ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 25.2%, ໝວດຮັກສາສຸຂະພາບ ແລະ ຢາ ເພີ່ມຂຶ້ນ 20.5%, ໝວດເຄື່ອງໃຊ້ໃນເຮືອນ ເພີ່ມຂຶ້ນ 18.2%, ໝວດການສຶກສາ ເພີ່ມຂຶ້ນ 16.5%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 15.5%, ໝວດເຫຼົ້າ ແລະ ຢາສູບ ເພີ່ມຂຶ້ນ 14%.
ພ້ອມກັນນັ້ນ, ເມື່ອສັງເກດການປ່ຽນແປງຂອງລາຄາ ເດືອນເມສາ 2025 ທຽບກັບ ເດືອນມີນາ 2025 ເຫັນວ່າລາຄາສິນຄ້າ ແລະ ບໍລິການ ມີທ່າອ່ຽງເພີ່ມຂຶ້ນ ຢູ່ໃນລະດັບ 1.6% . ໃນນັ້ນ, ໝວດສິນຄ້າທີ່ເໜັງຕີງ ເພີ່ມຂຶ້ນສູງກວ່າໝູ່ແມ່ນໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 2.3% ພົ້ນເດັ່ນແມ່ນລາຄາຜັກສົດ ເພີ່ມຂຶ້ນ 7.5%, ຊີ້ນໝູເພີ່ມຂຶ້ນ 5.3%, ເຂົ້າສານ ເພີ່ມຂຶ້ນ 1.2%, ໝວດຮັກສາສຸຂະພາບ ແລະ ຢາ ເພີ່ມຂຶ້ນ 1.6% ພົ້ນເດັ່ນ ແມ່ນການບໍລິການຈາກໂຮງໝໍ ຫຼື ຄຣິນິກ ເພີ່ມຂຶ້ນ 5.1%, ຢາ ເພີ່ມຂຶ້ນ 1.3%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 1.6% ພົ້ນເດັ່ນ ແມ່ນລາຄາ ເຄື່ອງເດັກນ້ອຍ ເພີ່ມຂຶ້ນ 2.4%, ເຄື່ອງນຸ່ງຍິງ ເພີ່ມຂຶ້ນ 2.3%.
ສາເຫດຂອງການການເພີ່ມຂຶ້ນຂອງລາຄາສິນຄ້າໃນ ເດືອນເມສາ 2025 ຕົ້ນຕໍແມ່ນມາຈາກຄວາມຕ້ອງການໃນໄລຍະເທດສະການປີໃໝ່ລາວທີ່ມີຄວາມຕ້ອງການຫຼາຍຂຶ້ນ ສົ່ງຜົນເຮັດໃຫ້ສິນຄ້າບາງປະເພດປັບລາຄາເພີ່ມຂຶ້ນ. ພ້ອມກັນນັ້ນ, ກໍແມ່ນການເພີ່ມຂຶ້ນຂອງລາຄານໍ້າມັນເຊື້ອໄຟທີ່ໄດ້ປັບຂຶ້ນໃນຕົ້ນເດືອນເມສາ.
(ຂ່າວ: ສຸກສະຫວັນ)
ຄໍາເຫັນ