ສິ່ງດັ່ງກ່າວ ສະແດງໃຫ້ເຫັນເຖິງ ຄວາມເຊື່ອໝັ້ນ ແລະ ຕີລາຄາສູງຂອງພັກ, ລັດ ແລະ ປະຊາຊົນຫວຽດນາມ ທີ່ເຫັນໄດ້ຜົນສໍາເລັດ ແລະ ການທຸ້ມເທເສຍສະຫຼະຂອງສະຫາຍ ໃນໄລຍະຜ່ານມາ. ຂ້າພະເຈົ້າ ຂໍສົ່ງຄໍາອວຍພອນໄຊອັນປະເສີດ ແລະ ອົບອຸ່ນທີ່ສຸດມາຍັງສະຫາຍ ມານະໂອກາດນີ້.
ຂ້າພະເຈົ້າ ເຊື່ອໝັ້ນວ່າ ດ້ວຍຄວາມຮູ້ຄວາມສາມາດ ແລະ ປະສົບການອັນກວ້າງ ຂວາງຂອງສະຫາຍ, ສະຫາຍຈະສືບຕໍ່ປະກອບສ່ວນຢ່າງສໍາຄັນເຂົ້າໃນ ພາລະກິດການສ້າງປະເທດ ຫວຽດນາມ ໃຫ້ນັບມື້ນັບມີຄວາມເຂັ້ມແຂງ, ຮັ່ງມີ ແລະ ຈະເລີນຮຸ່ງເຮືອງ, ຍົກສູງຖານະບົດບາດ ຂອງ ສສ ຫວຽດນາມ ໃນເວທີພາກພື້ນ ແລະ ສາກົນ ໃຫ້ນັບມື້ນັບສູງສົ່ງຂຶ້ນໄປເລື້ອຍໆ.
ຂ້າພະເຈົ້າ ມີີຄວາມຍິນດີທີ່ຈະຮ່ວມເຮັດວຽກກັບສະຫາຍຢ່າງໃກ້ຊິດ ເພື່ອປະກອບສ່ວນເຂົ້າໃນ ການຊຸກຍູ້ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ຫຸ້ນສ່ວນຍຸດທະສາດລະຫວ່າງສອງຊາດພວກເຮົາ ໃຫ້ນັບມື້ນັບຂະຫຍາຍຕົວຢ່າງບໍ່ຢຸດຢັ້ງ.
ຂໍອວຍພອນໄຊອັນປະເສີດ ມາຍັງສະຫາຍ ຈົ່ງມີພະລະນາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດໃນພາລະກິດອັນມີກຽດ ແລະ ສູງສົ່ງຂອງສະຫາຍ.
ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ຫຸ້ນສ່ວນຍຸດທະສາດລະຫວ່າງ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນ ຕະຫຼອດກາລະນານ.
ດ້ວຍຄວາມນັບຖື ແລະ ຮັກແພງ.
ຄໍາເຫັນ