ຂ່າວສານຊີອາໄອລາຍງານ ວ່າ: ໃນວັນທີ 12 ມັງກອນ ຜ່ານມາ ເຈົ້າໜ້າທີ່ຫ້ອງການນິຕິເວດເມືອງລອສແອງເຈີລີສຂອງ ສະຫະລັດ ອາເມຣິກາຢືນຢັນວ່າ: ຈຳນວນຜູ້ເສຍຊີວິດໃນເຫດໄຟໄໝ້ລາມປ່າເມືອງລອສແອງເຈີລີສຂອງ ສະຫະລັດ ອາເມຣິກາໄດ້ເພີ່ມຂຶ້ນເປັນ 24 ຄົນ.
ໃນມື້ດຽວກັນ, ຫ້ອງການດັ່ງກ່າວໄດ້ເຜີຍແຜ່ລາຍຊື່ຜູ້ເສຍຊີວິດ, ໃນນັ້ນ, ມີ 8 ຄົນເສຍຊີວິດຍ້ອນໄຟໄໝ້ລາມປ່າປາລີຊາເຕ ແລະ 16 ຄົນເສຍຊີວິດຍ້ອນໄຟໄໝ້ລາມປ່າອີຕັນ.
ໂຕເລກຂໍ້ມູນທີ່ອົງການປ່າໄມ້ ແລະ ດັບເພີງລັດຄາລີຟໍເນຍເປີດເຜີຍໃນວັນທີ 12 ມັງກອນ ຜ່ານມາສະແດງໃຫ້ເຫັນວ່ານັບແຕ່ລັດຄາລີຟໍເນຍເກີດໄຟໄໝ້ລາມປ່າໃນວັນທີ 7 ມັງກອນຈົນມາເຖິງປັດຈຸບັນ, ທ້ອງຖິ່ນຕ່າງໆຂອງລັດຄາລີຟໍເນຍໄດ້ເກີດເຫດໄຟໄໝ້ລາມປ່າ 105 ກໍລະນີ ແລະ ໄດ້ແຜ່ລາມໄປເຖິງ 163 ກິໂລຕາແມັດ ຊຶ່ງໃຫຍ່ກວ່າເນື້ອທີ່ນະຄອນຊັນຟຣັນຊີສໂກ.
ແຕ່ວ່າ, ວຽກງານດັບເພີງມີຄວາມຄືບໜ້າຊັກຊ້າ, ໄຟໄໝ້ລາມປ່າປາລີຊາເຕ ທີ່ມີຂະໜາດໃຫຍ່ທີ່ສຸດມີເນື້ອທີ່ພຽງແຕ່ 11% ຖືກຄວບຄຸມໄວ້.
