ພິທີມອບ-ຮັບກະດານດໍານ້ອຍຈໍານວນ 6.952 ແຜ່ນ

ໂຮງຮຽນປະຖົມສຶກສາທົ່ວແຂວງຄໍາມ່ວນ ໄດ້ຮັບກະດານດໍານ້ອຍ 6.952 ແຜ່ນ ສົກປີ 2024-2025

10:16 09/09/2024

ພິທີມອບ-ຮັບກະດານດໍານ້ອຍຈໍານວນ 6.952 ແຜ່ນໃຫ້ຊັ້ນປະຖົມສຶກສາ ຂັ້ນ ປ1 ແລະ ປ2 ປະຈໍາສົກຮຽນ 2024- 2025 ທົ່ວແຂວງຄໍາມ່ວນ ໄດ້ຈັດຂຶ້ນໃນທ້າຍອາທິດຜ່ານມາ ຢູ່ທີ່ພະແນກສຶກສາທິການ ແລະ ກິລາແຂວງຄໍາມ່ວນ ໂດຍພາຍໃຕ້ການເປັນປະທານຂອງທ່ານ ແກ້ວອຸດອນ ບຸດສິງຂອນ

ຮອງເຈົ້າແຂວງ ຜູ້ຊີ້ນໍາຂົງເຂດວັດທະນະທໍາ-ສັງຄົມ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ນັນຕະໄຊ ອິນທະສອນ ຫົວໜ້າພະແນກສຶກສາທິການ ແລະ ກິລາແຂວງໄດ້ກ່າວລາຍງານການນໍາໃຊ້ກະດານດໍານ້ອຍ ຊັ້ນປະຖົມສຶກສາ ຂັ້ນ ປ1 ແລະ ປ2 ປະຈໍາສົກຮຽນ 2023-2024 ຜ່ານມາ ແລະ ທິດທາງແຜນການຈັດຕັ້ງປະຕິບັດວຽກງານກະດານດໍານ້ອຍ ປະຈໍາສົກຮຽນ 2024 – 2025 ວ່າ: ຕົ້ນສົກຮຽນ 2023 – 2024 ແຂວງຄໍາມ່ວນປະກອບມີ ໂຮງຮຽນປະຖົມທັງໝົດ 640 ແຫ່ງ (ໂຮງຮຽນປະຖົມສົມບູນ 486 ແຫ່ງ, ໂຮງຮຽນມູນລະປະຖົມ 154 ແຫ່ງ), ມີຈໍານວນຫ້ອງຮຽນທັງໝົດ 2.789 ຫ້ອງ , ມີຈໍານວນນັກຮຽນທັງໝົດ ຕົ້ນປີ 42.695 ຄົນ ຍິງ 20.881 ຄົນ (ນັກຮຽນພາກເອກະຊົນ 2.001 ຄົນ ຍິງ 941 ຄົນ), ມີຄູລັດທັງໝົດ 1.725 ຄົນ ຍິງ 953 ຄົນ, ຄູສອນຊ່ວຍ 64 ຄົນ ຍິງ 48 ຄົນ, ຄູບໍ່ໄດ້ສອນ (ຄູບໍລິຫານ) 15 ຄົນ ຍິງ 9 ຄົນ .

