ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ໄດ້ຈັດພິທີປິດສົກຮຽນປະຈຳປີ 2023-2024 ໃນວັນທີ 18 ມິຖຸນາ ນີ້, ໂດຍການເປັນປະທານ ຂອງສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີຄະນະພັກ-ຄະນະອຳນວຍການວິທະຍາຄານ, ມີຄະນະກົມວິຊາສະເພາະ, ບັນດາວິທະຍາຄານ, ໂຮງຮຽນ, ພະນັກງານຄູ-ອາຈານ,ຄະນະຊ່ຽວຊານຕ່າງປະເທດ ແລະ ນັກສຶກສາທຸກລະບົບເຂົ້າຮ່ວມ.
ສະຫາຍ ພົນຈັດຕະວາ ສົງກາ ບຸນຄຸນ ຮອງຫົວໜ້າການທະຫານ ວປກ ໃຫ້ຮູ້ວ່າ: ຕະຫຼອດໄລຍະການຮໍ່າຮຽນໃນສົກຮຽນນີ້ ຄະນະພັກ-ຄະນະອຳນວຍການ ໄດ້ຖືສຳຄັນໃນການສຶກສາອົບຮົມການເມືອງນຳພາແນວຄິດໃຫ້ພະນັກງານຄູ-ອາຈານ, ນັກຮຽນ-ນັກສຶກສາຢ່າງເປັນປົກກະຕິ ດ້ວຍຫຼາຍຮູບການ ແລະ ເນື້ອໃນແຕກຕ່າງກັນ, ໂດຍຖືເອົາໜ້າທີ່ການເມືອງ ແລະ ຄວາມຮັບຜິດຊອບຕົວຈິງເປັນເງື່ອນໄຂ ແລະ ມາດຖານໃນການສຶກສາອົບຮົມ, ຫັນທຸກການເຄື່ອນໄຫວວຽກງານ, ການດຳລົງຊີວິດ ແລະ ຄົ້ນຄວ້າຮ່ຳຮຽນເຂົ້າສູ່ລະບົບແບບແຜນ, ຄຸ້ມຄອງບໍລິຫານດ້ວຍຂໍ້ກຳນົດກົດລະບຽບ-ກົດໝາຍຂອງລັດ, ຫຼັກການນໍາພາຂອງພັກ, ຊີ້ນຳຄຸ້ມຄອງ, ກວດກາຈັດຕັ້ງວຽກງານຮອບດ້ານຂອງວິທະຍາຄານ, ຄົ້ນຄວ້າຮໍ່າຮຽນຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ,ທັດສະນະການອອກ
ແຮງງານ, ຄູ-ອາຈານໄດ້ຖ່າຍທອດຄວາມຮູ້, ບາງບົດຮຽນພຶດຕິກຳ, ເປັນແບບຢ່າງທີ່ດີ, ຄົ້ນຄວ້າ, ສິດສອນແນະນຳ, ນຳພາປະຕິບັດການຮຽນ-ການສອນດ້ວຍຄວາມຮັບຜິດຊອບ ແລະ ບັນລຸໄດ້ຕາມຈຸດປະສົງ, ຄາດໝາຍ ທັງປະລິມານ ແລະ ຄຸນນະພາບ. ນັກສຶກສາທີ່ມາບຳລຸງ-ກໍ່ສ້າງນາຍທະຫານນໍາພາ-ບັນຊາ ແລະພາສາຕ່າງປະເທດ ຢູ່ ວປກ ມີ 15 ເປົ້າໝາຍທີ່ຮຽນຈົບໃນສົກ ຮຽນ 2023-2024 ຊຶ່ງປະກອບມີ: ກໍ່ສ້າງເລັ່ງລັດຍຸດທະບັ້ນຮົບ-ຍຸດທະສາດ ລະບົບ 1 ປີ ຊຸດທີ XX, ກໍ່ສ້າງປະລິນຍາໂທ ການທະຫານ ລະບົບ 2 ປີ ຊຸດທີ XV, ກໍ່ສ້າງປະລິນຍາໂທ ການເມືອງ ລະບົບ 2 ປີຊຸດທີ XV, ກໍ່ສ້າງປະລິນຍາຕີການທະຫານ ລະບົບ 3 ປີ, ຊຸດທີ XII, ກໍ່ສ້າງປະລິນຍາຕີການທະຫານ ລະບົບ 2 ປີ, ຊຸດທີ XIII, ກໍ່ສ້າງປະລິນຍາຕີການເມືອງ ລະບົບ 3 ປີຊຸດທີ XII, ກໍ່ສ້າງເລັ່ງລັດການທະຫານຂັ້ນກອງພັນໃຫຍ່ລະບົບ 1 ປີຊຸດທີ IX, ກໍ່ສ້າງເລັ່ງລັດການທະຫານ ຂັ້ນກອງພັນນ້ອຍລະບົບ 1 ປີ, ຊຸດທີ IX, ກໍ່ສ້າງຄູການທະຫານ ຂັ້ນຈໍທຮ-ຊໍທຮ ລະບົບ 1 ປີ, ຊຸດທີ II,ບຳລຸງການທະຫານທ້ອງຖິ່ນ ລະບົບ 3 ເດືອນ ຊຸດທີ IX,ກໍ່ສ້າງພາສາຫວຽດນາມ ຊັ້ນສູງ ລະບົບ 3 ປີ, ຊຸດທີ XI, ກໍ່ສ້າງພາສາຣັດເຊຍຊັ້ນສູງ ລະບົບ 3 ປີ ຊຸດທີ V, ກໍ່ສ້າງພາສາຈີນ ຊັ້ນສູງ ລະບົບ 4 ປີ, ຊຸດທີ VI, ກໍ່ສ້າງພາສາອັງກິດ ຊັ້ນສູງ ລະບົບ4 ປີ XVI ແລະ ກໍ່ສ້າງພາສາອັງກິດ ລະບົບ 1 ປີ ຊຸດທີ XVII ຊຶ່ງລວມມີນັກຮຽນທັງໝົດມີ 349 ສະຫາຍ, ມີໜ້າປ້ອງກັນບົດ ແລະສອບເສັງຈົບຊັ້ນຕົວຈິງ 342 ສະຫາຍຍິງ 7 ສະຫາຍ. ຈາກນັ້ນ, ກໍໄດ້ມອບໃບປະກາສະນີຍະບັດໃຫ້ສຶກສາທຸກລະບົບ.
