ຂ່າວສານຊີອາໄອລາຍງານໃນວັນທີ 24 ເມສາ ຜ່ານມາ, ທ່ານນາງ ສຸດາວັນ ຫວັງສຸພະກິດໂກສົນ ລັດຖະມົນຕີກະຊວງການທ່ອງທ່ຽວ ແລະ ກິລາຂອງໄທ ກ່າວທີ່ນະຄອນຫຼວງບາງກອກ ປະເທດໄທ ໃນວັນທີ 23 ເມສາ ຜ່ານມາວ່າ: ໃນໄລຍະຈັດກິດຈະກຳສະເຫຼີມສະຫຼອງບຸນສົງການ ນັບແຕ່ວັນທີ 1-21 ເມສານີ້ ລາຍຮັບຈາກການທ່ອງທ່ຽວຂອງໄທແມ່ນໄດ້ຫຼາຍກວ່າ 140 ຕື້ບາດ, ເພີ່ມຂຶ້ນ 37,54% ເມື່ອທຽບໃສ່ໄລຍະດຽວກັນຂອງປີ 2023 ຜ່ານມາ.

ທ່ານນາງ ສຸດາວັນ ຫວັງສຸພະກິດໂກສົນ ກ່າວຕື່ມວ່າ: ໃນໄລຍະ 21 ວັນນັບແຕ່ວັນທີ 1 - 21 ເມສານີ້, ມີນັກທ່ອງທ່ຽວຕ່າງປະເທດຫຼາຍກວ່າ 1920.000 ຄົນໄປທ່ຽວໄທ, ໃນນັ້ນ, ອັນດັບ 1 ແມ່ນນັກທ່ອງທ່ຽວຈີນ ມີ 395.000 ເທື່ອຄົນ, ຮອງລົງມາແມ່ນນັກທ່ອງທ່ຽວມາເລເຊຍ ແລະ ອິນເດຍຕາມລຳດັບ.