ໃນຕອນບ່າຍ ວັນທີ 8 ພະຈິກ 2023, ທ່ານ ສອນໄຊ ສີພັນດອນ, ນາຍົກລັດຖະມົນຕີ, ຫົວໜ້າຄະນະສະເພາະກິດ ຮັບຜິດຊອບແກ້ໄຂບັນຫາເຄັ່ງຮ້ອນຂອງ ເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນເງິນຕາ, ລາຄາສິນ ຄ້າ ແລະ ໜີ້ສິນຕ່າງປະເທດ (ຫົວໜ້າຄະນະສະເພາະກິດ 19/ກມສພ) ພ້ອມດ້ວຍຄະນະ ຈາກກະຊວງ-ອົງການທີ່ກ່ຽວຂ້ອງ ໄດ້ເຄື່ອນໄຫວວຽກງານຢູ່ແຂວງອັດຕະປື ເພື່ອຕິດຕາມ ແລະ ຊຸກຍູ້ການຈັດຕັ້ງປະຕິບັດແກ້ໄຂບັນຫາຮີບດ່ວນເຄັ່ງຮ້ອນ ໂດຍສະເພາະ ການຜະລິດເປັນສິນຄ້າ ແລະ ການຜະລິດ ຕິດພັນກັບການປຸງແຕ່ງ ເພື່ອຫຼຸດການນຳເຂົ້າສິນຄ້າຈາກຕ່າງປະເທດ, ການເກັບລາຍຮັບເຂົ້າງົບປະມານ, ການຄຸ້ມຄອງ ແລະ ດຶງດູດການລົງທຶນ, ການປະຕິບັດນະໂຍບາຍປະຢັດມັດທະຍັດ ແລະ ອື່ນໆທີ່ຕິດພັນກັບການພັດທະນາເສດຖະກິດ-ສັງຄົມຂອງແຂວງ ໂດຍມີທ່ານ ພົນຕີ ວັນທອງ ກອງມະນີ, ວ່າການເຈົ້າແຂວງອັດຕະປື ພ້ອມດ້ວຍຄະນະນຳຂອງແຂວງ, ເມືອງ, ບ້ານ, ປະຊາຊົນ ແລະ ພາກສ່ວນທີ່ກ່ຽວຂ້ອງ ໃຫ້ການຕ້ອນຮັບ.
ໃນໂອກາດນີ້, ຄະນະຂອງທ່ານ ນາຍົກລັດຖະມົນຕີ ໄດ້ໄປຢ້ຽມຢາມ ແລະ ພົບປະໂອ້ລົມ ປະຊາຊົນບ້ານອຸດົມໄຊ, ເມືອງສະໜາມໄຊ ຊຶ່ງບ້ານດັ່ງກ່າວ ແມ່ນໜຶ່ງໃນ 31 ບ້ານ ຂອງແຂວງອັດຕະປື ທີ່ຖືກກຳນົດເປັນບ້ານຈຸດສຸມການປູກ-ການລ້ຽງ ພາຍໃຕ້ໂຄງການ “ເສີມສ້າງຄວາມທົນທານກັບສະພາບອາກາດຂອງລະບົບກະສິກຳ ແລະ ຊີວິດການເປັນຢູ່ ທີ່ເປັນມິດຕໍ່ສິ່ງແວດລ້ອມ” ໂດຍສະເພາະ ການປູກເຂົ້າ, ການປູກພືດຜັກ ແລະ ລ້ຽງສັດຈຳນວນໜຶ່ງ ເພື່ອສະໜອງສະບຽງອາຫານຮັບໃຊ້ພາຍໃນແຂວງ ໄລຍະ 2020-2023 ແລະ ຕໍ່ອີກຮອດເດືອນ 6 ປີ 2024, ໃນນັ້ນ ທ່ານ ເສີມທອງ ແກ້ວແສງໂລຍ ນາຍບ້ານໆດັ່ງກ່າວ ໄດ້ລາຍງານ ກ່ຽວກັບສະພາບລວມຂອງບ້ານ, ສະພາບການຜະລິດກະສິກຳ ກໍຄືການປູກ-ການລ້ຽງ ຂອງປະຊາຊົນພາຍໃນບ້ານ ວ່າ: ພາຍໃນບ້ານມີ 322 ຫຼັງຄາເຮືອນ, 341 ຄອບຄົວ, ພົນລະເມືອງ 1.842 ຄົນ, ຍິງ 953 ຄົນ. ສຳລັບກິດຈະກຳຂອງໂຄງການ ປະກອບມີ ການຜະລິດ ເພື່ອຄໍ້າປະກັນສະບຽງອາຫານ ເຊັ່ນ ການປູກເຂົ້າ, ການປູກພືດຜັກ, ການປູກເຫັດ, ການລ້ຽງໄກ່, ການລ້ຽງປາໃນນາເຂົ້າ, ການປູກຕົ້ນໄມ້ກິນໝາກ; ການຜະລິດເປັນສິນຄ້າ ເຊັ່ນ: ການປູກພືດຜັກໃນເຮືອນຮົ່ມ, ການຍົກສະມັດຕະພາບເຂົ້າ, ການລ້ຽງປາເປັນສິນຄ້າ ແລະ ອື່ນໆ. ຜ່ານການຈັດຕັ້ງປະຕິບັດໂຄງການດັ່ງກ່າວ ໄດ້ເຮັດໃຫ້ໂຄງລ່າງພື້ນຖານການຜະລິດ ໄດ້ຮັບການປັບປຸງດີຂຶ້ນ ເປັນຕົ້ນ ການສະໜອງນໍ້າເພື່ອຮັບໃຊ້ການຜະລິດ, ເຮືອນຮົ່ມສຳລັບການປູກ-ການລ້ຽງ, ເຮັດໃຫ້ຄວາມສາມາດໃນການຜະລິດເຂົ້າ, ພືດຜັກ ແລະ ປາ ຂອງບ້ານດັ່ງກ່າວ ໄດ້ເພີ່ມຂຶ້ນເປັນຈໍານວນຫຼາຍກວ່າເກົ່າ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເປັນກ້າວໆ.
ໃນໂອກາດດຽວກັນ, ທ່ານ ນາຍົກລັດຖະມົນຕີ ກໍໄດ້ໃຫ້ກຽດໂອ້ລົມ ຕໍ່ປະຊາຊົນບ້ານດັ່ງກ່າວ ໂດຍໄດ້ມີຄໍາເຫັນເຈາະຈີ້ມເຖິງສະພາບຊີວິດການເປັນຢູ່ ຂອງປະຊາຊົນ, ລະບົົບການປົກຄອງບ້ານ, ການຄຸ້ມຄອງເງິນກອງທຶນພັດທະນາບ້ານ, ທ່າແຮງ, ຂໍ້ຈຳກັດ ແລະ ສິ່ງທ້າທາຍ ໃນການພັດທະນາບ້ານ, ຕະຫຼອດຮອດ ການໃຫ້ຄວາມກະຈ່າງແຈ້ງ ຕໍ່ຂໍ້ສະເໜີ ແລະ ຄວາມສົນໃຈຕ່າງໆ ຂອງປະຊາຊົນ. ພ້ອມກັນນັ້ນ ກໍໄດ້ຍົກໃຫ້ເຫັນ ຄວາມພະຍາຍາມ ແລະ ເອົາໃຈໃສ່ ຂອງອົງການປົກຄອງທຸກຂັ້ນ ໃນການພັດທະນາເສດຖະກິດ-ສັງຄົມ ກໍຄືການຄຸ້ມຄອງລັດ-ຄຸ້ມຄອງສັງຄົມ ແລະ ແກ້ໄຂບັນຫາເຄັ່ງຮ້ອນຕ່າງໆ ໃນໄລຍະຜ່ານມາ. ອັນສຳຄັນ, ທ່ານນາຍົກລັດຖະມົນຕີ ໄດ້ມີຄຳເຫັນເນັ້ນໜັກໃຫ້ພາກສ່ວນກ່ຽວຂ້ອງ ເອົາໃຈໃສ່ຕື່ມບາງດ້ານ ເປັນຕົ້ນ ໃຫ້ອົງການປົກຄອງບ້ານ ແລະ ປະຊາຊົນ ເອົາໃຈໃສ່ສຶກສາອົບຮົມລູກຫຼານຂອງຕົນ ໃຫ້ຮັບຮູ້ ແລະ ເຂົ້າໃຈຢ່າງຖືກຕ້ອງ ຕໍ່ແນວທາງນະໂຍບາຍ ຂອງພັກ ແລະ ລັດຖະບານ, ມູນເຊື້ອປະຫວັດສາດອັນດີງາມ, ມູນເຊື້ອດຸໝັ່ນ, ອາດຫານ, ສາມັກຄີ ແລະ ມູນເຊື້ອຮັກຊາດ ຂອງປະຊາຊົນຊາວແຂວງອັດຕະປື ທີ່ໄດ້ປະກອບສ່ວນ ແລະ ເສຍສະຫຼະ ໃນພາລະກິດຕໍ່ສູ້ກູ້ຊາດ ຢູ່ເຂດທີ່ໝັ້ນການປະຕິວັດລາວໃຕ້ ໃນເມື່ອກ່ອນ ໂດຍສະເພາະ ຢູ່ເຂດເມືອງສະໜາມໄຊ; ເອົາໃຈໃສ່ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ເປັນຕົ້ນ ບັນຫາຢາເສບຕິດ, ການກໍ່ຄວາມບໍ່ສະຫງົບ, ການເຊື່ອຖືໃນທາງທີ່ບໍ່ຖືກຕ້ອງ ແລະ ອື່ນໆ; ເອົາໃຈໃສ່ສົ່ງເສີມລູກຫຼານຂອງຕົນ ໃຫ້ໄດ້ເຂົ້າຮຽນ ຕາມເກນອາຍຸ ແລະ ສຳເລັດຕາມຄາດໝາຍທີ່ກຳນົດໄວ້; ນຳໃຊ້ທ່າແຮງຂອງບ້ານ ກໍຄືທ້ອງຖິ່ນຂອງຕົນ ໃຫ້ເກີດປະໂຫຍດສູງສຸດ ໂດຍສະເພາະ ການປູກ-ການລ້ຽງ ໃນລະດູແລ້ງ, ການບໍລິການ, ການຄ້າ, ການສົ່ງເສີມວັດທະນະທຳທີ່ກ້າວໜ້າ ແລະ ອື່ນໆ ເພື່ອຍົກລະດັບຊີວິດການເປັນຢູ່ຂອງປະຊາຊົນ ໃຫ້ນັບມື້ດີຂຶ້ນ; ເອົາໃຈໃສ່ ຕໍ່ການປົກປັກຮັກສາສິ່ງແວດລ້ອມ ກໍຄືລະບົບນິເວດ ຂອງທ້ອງຖິ່ນ ໃຫ້ມີຄວາມອຸດົມສົມບູນ, ສີຂຽວ, ສະອາດ, ເປັນລະບຽບຮຽບຮ້ອຍ ແລະ ກາຍເປັນທ່າແຮງໃນການພັດທະນາທ້ອງຖິ່ນ ຢ່າງຍືນຍົງ ໂດຍສະເພາະ ການປູກ ແລະ ປົກປັກຮັກສາປ່າໄມ້, ການຮັກສາແຫຼ່ງນໍ້າທຳມະຊາດ, ສັດນໍ້າ-ສັດປ່າ ແລະ ອື່ນໆ.
