ຂ້າພະເຈົ້າມີຄວາມປິຕິຍິນດີເປັນຢ່າງຍິ່ງສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານເນື່ອງໃນໂອກາດທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນລັດຖະມົນຕີກະຊວງການຕ່າງປະເທດແຫ່ງສາທາລະນະລັດ ສະຫະພາບ ມຽນມາ.
ຂ້າພະເຈົ້າເຊື່ອໝັ້ນວ່າສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນໃກ້ຊິດຖານບ້ານໃກ້ເຮືອນຄຽງທີ່ດີທີ່ມີມາແຕ່ດົນນານລະຫວ່າງສອງປະເທດ ແລະ ປະຊາຊົນສອງຊາດກໍຄືລະຫວ່າງສອງກະ ຊວງການຕ່າງປະເທດລາວ ແລະ ມຽນມາ ຈະສືບຕໍ່ໄດ້ຮັບການເສີມຂະຫຍາຍຍິ່ງໆຂຶ້ນໃນອະນາຄົດ. ຂ້າພະເຈົ້າຫວັງວ່າຈະໄດ້ເຮັດວຽກຢ່າງໃກ້ຊິດຮ່ວມກັບພະນະທ່ານໃນການສົ່ງເສີມການພົວພັນສອງຝ່າຍທີ່ດີງາມ ຂອງພວກເຮົາໃນປັດຈຸບັນກໍຄືການຮ່ວມມືໃນເວທີພາກພື້ນ ແລະ ສາກົນ ໂດຍສະເພາະໃນຂອບອາຊຽນ, CLMV, ACMECS ແລະ ອື່ນໆ ເພື່ອຜົນປະໂຫຍດຂອງປະຊາຊົນສອງຊາດກໍຄືຄອບຄົວອາຊຽນ.
ຂ້າພະເຈົ້າຂໍຖືໂອກາດນີ້ອວຍພອນໄຊໃຫ້ພະນະທ່ານມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ອັນສູງສົ່ງຂອງພະນະທ່ານ; ດ້ວຍຄວາມນັບຖືຢ່າງສູງ.
ຄໍາເຫັນ