາກລະເບີດລູກຫວ່ານໄລຍະທີVIII ໄດ້ຈັດຂຶ້ນໃນວັນທີ 16 ມັງກອນນີ້ ທີ່ພະແນກເຕັກໂນໂລຊີ ແລະ ການສື່ສານແຂວງຄຳມ່ວນໂດຍການເປັນປະທານຮ່ວມຂອງທ່ານນາງ ແກ້ວໃສສີ ປາດຖະໜາ ຮອງຫົວໜ້າພະແນກການຕ່າງປະເທດ ແລະ ທ່ານ ດວງສີ ທໍາມະວົງ ຮອງຫົວໜ້າຫ້ອງການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ທ່ານ ອີລ່າຍ ເມຄະນິກ ຫົວໜ້າອົງການເກັບກູ້ລະເບີດແມັກປະຈໍາລາວ, ມີຕາງໜ້າພະແນກການຂັ້ນແຂວງ ແລະ ອົງການປົກຄອງເມືອງບົວລະພາ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ອີງຕາມບົດບັນທຶກຄວາມເຂົ້າໃຈໂຄງການລະຫວ່າງກະຊວງແຮງງານ ແລະ ສະຫວັດດີການສັງຄົມ (ຮສສ) ຕາງໜ້າໂດຍຫ້ອງການຄະນະກໍາມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ສປປ ລາວ (ຫຄຊກລ) ແລະ ອົງການເກັບກູ້ລະເບີດແມັກກ່ຽວກັບໂຄງການສໍາຫຼວດ ແລະ ກວດກູ້ຜົນກະທົບຈາກລະເບີດລູກຫວ່ານ ຢູ່ເມືອງບົວລະພາແຂວງຄຳມ່ວນໄລຍະ VIII ຊຶ່ງໄດ້ເຊັນຮັບຮອງໃນຄັ້ງວັນທີ 24/10/2022, ໄລຍະຂອງໂຄງການເລີ່ມແຕ່ມື້ໄດ້ຮັບການອະນຸມັດເຖີງວັນທີ 31 ທັນວາ 2025, ມີ 2 ກິດຈະກໍາຫຼັກຄື: ການສໍາຫຼວດທາງດ້ານວິຊາການ ແລະ ການກວດກູ້ລະເບີດດ້ວຍງົບປະມານໂຄງການ 1.593.068 ໂດລາ, ສະໜັບສະໜູນໂດຍກະຊວງການຕ່າງປະເທດນັອກແວ. ຄາດຄະເນຈະສໍາຫຼວດທາງດ້ານວິຊາການໃນເນື້ອທີ່ 17.550.000 ຕາແມັດ ແລະ ຄາດຄະເນຈະກວດກູ້ລະເບີດໃນເນື້ອທີ່ 1.962.800 ຕາແມັດ.
ຜ່ານການຈັດຕັ້ງປະຕິບັດກິດຈະກໍາຕົວຈິງນັບແຕ່ເດືອນສິງຫາ 2022-ເດືອນທັນວາ 2023,ທ່ານ ສີວອນ ວັນວິໄລຫົວໜ້າອົງການເກັບກູ້ລະເບີດແມັກປະຈຳແຂວງ ໄດ້ລາຍງານຕໍ່ກອງປະຊຸມກ່ຽວກັບຜົນສຳເລັດຂອງໂຄງການວ່າ : ທີມງານສໍາຫຼວດທາງດ້ານວິຊາການໄດ້ຈັດຕັ້ງປະຕິບັດວຽກງານຢູ່ 12 ບ້ານຂອງເມືອງບົວລະພາ ສາມາດສໍາຫຼວດເນື້ອທີ່ດິນ ແລະ ກໍານົດເປັນພື້ນທີ່ CHA ໄດ້ທັງໝົດ12.804.948ຕາແມັດ, ມີ23 ສະໜາມ, ພົບເຫັນ ແລະ ທໍາລາຍລະເບີດໄດ້ທັງໝົດ 260 ໜ່ວຍ, ບົມໃຫຍ່1 ໜ່ວຍ, ບົມບີ່ 250ໜ່ວຍ ແລະ ຊະນິດອື່ນໆ 9 