ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ທີ່ນະຄອນຫຼວງວຽງຈັນ ຊຶ່ງມີເນື້ອໃນວ່າ: ຂ້າພະເຈົ້າຂໍສົ່ງຄໍາອວຍພອນອັນປະເສີດມາຍັງສະຫາຍທີ່ໄດ້ຮັບການເລືອກຕັ້ງເປັນປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ອີກສະໄໝໜຶ່ງໃນກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ 10.
ການທີ່ສະຫາຍໄດ້ຮັບການເລືອກຕັ້ງເປັນປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ອີກສະໄໝໜຶ່ງສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈຢ່າງໜຽວແໜ້ນ ແລະ ການສະໜັບສະໜູນຢ່າງສູງຂອງພັກ, ລັດ ແລະ ປະຊາຊົນລາວ ຕໍ່ຄວາມພະຍາຍາມອັນມີຄວາມຮັບຜິດຊອບ ແລະ ການອຸທິດຕົນຂອງສະຫາຍໃນການຈັດຕັ້ງປະຕິບັດພາລະກິດສອງໜ້າທີ່ຍຸດທະສາດຄືການປົກປົກຮັກສາ ແລະ ສ້າງສາພັດທະນາປະເທດຊາດ.
ຂ້າພະເຈົ້າສະແດງຄວາມເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມືລະຫວ່າງສອງພັກ ແລະ ສອງປະເທດພວກເຮົາຈະສືບຕໍ່ໄດ້ຮັບການເສີມຂະຫຍາຍເຂົ້າສູ່ລວງເລິກກວ່າເກົ່າອີງຕາມຈິດໃຈການຕົກລົງກັນໃນການພົບປະຂອງພວກເຮົາໃນເດືອນຕຸລາປີກາຍນີ້ທີ່ນະຄອນຫຼວງພຽງຢາງ ແລະ ຂໍອວຍພອນໃຫ້ສະຫາຍຈົ່ງມີສຸຂະພາບເຂັ້ມແຂງ ແລະ ປະສົບຜົນສໍາເລັດອັນໃຫຍ່ຫຼວງກວ່າເກົ່າໃນໜ້າທີ່ວຽກງານຂອງສະຫາຍ.
ຄໍາເຫັນ