ຫຼັງຈາກນັ້ນ, ທ່ານ ນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ໄປຢ້ຽມຢາມ ແລະ ຊຸກຍູ້ການພັດທະນາໂຄງການຜະລິດກະສິກຳ ຂອງບໍລິສັດ ຮວງແອງອາກຼີໂກ ຢູ່ເມືອງໄຊເສດຖາ ທີ່ດຳເນີນກິດຈະການຟາມລ້ຽງງົວ, ປູກຕົ້ນໄມ້ອຸດສາຫະກຳ, ໂຮງງານປຸງແຕ່ງຜະລິດຕະພັນກະສິກຳ ແລະ ປູກຕົ້ນໄມ້ກິນໝາກ ເປັນຕົ້ນ ກ້ວຍ, ໝາກນັດ, ໝາກມ່ວງ, ໝາກກ້ຽງໃຫຍ່ ຊຶ່ງສາມາດສ້າງວຽກເຮັດງານທໍາ ໃຫ້ແກ່ປະຊາຊົນພາຍໃນທ້ອງຖິ່ນດັ່ງກ່າວ ແລະ ສ້າງລາຍຮັບປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ແຂວງອັດຕະປື ກໍຄື ປະເທດ ໃຫ້ນັບມື້ມີຄວາມໜັກແໜ້ນ ແລະ ເຂັ້ມແຂງຂຶ້ນເປັນກ້າວໆ. (ພາບ ແລະ ຂ່າວ: ກົມປະຊາສຳພັນ ຫສນຍ)
ໃນໂອກາດນີ້, ຄະນະຂອງທ່ານ ນາຍົກລັດຖະມົນຕີ ໄດ້ໄປຢ້ຽມຢາມ ແລະ ພົບປະໂອ້ລົມ ປະຊາຊົນບ້ານອຸດົມໄຊ, ເມືອງສະໜາມໄຊ ຊຶ່ງບ້ານດັ່ງກ່າວ ແມ່ນໜຶ່ງໃນ 31 ບ້ານ ຂອງແຂວງອັດຕະປື ທີ່ຖືກກຳນົດເປັນບ້ານຈຸດສຸມການປູກ-ການລ້ຽງ ພາຍໃຕ້ໂຄງການ “ເສີມສ້າງຄວາມທົນທານກັບສະພາບອາກາດຂອງລະບົບກະສິກຳ ແລະ ຊີວິດການເປັນຢູ່ ທີ່ເປັນມິດຕໍ່ສິ່ງແວດລ້ອມ” ໂດຍສະເພາະ ການປູກເຂົ້າ, ການປູກພືດຜັກ ແລະ ລ້ຽງສັດຈຳນວນໜຶ່ງ ເພື່ອສະໜອງສະບຽງອາຫານຮັບໃຊ້ພາຍໃນແຂວງ ໄລຍະ 2020-2023 ແລະ ຕໍ່ອີກຮອດເດືອນ 6 ປີ 2024, ໃນນັ້ນ ທ່ານ ເສີມທອງ ແກ້ວແສງໂລຍ ນາຍບ້ານໆດັ່ງກ່າວ ໄດ້ລາຍງານ ກ່ຽວກັບສະພາບລວມຂອງບ້ານ, ສະພາບການຜະລິດກະສິກຳ ກໍຄືການປູກ-ການລ້ຽງ ຂອງປະຊາຊົນພາຍໃນບ້ານ ວ່າ: ພາຍໃນບ້ານມີ 322 ຫຼັງຄາເຮືອນ, 341 ຄອບຄົວ, ພົນລະເມືອງ 1.842 ຄົນ, ຍິງ 953 ຄົນ. ສຳລັບກິດຈະກຳຂອງໂຄງການ ປະກອບມີ ການຜະລິດ ເພື່ອຄໍ້າປະກັນສະບຽງອາຫານ ເຊັ່ນ ການປູກເຂົ້າ, ການປູກພືດຜັກ, ການປູກເຫັດ, ການລ້ຽງໄກ່, ການລ້ຽງປາໃນນາເຂົ້າ, ການປູກຕົ້ນໄມ້ກິນໝາກ; ການຜະລິດເປັນສິນຄ້າ ເຊັ່ນ: ການປູກພືດຜັກໃນເຮືອນຮົ່ມ, ການຍົກສະມັດຕະພາບເຂົ້າ, ການລ້ຽງປາເປັນສິນຄ້າ ແລະ ອື່ນໆ. ຜ່ານການຈັດຕັ້ງປະຕິບັດໂຄງການດັ່ງກ່າວ ໄດ້ເຮັດໃຫ້ໂຄງລ່າງພື້ນຖານການຜະລິດ ໄດ້ຮັບການປັບປຸງດີຂຶ້ນ ເປັນຕົ້ນ ການສະໜອງນໍ້າເພື່ອຮັບໃຊ້ການຜະລິດ, ເຮືອນຮົ່ມສຳລັບການປູກ-ການລ້ຽງ, ເຮັດໃຫ້ຄວາມສາມາດໃນການຜະລິດເຂົ້າ, ພືດຜັກ ແລະ ປາ ຂອງບ້ານດັ່ງກ່າວ ໄດ້ເພີ່ມຂຶ້ນເປັນຈໍານວນຫຼາຍກວ່າເກົ່າ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເປັນກ້າວໆ.