ສໍາລັບສົກຮຽນ 2024-2025 ແມ່ນໄດ້ເຮັດໜັງສືສະເໜີຫາທ່ານເຈົ້າແຂວງເພື່ອຂໍງົບປະມານເກີນແຜນຂອງແຂວງຈັດຊື້ກະດານນ້ອຍໃຫ້ນັກຮຽນປະຖົມສຶກສາ ຂັ້ນ ປ1 ແລະ ປ2 ພາຍໃນແຂວງຄໍາມ່ວນ ສົກຮຽນ 2024-2025 ພ້ອມທັງສ້າງແຜນຄວາມຕ້ອງຈໍານວນທັງໝົດ 6.952 ແຜນ ລວມມູນຄ່າ 229 ລ້ານກວ່າກີບໂດຍແມ່ນຂະແໜງສາມັນສຶກສາທີ່່ຂຶ້ນກັບພະແນກສຶກສາທິການ ແລະ ກິລາແຂວງຄໍາມ່ວນໄດ້ຈັດຊື້ມາຈາກ ສ.ສ ຫວຽດນາມ ຕາມຈໍານວນແຜນຄວາມຕ້ອງການທີ່ໄດ້ຮັບອະນຸມັດເພື່ອນໍາໃຊ້ເຂົ້າໃນການຮຽນ - ການສອນ ໃນຊັ້ນປະຖົມສຶກສາ ຂັ້ນ ປ1 ເປົ້າໝາຍໃນ 10 ເມືອງ ຊຶ່ງເປັນຈຸດໝາຍເບື້ອງຕົ້ນ ແລະ ເປັນພື້ນຖານໃຫ້ແກ່ເດັກໄດ້ມີການຮຽນຮູ້, ການປະຕິບົດຕົວຈິງ, ມີຄວາມສົນໃຈ ຄຽງຄູ່ກັບການເອົາໃຈໃສ່ຂອງຄູ, ມີການເບິ່ງແຍງດູແລເດັກຢ່າງເຂັ້ມງວດເພື່ອປັບປຸງດ້ານຄຸນນະພາບການຮຽນ - ການສອນໃຫ້ສາມາດອ່ານອອກຂຽນໄດ້ ເຮັດໃຫ້ຂະບວນການຮຽນ-ການສອນດີຂຶ້ນເປັນກ້າວໆ.

ທ່ານ ຮອງເຈົ້າແຂວງ ໄດ້ມີຄໍາເຫັນຊີ້ນໍາໂດຍຍົກໃຫ້ເຫັນຄວາມສໍາຄັນ ແລະ ຈໍາເປັນຂອງການນໍາໃຊ້ກະດານດໍານ້ອຍເພື່ອປັບປຸງຄຸນນະພາບຂອງການຮຽນ-ການສອນຊັ້ນປະຖົມສຶກສາ ແລະ ຊຸກຍູ້ສົ່ງເສີມໃຫ້ນັກຮຽນຊັ້ນປະຖົມສຶກສາ ຂັ້ນ ປ1 ແລະ ປ2 ສາມາດອ່ານອອກຂຽນໄດ້ ແລະ ຄິດໄລ່ເປັນ. ໂດຍໄດ້ມອບໃຫ້ຂະແໜງສາມັນສຶກສາ, ຂະແໜງພັດທະນາຄູສົມທົບກັບຫ້ອງການສຶກສາທິການ ແລະ ກິລາເມືອງເປັນເຈົ້າການ ໃນການຕິດຕາມປະເມີນ ແລະ ນໍາໃຊ້ໃຫ້ຖືກວັດຖຸປະສົງ, ມອບໃຫ້ຜູ້ອໍານວຍການໂຮງຮຽນ, ຄູປະຈໍາຫ້ອງເປັນເຈົ້າການໃນການນໍາໃຊ້ ແລະ ປົກປັກຮັກສາໃຫ້ໄດ້ປະໂຫຍດດົນນານທີ່ສຸດ. ພ້ອມດຽວກັນນັ້ນຍັງໄດ້ມອບຄອມພິວເຕີ້ນຸດບຸກຈໍານວນ 10 ໜ່ວຍ ທີ່ໄດ້ຮັບການຊ່ວຍເຫຼືອຈາກອົງການຢູນິເຊັບ ມອບໃຫ້ຫ້ອງການສຶກສາທິການ ແລະ ກິລາໃນ 10 ເມືອງ, ເມືອງລະ 1 ເຄື່ອງ. ເພື່ອນໍາໃຊ້ເຂົ້າໃນການເກັບກໍາຂໍ້ນສະຖິຕິ-ແຜນການ, ໃຫ້ມີຄວາມວ່ອງໄວ, ຖືກຕ້ອງ ແລະ ຊັດເຈນ.

(ຂ່າວ-ພາບ : ແດງສະຫວັດ ແສນພານິດ).

