ຫ້ອງການສາທາລະນະສຸກເມືອງສິງ ແຂວງຫຼວງນໍ້າທາ ໄດ້ຈັດກອງປະຊຸມຈັດຕັ້ງປະຕິບັດ ຂຶ້ນເມື່ອບໍ່ດົນມານີ້ ທີ່ສະໂມສອນເມືອງສິງ, ເປັນກຽດເຂົ້າຮ່ວມມີທ່ານ ຈັນພິພັກ ກອງຈໍາປາ ເຈົ້າເມືອງໆສິງ, ທ່ານ ອຸ່ນເຮືອນ ພຸດສະຫວັດ ຮອງຫົວໜ້າ ພະແນກສາທາລະນະສຸກແຂວງ, ທ່ານ ນ ຈັນຖະໜອມ ພົມມະນີ ຫົວໜ້າຫ້ອງການສາທາລະນະສຸກເມືອງ ແລະ ພາກສ່ວນກ່ຽວຂ້ອງພາຍໃນເມືອງເຂົ້າຮ່ວມ.
ທ່ານ ໄມອຸ່ນຄຳໃບ ຍອດນວນຕາ ຫົວໜ່ວຍງານບໍລິຫານຈັດຕັ້ງຫ້ອງການສາທາລະນະສຸກເມືອງຂຶ້ນ ລາຍງານການຈັດຕັ້ງປະຕິບັດວຽກງານສາທາລະນະສຸກປະຈຳປີ 2023 ແລະ ທິດທາງແຜນການປີ 2024 ວ່າ: ໄລຍະຜ່ານມາຄະນະນຳຫ້ອງການສາທາລະນະສຸກເມືອງ ໄດ້ເອົາໃຈໃສ່ສຶກສາອົບຮົມການເມືອງ ນຳພາແນວຄິດ ໃຫ້ພະນັກງານເປັນປົກະຕິ, ຊຸກຍູ້ສົ່ງເສີມດ້້ານວິຊາສະເພາະຢ່າງຕໍ່ເນື່ອງ, ເອົາໃຈໃສ່ໃນດ້ານການບໍລິການປີ່ນປົວ ໃຫ້ມີປະສິດທິພາບສູງ ແລະ ໄດ້ເອົາໃຈໃສ່ໃນການຈັດຕັ້ງປະຕິບັດກິດຈະກຳທີ່ໄດ້ສ້າງແຜນ ຕາມ 7 ແຜນງານ, 47ແຜນງານຍ່ອຍ,126ໂຄງການ ທີ່ກະຊວງສາທາລະນະສຸກວາງອອກ ເປັນຕົ້າແມ່ນແຜນງານອານາໄມ ແລະ ສົ່ງເສີມສຸຂະພາບ, ແຜນງານກັນພະຍາດ ແລະ ຄວບຄຸມພະຍາດຕິດຕໍ່, ແຜນງານບໍລິການສຸຂະພາບ ແລະ ຟື້ນຟູໜ້າທີ່, ແຜນງານປົກປ້ອງຜູ້ບໍລິໂພກອາຫານ, ຢາ ແລະ ຜະລິດຕະພັນການແພດ, ແຜນງານຄຸມຄອງ, ພັດທະນາພະນັກງານ-ຄົ້ນຄວ້າວິທະຍາສາດ, ແຜນງານແຜນການ ແລະ ການເງິນສາທາລະນະສຸກ ແລະ ແຜນງານບໍລິຫານຄຸ້ມຄອງ ແລະ ກວດກາ. ນອກນີ້ ຍັງໄດ້ເອົາໃຈໃສ່ຈັດຕັ້ງປະຕິບັດ 2 ວາລະແຫ່ງຊາດ ໄດ້ລົງກວດນ້ຳປັດສະວະຄືນຫຼັງບຳບັດ, ກວດນ້ຳປັດສະວະເພື່ອປະເມີນບ້ານປອດຢາເສບຕິດ ແລະ ເປີດຈຸດບຳບັດຟື້ນຟູສຸຂະພາບໃຫ້ຜູ້ທີ່ຕິດສີ່ງເສບຕິດຕື່ມອີກ. ສຳຫຼັບທິດທາງແຜນການໃນຕໍ່ໜ້າ ແມ່ນຈະສືບຕໍ່ທຸກໜ້າທີ່ວຽກງານໃຫ້ສຳເລັດຕາມແຜນທີ່ວາງໄວ້. ໃນກອງປະຊຸມ, ຜູ້ເຂົ້າຮ່ວມໄດ້ປະກອບຄໍາຄິດເຫັນ ເພື່ອໃຫ້ບົດສະຫຼູບຄົບຖ້ວນ ແລະ ສົມບູນຂຶ້ນກວ່າເກົ່າ.