ໃນໂອກາດດຽວກັນ, ທ່ານ ນາຍົກລັດຖະມົນຕີ ກໍໄດ້ໃຫ້ກຽດໂອ້ລົມ ຕໍ່ປະຊາຊົນບ້ານດັ່ງກ່າວ ໂດຍໄດ້ມີຄໍາເຫັນເຈາະຈີ້ມເຖິງສະພາບຊີວິດການເປັນຢູ່ ຂອງປະຊາຊົນ, ລະບົົບການປົກຄອງບ້ານ, ການຄຸ້ມຄອງເງິນກອງທຶນພັດທະນາບ້ານ, ທ່າແຮງ, ຂໍ້ຈຳກັດ ແລະ ສິ່ງທ້າທາຍ ໃນການພັດທະນາບ້ານ, ຕະຫຼອດຮອດ ການໃຫ້ຄວາມກະຈ່າງແຈ້ງ ຕໍ່ຂໍ້ສະເໜີ ແລະ ຄວາມສົນໃຈຕ່າງໆ ຂອງປະຊາຊົນ. ພ້ອມກັນນັ້ນ ກໍໄດ້ຍົກໃຫ້ເຫັນ ຄວາມພະຍາຍາມ ແລະ ເອົາໃຈໃສ່ ຂອງອົງການປົກຄອງທຸກຂັ້ນ ໃນການພັດທະນາເສດຖະກິດ-ສັງຄົມ ກໍຄືການຄຸ້ມຄອງລັດ-ຄຸ້ມຄອງສັງຄົມ ແລະ ແກ້ໄຂບັນຫາເຄັ່ງຮ້ອນຕ່າງໆ ໃນໄລຍະຜ່ານມາ. ອັນສຳຄັນ, ທ່ານນາຍົກລັດຖະມົນຕີ ໄດ້ມີຄຳເຫັນເນັ້ນໜັກໃຫ້ພາກສ່ວນກ່ຽວຂ້ອງ ເອົາໃຈໃສ່ຕື່ມບາງດ້ານ ເປັນຕົ້ນ ໃຫ້ອົງການປົກຄອງບ້ານ ແລະ ປະຊາຊົນ ເອົາໃຈໃສ່ສຶກສາອົບຮົມລູກຫຼານຂອງຕົນ ໃຫ້ຮັບຮູ້ ແລະ ເຂົ້າໃຈຢ່າງຖືກຕ້ອງ ຕໍ່ແນວທາງນະໂຍບາຍ ຂອງພັກ ແລະ ລັດຖະບານ, ມູນເຊື້ອປະຫວັດສາດອັນດີງາມ, ມູນເຊື້ອດຸໝັ່ນ, ອາດຫານ, ສາມັກຄີ ແລະ ມູນເຊື້ອຮັກຊາດ ຂອງປະຊາຊົນຊາວແຂວງອັດຕະປື ທີ່ໄດ້ປະກອບສ່ວນ ແລະ ເສຍສະຫຼະ ໃນພາລະກິດຕໍ່ສູ້ກູ້ຊາດ ຢູ່ເຂດທີ່ໝັ້ນການປະຕິວັດລາວໃຕ້ ໃນເມື່ອກ່ອນ ໂດຍສະເພາະ ຢູ່ເຂດເມືອງສະໜາມໄຊ; ເອົາໃຈໃສ່ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ເປັນຕົ້ນ ບັນຫາຢາເສບຕິດ, ການກໍ່ຄວາມບໍ່ສະຫງົບ, ການເຊື່ອຖືໃນທາງທີ່ບໍ່ຖືກຕ້ອງ ແລະ ອື່ນໆ; ເອົາໃຈໃສ່ສົ່ງເສີມລູກຫຼານຂອງຕົນ ໃຫ້ໄດ້ເຂົ້າຮຽນ ຕາມເກນອາຍຸ ແລະ ສຳເລັດຕາມຄາດໝາຍທີ່ກຳນົດໄວ້; ນຳໃຊ້ທ່າແຮງຂອງບ້ານ ກໍຄືທ້ອງຖິ່ນຂອງຕົນ ໃຫ້ເກີດປະໂຫຍດສູງສຸດ ໂດຍສະເພາະ ການປູກ-ການລ້ຽງ ໃນລະດູແລ້ງ, ການບໍລິການ, ການຄ້າ, ການສົ່ງເສີມວັດທະນະທຳທີ່ກ້າວໜ້າ ແລະ ອື່ນໆ ເພື່ອຍົກລະດັບຊີວິດການເປັນຢູ່ຂອງປະຊາຊົນ ໃຫ້ນັບມື້ດີຂຶ້ນ; ເອົາໃຈໃສ່ ຕໍ່ການປົກປັກຮັກສາສິ່ງແວດລ້ອມ ກໍຄືລະບົບນິເວດ ຂອງທ້ອງຖິ່ນ ໃຫ້ມີຄວາມອຸດົມສົມບູນ, ສີຂຽວ, ສະອາດ, ເປັນລະບຽບຮຽບຮ້ອຍ ແລະ ກາຍເປັນທ່າແຮງໃນການພັດທະນາທ້ອງຖິ່ນ ຢ່າງຍືນຍົງ ໂດຍສະເພາະ ການປູກ ແລະ ປົກປັກຮັກສາປ່າໄມ້, ການຮັກສາແຫຼ່ງນໍ້າທຳມະຊາດ, ສັດນໍ້າ-ສັດປ່າ ແລະ ອື່ນໆ.
ຫຼັງຈາກນັ້ນ, ທ່ານ ນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ໄປຢ້ຽມຢາມ ແລະ ຊຸກຍູ້ການພັດທະນາໂຄງການຜະລິດກະສິກຳ ຂອງບໍລິສັດ ຮວງແອງອາກຼີໂກ ຢູ່ເມືອງໄຊເສດຖາ ທີ່ດຳເນີນກິດຈະການຟາມລ້ຽງງົວ, ປູກຕົ້ນໄມ້ອຸດສາຫະກຳ, ໂຮງງານປຸງແຕ່ງຜະລິດຕະພັນກະສິກຳ ແລະ ປູກຕົ້ນໄມ້ກິນໝາກ ເປັນຕົ້ນ ກ້ວຍ, ໝາກນັດ, ໝາກມ່ວງ, ໝາກກ້ຽງໃຫຍ່ ຊຶ່ງສາມາດສ້າງວຽກເຮັດງານທໍາ ໃຫ້ແກ່ປະຊາຊົນພາຍໃນທ້ອງຖິ່ນດັ່ງກ່າວ ແລະ ສ້າງລາຍຮັບປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ແຂວງອັດຕະປື ກໍຄື ປະເທດ ໃຫ້ນັບມື້ມີຄວາມໜັກແໜ້ນ ແລະ ເຂັ້ມແຂງຂຶ້ນເປັນກ້າວໆ. (ພາບ ແລະ ຂ່າວ: ກົມປະຊາສຳພັນ ຫສນຍ)
ຄໍາເຫັນ