ຄໍາເຫັນ

ຂ່າວສືກສາ-ກິລາ

ພິທີ ມອບ-ຮັບໂຮງຮຽນມັດທະຍົມຕອນຕົ້ນ ບ້ານຮ່ອງຄູ

28/11/2025 10:40

ໃນວັນທີ 27 ພະຈິກ 2025ນີ້ ທີ່ໂຮງຮຽນມັດທະຍົມສຶກສາຕອນຕົ້ນບ້ານຮ່ອງຄູ ເມືອງ ຊຽງຮ່ອນ ແຂວງ ໄຊຍະບູລີ ໄດ້ຈັດພິທີມອບ-ຮັບ ອາຄານຮຽນໂຮງຮຽນມໍຕົ້ນບ້ານຮ່ອງຄູ ແລະ ຫໍພັກນັກຮຽນໂຮງຮຽນ ມສ ປາກເປັດຂຶ້ນ ໂດຍການເຂົ້າຮ່ວມຂອງທ່ານ ປ້າ ນາລີ ສີສຸລິດ ຄອບຄົວຂອງທ່ານ ທອງລຸນ ສີສຸລິດ ປະທານປະເທດ, ມີທ່ານ ດວງຕາ ໄຊວຸດ ຮອງເລຂາຄະນະບໍລິຫານງານພັກແຂວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ປິດຊຸດຝຶກອົບຮົມບໍາລູງທິດສະດີ-ແນວທາງຂອງພັກຊຸດທີ I

28/11/2025 10:24

ໃນຕອນບ່າຍຂອງວັນທີ 27ພະຈິກ2025, ສະຖາບັນການຕ່າງປະເທດ,ກະຊວງການຕ່າງປະເທດ, ຮ່ວມກັບກົມອົບຮົມ, ຄະນະໂຄສະນາອົບຮົມສູນກາງພັກ ໄດ້ຈັດພິທີປິດຊຸດຝຶກອົບຮົມ ບໍາລຸງທິດສະດີ-ແນວທາງຂອງພັກຊຸດທີ I ໃຫ້ ພະນັກງານກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ທີ່ສະຖາບັນການຕ່າງປະເທດພາຍຫຼັງທີ່ໄດ້ດຳເນີນມາແຕ່ວັນທີ 18ພະຈິກ2025,ໃຫ້ກຽດເປັນປະທານຮ່ວມໃນພິທີປິດໃນຄັ້ງນີ້ ໂດຍ ທ່ານໄມທອງ ທໍາມະວົງສາ,ຄະນະປະຈໍາພັກກະຊວງ, ຮອງລັດຖະມົນຕີກະຊວງການຕ່າງປະເທດແລະທ່ານ ສາຄອນ ພົມມະລາດ,ກໍາມະການຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ. ພ້ອມນີ້ ຍັງມີບັນດາຫົວໜ້າກົມ, ຄະນະກົມ, ພ້ອມດ້ວຍຄູອາຈານ, ວິທະຍາກອນ, ຜູ້ເຂົ້າຮ່ວມຊຸດຝຶກອົບຮົມທັງໝົດ ຂອງກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກເຂົ້າຮ່ວມຈໍານວນ60ທ່ານ.

ປິດຊຸດຝຶກອົບຮົມບໍາລູງທິດສະດີ-ແນວທາງຂອງພັກຊຸດທີ I

28/11/2025 10:23

ໄຊຍະບູລີເຜີຍແຜ່ແລະປູກຈິດສໍານຶກວຽກງານຂຽວສະອາດງາມຕາຢູ່ມສແກ່ນທ້າວ.

27/11/2025 13:57

ໃນວັນທີ 26 ພະຈິກນີ້ຢູ່ທີ່ໂຮງຮຽນມັດທະຍົມສົມບູນແກ່ນທ້າວ ເມືອງແກ່ນທ້າວ ແຂວງໄຊຍະບູລີ ໄດ້ຈັດກອງປະຊຸມ ໂຄສະນາເຜີຍແຜ່ ແລະ ປູກຈິດສໍານຶກ ວຽກງານຂຽວສະອາດງາມຕາ ການປົກປັກຮັກສາສິ່ງແວດລ້ອມ ແລະ ການຄຸ້ມຄອງສິ່ງເສດເຫຼືອຂຶ້ນ, ໂດຍການເປັນກຽດເຂົ້າຮ່ວມຂອງທ່ານ ພູນສະຫວັນ ແຈ້ງສະຫວ່າງ ຫົວໜ້າຂະແໜງສິ່ງແວດລ້ອມ ພະແນກກະສິກໍາ ແລະ ສິ່ງແວດລ້ອມແຂວງ, ທ່ານ ສຸລິຍາສັກ ລັດຖະຫວັນ ຫົວໜ້າຫ້ອງການສຶກສາທິການ ແລະ ກິລາເມືອງ.