ໂອກາດນີ້, ສະຫາຍພົນໂທ ຄຳລຽງ ອຸທະໄກສອນ ໄດ້ມີຄຳເຫັນໂອ້ລົມ ແລະ ຮຽກຮ້ອງໃຫ້ນັກສຶກສາທຸກລະບົບ ຈົ່ງພ້ອມກັນເອົາໃຈໃສ່ປະຕິບັດໜ້າທີ່ຂອງຕົນຢ່າງຕັ້ງໜ້າ ແລະ ມີຄວາມຮັບຜິດຊອບສູງ, ພາຍຫຼັງກັບຄືນກົມກອງ ຈົ່ງນໍາເອົາບົດຮຽນທີ່ໄດ້ຮໍ່າຮຽນ ທີ່ຄູ-ອາຈານ ຖ່າຍທອດໃຫ້ໃນຄັ້ງນີ້ ນໍາໄປຈັດຕັ້ງປະຕິບັດໝູນໃຊ້ເຂົ້າໃນໜ້າທີ່ວຽກງານຕົວຈິງຂອງກົມກອງໃຫ້ແທດເໝາະ, ມີຫົວຄິດປະດິດສ້າງ ແລະ ໃຫ້ເກີດຜົນປະໂຫຍດສູງສຸດ.
(ຂ່າວ-ພາບ: ນົກ ບຸນມາເລີ)
ສະຫາຍ ພົນຈັດຕະວາ ສົງກາ ບຸນຄຸນ ຮອງຫົວໜ້າການທະຫານ ວປກ ໃຫ້ຮູ້ວ່າ: ຕະຫຼອດໄລຍະການຮໍ່າຮຽນໃນສົກຮຽນນີ້ ຄະນະພັກ-ຄະນະອຳນວຍການ ໄດ້ຖືສຳຄັນໃນການສຶກສາອົບຮົມການເມືອງນຳພາແນວຄິດໃຫ້ພະນັກງານຄູ-ອາຈານ, ນັກຮຽນ-ນັກສຶກສາຢ່າງເປັນປົກກະຕິ ດ້ວຍຫຼາຍຮູບການ ແລະ ເນື້ອໃນແຕກຕ່າງກັນ, ໂດຍຖືເອົາໜ້າທີ່ການເມືອງ ແລະ ຄວາມຮັບຜິດຊອບຕົວຈິງເປັນເງື່ອນໄຂ ແລະ ມາດຖານໃນການສຶກສາອົບຮົມ, ຫັນທຸກການເຄື່ອນໄຫວວຽກງານ, ການດຳລົງຊີວິດ ແລະ ຄົ້ນຄວ້າຮ່ຳຮຽນເຂົ້າສູ່ລະບົບແບບແຜນ, ຄຸ້ມຄອງບໍລິຫານດ້ວຍຂໍ້ກຳນົດກົດລະບຽບ-ກົດໝາຍຂອງລັດ, ຫຼັກການນໍາພາຂອງພັກ, ຊີ້ນຳຄຸ້ມຄອງ, ກວດກາຈັດຕັ້ງວຽກງານຮອບດ້ານຂອງວິທະຍາຄານ, ຄົ້ນຄວ້າຮໍ່າຮຽນຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ,ທັດສະນະການອອກ
ແຮງງານ, ຄູ-ອາຈານໄດ້ຖ່າຍທອດຄວາມຮູ້, ບາງບົດຮຽນພຶດຕິກຳ, ເປັນແບບຢ່າງທີ່ດີ, ຄົ້ນຄວ້າ, ສິດສອນແນະນຳ, ນຳພາປະຕິບັດການຮຽນ-ການສອນດ້ວຍຄວາມຮັບຜິດຊອບ ແລະ ບັນລຸໄດ້ຕາມຈຸດປະສົງ, ຄາດໝາຍ ທັງປະລິມານ ແລະ ຄຸນນະພາບ. ນັກສຶກສາທີ່ມາບຳລຸງ-ກໍ່ສ້າງນາຍທະຫານນໍາພາ-ບັນຊາ ແລະພາສາຕ່າງປະເທດ ຢູ່ ວປກ ມີ 15 ເປົ້າໝາຍທີ່ຮຽນຈົບໃນສົກ ຮຽນ 2023-2024 ຊຶ່ງປະກອບມີ: ກໍ່ສ້າງເລັ່ງລັດຍຸດທະບັ້ນຮົບ-ຍຸດທະສາດ ລະບົບ 1 ປີ ຊຸດທີ XX, ກໍ່ສ້າງປະລິນຍາໂທ ການທະຫານ ລະບົບ 2 ປີ ຊຸດທີ XV, ກໍ່ສ້າງປະລິນຍາໂທ ການເມືອງ ລະບົບ 2 ປີຊຸດທີ XV, ກໍ່ສ້າງປະລິນຍາຕີການທະຫານ ລະບົບ 3 ປີ, ຊຸດທີ XII, ກໍ່ສ້າງປະລິນຍາຕີການທະຫານ ລະບົບ 2 ປີ, ຊຸດທີ XIII, ກໍ່ສ້າງປະລິນຍາຕີການເມືອງ ລະບົບ 3 ປີຊຸດທີ XII, ກໍ່ສ້າງເລັ່ງລັດການທະຫານຂັ້ນກອງພັນໃຫຍ່ລະບົບ 1 ປີຊຸດທີ IX, ກໍ່ສ້າງເລັ່ງລັດການທະຫານ ຂັ້ນກອງພັນນ້ອຍລະບົບ 1 ປີ, ຊຸດທີ IX, ກໍ່ສ້າງຄູການທະຫານ ຂັ້ນຈໍທຮ-ຊໍທຮ ລະບົບ 1 ປີ, ຊຸດທີ II,ບຳລຸງການທະຫານທ້ອງຖິ່ນ ລະບົບ 3 ເດືອນ ຊຸດທີ IX,ກໍ່ສ້າງພາສາຫວຽດນາມ ຊັ້ນສູງ ລະບົບ 3 ປີ, ຊຸດທີ XI, ກໍ່ສ້າງພາສາຣັດເຊຍຊັ້ນສູງ ລະບົບ 3 ປີ ຊຸດທີ V, ກໍ່ສ້າງພາສາຈີນ ຊັ້ນສູງ ລະບົບ 4 ປີ, ຊຸດທີ VI, ກໍ່ສ້າງພາສາອັງກິດ ຊັ້ນສູງ ລະບົບ4 ປີ XVI ແລະ ກໍ່ສ້າງພາສາອັງກິດ ລະບົບ 1 ປີ ຊຸດທີ XVII ຊຶ່ງລວມມີນັກຮຽນທັງໝົດມີ 349 ສະຫາຍ, ມີໜ້າປ້ອງກັນບົດ ແລະສອບເສັງຈົບຊັ້ນຕົວຈິງ 342 ສະຫາຍຍິງ 7 ສະຫາຍ. ຈາກນັ້ນ, ກໍໄດ້ມອບໃບປະກາສະນີຍະບັດໃຫ້ສຶກສາທຸກລະບົບ.
ໂອກາດນີ້, ສະຫາຍພົນໂທ ຄຳລຽງ ອຸທະໄກສອນ ໄດ້ມີຄຳເຫັນໂອ້ລົມ ແລະ ຮຽກຮ້ອງໃຫ້ນັກສຶກສາທຸກລະບົບ ຈົ່ງພ້ອມກັນເອົາໃຈໃສ່ປະຕິບັດໜ້າທີ່ຂອງຕົນຢ່າງຕັ້ງໜ້າ ແລະ ມີຄວາມຮັບຜິດຊອບສູງ, ພາຍຫຼັງກັບຄືນກົມກອງ ຈົ່ງນໍາເອົາບົດຮຽນທີ່ໄດ້ຮໍ່າຮຽນ ທີ່ຄູ-ອາຈານ ຖ່າຍທອດໃຫ້ໃນຄັ້ງນີ້ ນໍາໄປຈັດຕັ້ງປະຕິບັດໝູນໃຊ້ເຂົ້າໃນໜ້າທີ່ວຽກງານຕົວຈິງຂອງກົມກອງໃຫ້ແທດເໝາະ, ມີຫົວຄິດປະດິດສ້າງ ແລະ ໃຫ້ເກີດຜົນປະໂຫຍດສູງສຸດ.
(ຂ່າວ-ພາບ: ນົກ ບຸນມາເລີ)
