ວິທະຍຸກະຈາຍສຽງຫວຽດນາລາຍງານວ່າ: ເມື່ອບໍ່ດົນມານີ້ ຢູ່ສຳນັກງານລັດຖະບານ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ຫົວໜ້າຄະນະຊີ້ນຳຂອງລັດຖະບານກ່ຽວກັບການສະຫຼຸບການປະຕິບັດມະຕິສະບັບເລກທີ 18 ຂອງກອງປະຊຸມຄັ້ງທີ 6 ສູນກາງພັກກອມມູນິດ ຫວຽດນາມ ຊຸດທີ XII ລົງວັນທີ 25 ຕຸລາ 2017 ກ່ຽວກັບ “ບາງບັນຫາກ່ຽວຂ້ອງເຖິງການສືບຕໍ່ປ່ຽນແປງໃໝ່, ສັບຊ້ອນການຈັດຕັ້ງກົງຈັກ ຂອງລະບົບການເມືອງໃຫ້ກະທັດຮັດ, ເຄື່ອນໄຫວຢ່າງມີປະສິດທິພາບ, ປະສິດທິຜົນ” ໄດ້ເປັນປະທານກອງປະຊຸມຄັ້ງປະຖົມມະລືກຂອງຄະນະຊີ້ນໍາ.

ທ່ານ ຟ້າມມິງຈິງ ກ່າວຄຳເຫັນໃນກອງປະຊຸມ ວ່າ: ການປ່ຽນແປງໃໝ່, ສັບຊ້ອນການຈັດຕັ້ງ ກົງຈັກ ແມ່ນ ໜ້າທີ່ສຳຄັນເປັນພິເສດ, ສັບສົນ, ມີລັກສະນະສະດຸ້ງໄວ, ໃນຂະນະທີ່ເວລາຍັງບໍ່ຫຼາຍ, ທ່ານຮຽກຮ້ອງໃຫ້ຈັດຕັ້ງປະຕິບັດດ້ວຍຄວາມເປັນເອກະພາບ ແລະ ຕັດສິນໃຈສູງ, ເລັ່ງລັດ, ເຂັ້ມງວດ, ປະຊາທິປະໄຕ, ວິທະຍາສາດ, ພາວະວິໄສ, ບົນເນື້ອໃນຈິດໃຈ “ມີແນວຄິດລຸລ່ວງ, ຄວາມຕັດສິນໃຈສູງ, ຄວາມມານະພະຍາຍາມໃຫຍ່ຫຼວງ, ກະທຳຢ່າງຂ້ຽວຂາດ; ປະຕິບັດວຽກງານຫຍັງ ກໍຕ້ອງໃຫ້ເຖິງກົກເຖິງປາຍ”.