ວິທະຍຸະຈາຍສຽງຫວຽດນາມລາຍງານວ່າ: ອິນເດຍ ແລະ ຍີ່ປຸ່ນ ບັນລຸຫຼາຍຂໍ້ຕົກລົງສຳຄັນກ່ຽວກັບການຮ່ວມມືດ້ານຄວາມໝັ້ນຄົງ ແລະ ການປ້ອງກັນຊາດ ໃນກອງປະຊຸມລັດຖະມົນຕີການຕ່າງປະເທດ ແລະ ປ້ອງກັນຊາດ 2+3 ຄັ້ງທີ 3 ທີ່ດຳເນີນໃນວັນທີ 20 ສິງຫາ ຜ່ານມາຢູ່ ນິວເດລີປະເທດອິນເດຍ.

ໃນກອງປະຊຸມ, 2 ປະເທດເຫັນດີສ້າງຂອບເຂດໃໝ່ໃຫ້ແກ່ການຮ່ວມມືດ້ານຄວາມໝັ້ນຄົງ, ສອດຄ່ອງກັບຄວາມມຸ່ງມາດປາຖະໜາຢາກເປີດກວ້າງການພົວພັນຍຸດທະສາດສັງລວມ. 2 ຝ່າຍຢືນຢັນຄືນໃໝ່ການຕັດສິນໃຈຮ່ວມມືເພື່ອສັນຕິພາບ ແລະ ຄວາມວັດທະນາຖາວອນຂອງພາກພື້ນມະຫາສະໝຸດດິນເດຍ - ປາຊີຟິກ ເສລີ ແລະ ເປີດກວ້າງ. ທ່ານ ໄຈຊານກາ ລັດຖະມົນຕີການຕ່າງປະເທດ ອິນເດຍ ໃຫ້ຮູ້ວ່າ: 2 ຝ່າຍໄດ້ປຶກສາຫາລືກ່ຽວກັບບັນດາທິດທາງໃໝ່ໃນການຮ່ວມມືດ້ານເຕັກໂນໂລຊີ, ຄົ້ນຄວ້າ ແລະ ກະສິກຳ. ທ່ານໄດ້ເນັ້ນໜັກເຖິງຄວາມສຳຄັນຂອງການຮ່ວມມື ໂດຍອີງໃສ່ຄວາມໄວ້ເນື້ອເຊື່ອໃຈໃນຂົງເຂດເຕັກໂນໂລຊີຫາກໍພົ້ນເດັ່ນ, ລວມທັງດ້ານການປ້ອງກັນຊາດ.