(ຂ່າວ: ອັກສອນ)
ທ່ານ ໄມອຸ່ນຄຳໃບ ຍອດນວນຕາ ຫົວໜ່ວຍງານບໍລິຫານຈັດຕັ້ງຫ້ອງການສາທາລະນະສຸກເມືອງຂຶ້ນ ລາຍງານການຈັດຕັ້ງປະຕິບັດວຽກງານສາທາລະນະສຸກປະຈຳປີ 2023 ແລະ ທິດທາງແຜນການປີ 2024 ວ່າ: ໄລຍະຜ່ານມາຄະນະນຳຫ້ອງການສາທາລະນະສຸກເມືອງ ໄດ້ເອົາໃຈໃສ່ສຶກສາອົບຮົມການເມືອງ ນຳພາແນວຄິດ ໃຫ້ພະນັກງານເປັນປົກະຕິ, ຊຸກຍູ້ສົ່ງເສີມດ້້ານວິຊາສະເພາະຢ່າງຕໍ່ເນື່ອງ, ເອົາໃຈໃສ່ໃນດ້ານການບໍລິການປີ່ນປົວ ໃຫ້ມີປະສິດທິພາບສູງ ແລະ ໄດ້ເອົາໃຈໃສ່ໃນການຈັດຕັ້ງປະຕິບັດກິດຈະກຳທີ່ໄດ້ສ້າງແຜນ ຕາມ 7 ແຜນງານ, 47ແຜນງານຍ່ອຍ,126ໂຄງການ ທີ່ກະຊວງສາທາລະນະສຸກວາງອອກ ເປັນຕົ້າແມ່ນແຜນງານອານາໄມ ແລະ ສົ່ງເສີມສຸຂະພາບ, ແຜນງານກັນພະຍາດ ແລະ ຄວບຄຸມພະຍາດຕິດຕໍ່, ແຜນງານບໍລິການສຸຂະພາບ ແລະ ຟື້ນຟູໜ້າທີ່, ແຜນງານປົກປ້ອງຜູ້ບໍລິໂພກອາຫານ, ຢາ ແລະ ຜະລິດຕະພັນການແພດ, ແຜນງານຄຸມຄອງ, ພັດທະນາພະນັກງານ-ຄົ້ນຄວ້າວິທະຍາສາດ, ແຜນງານແຜນການ ແລະ ການເງິນສາທາລະນະສຸກ ແລະ ແຜນງານບໍລິຫານຄຸ້ມຄອງ ແລະ ກວດກາ. ນອກນີ້ ຍັງໄດ້ເອົາໃຈໃສ່ຈັດຕັ້ງປະຕິບັດ 2 ວາລະແຫ່ງຊາດ ໄດ້ລົງກວດນ້ຳປັດສະວະຄືນຫຼັງບຳບັດ, ກວດນ້ຳປັດສະວະເພື່ອປະເມີນບ້ານປອດຢາເສບຕິດ ແລະ ເປີດຈຸດບຳບັດຟື້ນຟູສຸຂະພາບໃຫ້ຜູ້ທີ່ຕິດສີ່ງເສບຕິດຕື່ມອີກ. ສຳຫຼັບທິດທາງແຜນການໃນຕໍ່ໜ້າ ແມ່ນຈະສືບຕໍ່ທຸກໜ້າທີ່ວຽກງານໃຫ້ສຳເລັດຕາມແຜນທີ່ວາງໄວ້. ໃນກອງປະຊຸມ, ຜູ້ເຂົ້າຮ່ວມໄດ້ປະກອບຄໍາຄິດເຫັນ ເພື່ອໃຫ້ບົດສະຫຼູບຄົບຖ້ວນ ແລະ ສົມບູນຂຶ້ນກວ່າເກົ່າ.
(ຂ່າວ: ອັກສອນ)