ໜ່ວຍ. ສ່ວນກິດຈະກໍາການກວດກູ້ລະເບີດໂດຍຜ່ານການຈັດຕັ້ງປະຕິບັດຕົວຈິງເລີ່ມແຕ່ເດືອນສິງຫາ 2022-ເດືອນທັນວາ 2023, ທີມງານກວດກູ້ລະເບີດໄດ້ຈັດຕັ້ງປະຕິບັດຢູ່ໃນ 9 ບ້ານຂອງ 2 ເມືອງຄື: ເມືອງບົວລະພາມີ 8 ບ້ານ, ຈໍານວນ 22 ສະໜາມ ແລະ ເມືອງມະຫາໄຊ 1 ບ້ານມີ 2 ສະໜາມ. ສາມາດກວດກູ້ລະເບີດອອກຈາກພື້ນທີ່ດິນໄດ້ 920.141ຕາແມັດ, ພົບເຫັນ ແລະ ທໍາລາຍລະເບີດໄດ້ 942ໜ່ວຍ (ບົມໃຫຍ່ 5ໜ່ວຍ, ບົມບີ 779 ໜ່ວຍ ແລະ ຊະນິດອື່ນໆ 158ໜ່ວຍ). ມີຜູ້ໄດ້ຮັບຜົນປະໂຫຍດທັງໝົດ 3.004 ຄົນທຽບໃສ່ຕົວຊີ້ວັດສາມາດສໍາຫຼວດທາງດ້ານວິຊາການໄດ້ 12.804.948 ຕາແມັດ ຫຼື ເທົ່າກັບ 73%. ສ່ວນການກວດກູ້ລະເບີດສາມາດກວດກູ້ໄດ້ທັງໝົດ 920.141 ຕາແມັດ ຫຼື ເທົ່າກັບ 47%. ນໍາໃຊ້ງົບປະມານທັງໝົດແມ່ນ 728.388 ໂດລາ, ເກີນແຜນການ 4%. ກອງປະຊຸມໄດ້ແລກປ່ຽນປະກອບຄໍາຄິດຄໍາເຫັນຊຶ່ງກັນ ແລະ ກັນ ເພື່ອປັບປຸງບັນຫາຂໍ້ຄົງຄ້າງຍົກສູງຄວາມເປັນເອກະພາບໃນການຮັບຮອງເນື້ອໃນບົດສະຫຼຸບ ແລະ ພາກທິດທາງແຜນການພ້ອມທັງແຜນງົບປະມານໃນຊຸມປີຕໍ່ໜ້າຄື: ງົບປະມານສໍາລັບເດືອນມັງກອນ-ເດືອນທັນວາ 2024ແມ່ນ 461.152 ໂດລາ ແລະ ງົບປະມານສໍາລັບເດືອນມັງກອນ-ເດືອນທັນວາ 2025 ແມ່ນ 463.428 ໂດລາ.
ຂ່າວ: ມະນີວັນ
ອີງຕາມບົດບັນທຶກຄວາມເຂົ້າໃຈໂຄງການລະຫວ່າງກະຊວງແຮງງານ ແລະ ສະຫວັດດີການສັງຄົມ (ຮສສ) ຕາງໜ້າໂດຍຫ້ອງການຄະນະກໍາມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ສປປ ລາວ (ຫຄຊກລ) ແລະ ອົງການເກັບກູ້ລະເບີດແມັກກ່ຽວກັບໂຄງການສໍາຫຼວດ ແລະ ກວດກູ້ຜົນກະທົບຈາກລະເບີດລູກຫວ່ານ ຢູ່ເມືອງບົວລະພາແຂວງຄຳມ່ວນໄລຍະ VIII ຊຶ່ງໄດ້ເຊັນຮັບຮອງໃນຄັ້ງວັນທີ 24/10/2022, ໄລຍະຂອງໂຄງການເລີ່ມແຕ່ມື້ໄດ້ຮັບການອະນຸມັດເຖີງວັນທີ 31 ທັນວາ 2025, ມີ 2 ກິດຈະກໍາຫຼັກຄື: ການສໍາຫຼວດທາງດ້ານວິຊາການ ແລະ ການກວດກູ້ລະເບີດດ້ວຍງົບປະມານໂຄງການ 1.593.068 ໂດລາ, ສະໜັບສະໜູນໂດຍກະຊວງການຕ່າງປະເທດນັອກແວ. ຄາດຄະເນຈະສໍາຫຼວດທາງດ້ານວິຊາການໃນເນື້ອທີ່ 17.550.000 ຕາແມັດ ແລະ ຄາດຄະເນຈະກວດກູ້ລະເບີດໃນເນື້ອທີ່ 1.962.800 ຕາແມັດ.
ຜ່ານການຈັດຕັ້ງປະຕິບັດກິດຈະກໍາຕົວຈິງນັບແຕ່ເດືອນສິງຫາ 2022-ເດືອນທັນວາ 2023,ທ່ານ ສີວອນ ວັນວິໄລຫົວໜ້າອົງການເກັບກູ້ລະເບີດແມັກປະຈຳແຂວງ ໄດ້ລາຍງານຕໍ່ກອງປະຊຸມກ່ຽວກັບຜົນສຳເລັດຂອງໂຄງການວ່າ : ທີມງານສໍາຫຼວດທາງດ້ານວິຊາການໄດ້ຈັດຕັ້ງປະຕິບັດວຽກງານຢູ່ 12 ບ້ານຂອງເມືອງບົວລະພາ ສາມາດສໍາຫຼວດເນື້ອທີ່ດິນ ແລະ ກໍານົດເປັນພື້ນທີ່ CHA ໄດ້ທັງໝົດ12.804.948ຕາແມັດ, ມີ23 ສະໜາມ, ພົບເຫັນ ແລະ ທໍາລາຍລະເບີດໄດ້ທັງໝົດ 260 ໜ່ວຍ, ບົມໃຫຍ່1 ໜ່ວຍ, ບົມບີ່ 250ໜ່ວຍ ແລະ ຊະນິດອື່ນໆ 9 ໜ່ວຍ. ສ່ວນກິດຈະກໍາການກວດກູ້ລະເບີດໂດຍຜ່ານການຈັດຕັ້ງປະຕິບັດຕົວຈິງເລີ່ມແຕ່ເດືອນສິງຫາ 2022-ເດືອນທັນວາ 2023, ທີມງານກວດກູ້ລະເບີດໄດ້ຈັດຕັ້ງປະຕິບັດຢູ່ໃນ 9 ບ້ານຂອງ 2 ເມືອງຄື: ເມືອງບົວລະພາມີ 8 ບ້ານ, ຈໍານວນ 22 ສະໜາມ ແລະ ເມືອງມະຫາໄຊ 1 ບ້ານມີ 2 ສະໜາມ. ສາມາດກວດກູ້ລະເບີດອອກຈາກພື້ນທີ່ດິນໄດ້ 920.141ຕາແມັດ, ພົບເຫັນ ແລະ ທໍາລາຍລະເບີດໄດ້ 942ໜ່ວຍ (ບົມໃຫຍ່ 5ໜ່ວຍ, ບົມບີ 779 ໜ່ວຍ ແລະ ຊະນິດອື່ນໆ 158ໜ່ວຍ). ມີຜູ້ໄດ້ຮັບຜົນປະໂຫຍດທັງໝົດ 3.004 ຄົນທຽບໃສ່ຕົວຊີ້ວັດສາມາດສໍາຫຼວດທາງດ້ານວິຊາການໄດ້ 12.804.948 ຕາແມັດ ຫຼື ເທົ່າກັບ 73%. ສ່ວນການກວດກູ້ລະເບີດສາມາດກວດກູ້ໄດ້ທັງໝົດ 920.141 ຕາແມັດ ຫຼື ເທົ່າກັບ 47%. ນໍາໃຊ້ງົບປະມານທັງໝົດແມ່ນ 728.388 ໂດລາ, ເກີນແຜນການ 4%. ກອງປະຊຸມໄດ້ແລກປ່ຽນປະກອບຄໍາຄິດຄໍາເຫັນຊຶ່ງກັນ ແລະ ກັນ ເພື່ອປັບປຸງບັນຫາຂໍ້ຄົງຄ້າງຍົກສູງຄວາມເປັນເອກະພາບໃນການຮັບຮອງເນື້ອໃນບົດສະຫຼຸບ ແລະ ພາກທິດທາງແຜນການພ້ອມທັງແຜນງົບປະມານໃນຊຸມປີຕໍ່ໜ້າຄື: ງົບປະມານສໍາລັບເດືອນມັງກອນ-ເດືອນທັນວາ 2024ແມ່ນ 461.152 ໂດລາ ແລະ ງົບປະມານສໍາລັບເດືອນມັງກອນ-ເດືອນທັນວາ 2025 ແມ່ນ 463.428 ໂດລາ.
ຂ່າວ: ມະນີວັນ