50 ປີ ສປປ ລາວ ໄດ້ຮັບການພັດທະນາຢ່າງຕໍ່ເນື່ອງ

27/11/2025 11:47

ເນື່ອງໃນໂອກາດຄົບຮອບ 50 ປີ ແຫ່ງການສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ(ສປປ ລາວ) ແລະ ວັນເກີດປະທານໄກສອນພົມວິຫານ ຄົບຮອບ 105 ປີ ທີ່ຈະມາເຖິງນີ້ . ທ່ານ ວິລະພັນ ຊາພູວົງ ເລຂາໜ່ວຍພັກ ຮາກຖານ ຜູ້ອໍານວຍການວິທະຍາໄລ ສິລະປະແຫ່ງຊາດ (ວສຊ) ກະຊວງວັດທະນະທໍາ ແລະ ການທ່ອງທ່ຽວ (ວທ)ໄດ້ ໃຫ້ສໍາພາດ ຕໍ່ນັກຂ່າວໜັງສື ພິມປະຊາຊົນ ໂດຍທ່ານໄດ້ໃຫ້ທັດສະນະວ່າ: ວັນຊາດ 2 ທັນວາ ເປັນວັນ ທີ່ມີຄວາມໝາຍສຳຄັນຢ່າງຫຼວງຫຼາຍ ຕໍ່ປະເທດຊາດຂອງພວກເຮົາ ເປັນ ວັນທີ່ປະ ຊາຊົນ ລາວ ທັງຊາດຫວນຄືນ ແລະ ລະລຶກເຖິງມູນເຊື້ອນໍ້າໃຈການຕໍ່ສູ້ເດັດດ່ຽວບໍ່ຍອມຈໍານົນ ຢ່າງພິລະ ອາດຫານຂອງບັນພະບູລຸດລາວຜູ້ອົງອາດ ແລະ ປະຊາຊົນລາວບັນດາເຜົ່າ, ເປັນການຫວນຄືນ ໄຊຊະນະອັນຍິ່ງໃຫຍ່ຂອງການ ປະຕິວັດລາວ ໂດຍພາຍໃຕ້ການນໍາພາອັນສະຫຼາດ ສ່ອງໃສ ຂອງພັກ ປະຊາຊົນປະຕິວັດລາວ ຈົນສາມາດປົດປ່ອຍປະເທດຊາດ ໄດ້ຢ່າງສົມບູນ ແລະ ສະຖາປະນາ ສປປ ລາວຂຶ້ນ ຢ່າງສະຫງ່າຜ່າເຜີຍ ໃນວັນທີ 2 ທັນວາ 1975.

ການນໍາ ເມືອງເງິນ ລົງມອບເຄື່ອງຊ່ວຍເຫຼືອໃຫ້ບັນດາໂຮງຮຽນ ແຫ່ງຕ່າງໆ

27/11/2025 09:34

ວັນທີ 25 ພະຈິກຜ່ານມານີ້ ຢູ່ທີ່ໂຮງຮຽນມັດທະຍົມສົມບູນບ້ານທອງ ເມືອງເງິນ ແຂວງໄຊຍະບູລີ, ທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງເງິນ ພ້ອມດ້ວຍ ພາກສ່ວນທີກ້ຽວຂ້ອງພາຍໃນເມືອງ ໄດ້ລົງມອບເຄື່ອງຊ່ວຍເຫຼືອໃຫ້ໂຮງຮຽນອານຸບານ, ປະຖົມ, ມັດທະຍົມ ແຫ່ງຕ່າງໆພາຍໃນເມືອງ.

ມອບ-ຮັບອາຄານຮຽນມັດທະຍົມຕອນຕົ້ນລາດບວກແລະດອນຄຳ

26/11/2025 14:12

ໃນວັນທີ 22 ພະຈິກຜ່ານມານີ້, ທີ່ໂຮງຮຽນມັດທະຍົມຕອນຕົ້ນລາດບວກ ເມືອງແປກ ແຂວງຊຽງຂວາງ ໄດ້ມີພິທີມອບ-ຮັບອາຄານຮຽນມັດທະຍົມຕອນຕົ້ນລາດບວກ, ອາຄານຮຽນອະນຸບານບ້ານດອນຄຳ ໂດຍການໃຫ້ທຶນກໍ່ສ້າງຈາກ ປ້າ ບົວໄຫຼ ຈິດມະນີ ພັນລະຍາ ຂອງ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຮອງປະທານປະເທດແຫ່ງ ສປປ ລາວ ແລະ ບັນດາຄອບຄົວການນຳ, ຄອບຄົວນັກທຸລະກິດ ແລະ ຍາດມິດ ໃຫ້ທຶນກໍ່ສ້າງອາຄານຮຽນ

