ຂ່າວສານຊີອາໄອ ລາຍງານວ່າ: ໃນກອງປະຊຸມຖະແຫຼງຂ່າວຂອງກະຊວງການຄ້າຈີນທີ່ຈັດຂຶ້ນເມື່ອບໍ່ດົນມານີ້,ທ່ານເຮີຢ້າຕົ່ງ ໂຄສົກກະຊວງການຄ້າຈີນແນະນຳໃຫ້ຮູ້ວ່າ: ມາຮອດປັດຈຸບັນ, ຈີນໄດ້ເຊັນສັນຍາການຄ້າເສລີ 23 ສະບັບກັບ 30 ປະເທດ ແລະ ເຂດແຄ້ວນ ໂດຍມີຄູ່ການຄ້າເສລີທີ່ຢູ່ 5 ທະວີບໃນໂລກ, ເຄືອຂ່າຍເຂດການຄ້າເສລີໄດ້ຮັບການເປີດກວ້າງ ແລະ ລົງເລິກຢ່າງບໍ່ຢຸດຢັ້ງ, ເນື້ອໃນ ແລະ ຄຸນນະພາບຂອງສັນຍາການຄ້າເສລີກໍໄດ້ເພີ່ມຫຼາຍຂຶ້ນ ແລະ ຍົກສູງຂຶ້ນ. ການຄ້າການບໍລິການ, ບັນຊີລາຍການທາງລົບດ້ານການລົງທຶນ, ເສດຖະກິດດີຈີຕອນການຮ່ວມມືທີ່ມີມາດຕະຖານ ແລະ ເນື້ອໃນໃໝ່ອື່ນໆ ໄດ້ກາຍເປັນເນື້ອໃນມາດຕະຖານຂອງສັນຍາການຄ້າເສລີທີ່ເຊັນໃໝ່ຂອງຈີນ.
ໃນບາດກ້າວຕໍ່ໄປ, ກະຊວງການຄ້າຈີນຈະສືບຕໍ່ຕັ້ງໜ້າເປີດກວ້າງເຄືອຂ່າຍເຂດການຄ້າເສລີມາດຕະຖານສູງທີ່ຫັນໜ້າສູ່ໂລກ, ຈັດຕັ້ງປະຕິບັດສັນຍາການຄ້າເສລີທີ່ມີຜົນບັງຄັບໃຊ້ດ້ວຍຄຸນນະພາບສູງ.
