ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງ ພະນະທ່ານ ເນື່ອງໃນໂອກາດທີ່ໄດ້ຮັບເລືອກຕັ້ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ອີກໜຶ່ງສະໄໝ.
ຂ້າພະເຈົ້າ ເຊື່ອໝັ້ນວ່າ ພາຍໃຕ້ການຊີ້ນຳຂອງ ພະນະທ່ານ, ສປປ ລາວ ຈະສືບຕໍ່ພັດທະນາ ແລະ ເສີມຂະຫຍາຍການພົວພັນສາກົນຢ່າງປະສົບຜົນສຳເລັດ ໂດຍສະເພາະກັບ ສາທາລະນະລັດ ເບລາຣຸດຊີ. ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ລະຫວ່າງ ປະເທດຂອງພວກເຮົາ ເປັນພື້ນຖານທີ່ໜັກແໜ້ນສຳລັບການຮ່ວມມືສອງຝ່າຍໃຫ້ມີໝາກຜົນໃນຫຼາຍຂົງເຂດ.
ຂ້າພະເຈົ້າ ຫວັງຢ່າງຍິ່ງວ່າຈະໄດ້ພົບປະກັບ ພະນະທ່ານ ອີກຄັ້ງ ເພື່ອປຶກສາຫາລືບັນຫາບຸລິມະສິດຂອງ ເບລາຣຸດຊີ-ລາວ, ບັນຫາພາກພື້ນ ແລະ ສາກົນ.
ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດອັນໃຫຍ່ຫຼວງໃນໜ້າທີ່ອັນມີກຽດສູງສົ່ງ ຂອງ ພະນະທ່ານ ແລະ ປະຊາຊົນລາວ ຈົ່ງມີແຕ່ສັນຕິສຸກ ແລະ ຄວາມສົມບູນພູນສຸກ.
ຄໍາເຫັນ