ສອບເສັງລະດັບຊາດສໍາລັບພະຍາບານ ແລະ ຜະດຸງຄັນ ຄັ້ງທີ 6

26/11/2025 13:23

ໃນລະຫວ່າງວັນທີ 22-23 ພະຈິກຜ່ານມານີ້, ສະພາຄຸ້ມຄອງວິຊາຊີບສາທາລະນະສຸກ, ຄະນະກໍາມະການວິຊາຊີບ ພະຍາບານ-ຜະດຸງຄັນ ສົມທົບກັບ 9 ສູນສອບເສັງ ໃນບັນດາແຂວງ ທີ່ມີສະຖານການສຶກສາ ສາທາລະນະສຸກ ໃນທົ່ວປະເທດ ໄດ້ຈັດການສອບເສັງລະດັບຊາດ ສໍາລັບຜູ້ສໍາເລັດການສຶກສາພະຍາບານ ແລະ ຜະດຸງຄັນ ເປັນຄັ້ງທີ 6 ຂຶ້ນ ຢ່າງເປັນທາງການ.

ມອບຫຼຽນ ກິລາກ໊ອຟ ນະຄອນຫຼວງວຽງຈັນ ເກມ 2025

25/11/2025 11:39

ພິທີມອບຫຼຽນ ການແຂ່ງຂັນກິລາກ໊ອບ ໃນງານມະຫະກຳກິລາແຫ່ງຊາດ ຄັ້ງທີ12 ຫຼື ນະຄອນຫຼວງວຽງຈັນ ເກມ 2025 ໄດ້ຈັດຂຶ້ນໃນວັນທີ 24 ພະຈິກນີ້ ທີ່ສະໜາມກິລາກັອບລາວຄັນທຣີ ຄຣັບ ເມືອງຫາດຊາຍຟອງ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມ ແລະ ຜັດປ່ຽນກັນມອບຫຼຽນລາງວັນ ຂອງ ທ່ານ ສຳລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ພົນຈັດຕະວາ ທອງສະ ໄໝ ສຸກປະເສີດ ຫົວໜ້າກົມສູ້ຮົບ ກົມໃຫຍ່ເສນາທິການ,ຮອງຫົວໜ້າຄະນະກຳມະການປ້ອງກັນຊາດ-ປ້ອງັນຄວາມສະຫງົບ,ທ່ານ ກອງສີ ແສງມະນີ ປະທານສະຫະພັນກ໊ອບ ແຫ່ງຊາດລາວ, ທ່ານ ບຸນຍະວັດ ນີຣະໄຊ ປະທານສະຫະພັນກ໊ອບ ນະຄອນຫຼວງວຽງຈັນ, ທ່ານ ສົມລີ ຫຼວງະຈັນ ຮອງຫົວໜ້າພະແນກ ສຶກສາທິການ ແລະ ກິລາ ນະຄອນຫຼວງວຽງຈັນ.

ຄຳມ່ວນຄອງແຊັມເຕະບານຊາຍງານມະຫະກຳກິລາແຫ່ງຊາດຄັ້ງທີ XII

25/11/2025 10:15

ການແຂ່ງຂັນບານເຕະຊາຍນັດຊີງຫຼຽນຄໍາລະຫວ່າງທີມເຈົ້າພາບ ນະຄອນຫຼວງວຽງຈັນ ພົບກັບ ແຂວງຄຳມ່ວນໃນງານມະຫະກຳກິລາແຫ່ງຊາດຄັ້ງທີ XII ທີ່ນະຄອນຫຼວງວຽງຈັນເປັນເຈົ້າພາບ ຈັດຂຶ້ນວັນທີ 24 ພະຈິກນີ້ ທີ່ສະໜາມກິລາແຫ່ງຊາດ (ຫຼັກ16), ໂດຍມີທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ ,ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ມີບັນດາການນຳຂັ້ນສູນກາງ, ການນໍາຂັ້ນແຂວງ, ຄະນະນໍາ, ຄູຝຶກ, ນັກກິລາ ພ້ອມດ້ວຍມວນຊົນເຂົ້າຮ່ວມ ຊົມເຊຍຢ່າງຫຼວງຫຼາຍ.

ເພີ່ມເຕີມ