ຫ້ອງການເມືອງທະຫານແຂວງບໍ່ແກ້ວ ສໍາເລັດບັ້ນດຳເນີນຊິວິດການເມືອງ ປະຈໍາປີ 2023.

ຄະນະພັກຮາກຖານຫ້ອງການເມືອງກອງບັນຊາການທະຫານແຂວງບໍ່ແກ້ວ ໄດ້ເປິດກອງປະຊຸມບັ້ນດຳເນີນຊີວິດການເມືອງປີ 2023 ແລະ ທິດທາງແຜນການປີ 2024. ໄດ້ປິດລົງດ້ວຍຜົນສໍາເລັດໃນວັນທີ່ 7 ກຸມພາ ນີ້, ຢູ່ຫ້ອງປະຊຸມກອງບັນຊາການທະຫານແຂວງ ໂດຍການເປັນປະທານຂອງສະຫາຍ ພັນເອກ ທອງໄຂ ສີຍາລາດ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ, ສະຫາຍ ພັນເອກ ຄຳສອນ ໄຊຍະວົງ ຄະນະປະຈຳພັກກອງບັນຊາການ ເລຂາຄະນະພັກຮາກຖານ ຫົວໜ້າຫ້ອງການເມືອງ ກອງບັນຊາການທະຫານແຂວງ, ມີພະແນກການທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ສະຫາຍ ພັນໂທ ເຄນ ແກ້ວດາລາ ຄະນະບໍລິຫານງານພັກກອງບັນຊາການ ຮອງເລຂາຄະນະພັກຮາກຖານ ຮອງຫົວໜ້າຫ້ອງການເມືອງກອງບັນຊາການທະຫານແຂວງ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານນຳພາຮອບດ້ານ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ໄລຍະ 1 ປີ ຜ່ານມາ. ພ້ອມທັງຜ່ານທິດທາງແຜນການ ແລະ ຄາດໝາຍສູ້ຊົນໃນແຕ່ລະດ້ານ ປະຈໍາປີ 2024. ຈາກນັ້ນ ບັນດາຜູ້ເຂົ້າຮ່ວມກອງປະຊຸມກໍໄດ້ປະກອບຄໍາເຫັນໃສ່ຮ່າງບົດສະຫຼຸບໃຫ້ອຸດົມສົມບູນ ແລະ ຄົບຖ້ວນ ທາງດ້ານເນື້ອໃນ ໃຫ້ເປັນເອກະພາບກັນໃນການສືບຕໍ່ຈັດຕັ້ງປະຕິບັດແຜນການດັ່ງດ່າວໃນຕໍ່ໜ້າໃຫ້ບັນລຸຜົນສໍາເລັດເທື່ອລະກ້າວ.
ໂອກາດນີ້, ສະຫາຍ ພັນເອກ ທອງໄຂ ສີຍາລາດ  ໄດ້ເນັ້ນໜັກໃຫ້ຄະນະພັກຮາກຖານ ຕະຫຼອດຮອດພະນັກງານສຳມະຊິກພັກທຸກສະຫາຍ ຈົ່ງພ້ອມກັນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ເອົາໃຈໃສ່ເປັນເຈົ້າການສຶກສາອົບຮົມການເມືອງ - ແນວຄິດໃຫ້ພະນັກງານສໍາມາຊິກພັກ - ນັກຮົບ ແຕ່ລະຄົນໃຫ້ໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັັ້ງ, ດ້ານວິຊາສະເພາະ ແລະ ມີຄຸນສົມບັດສິນທຳປະຕິວັດ, ເອົາໃຈໃສ່ປັບປຸງຂະຫຍາຍພັກໃຫ້ມີຄຸນນະພາບ, ປະຕິບັດລະບອບສ່ອງແສງລາຍງາຍໃຫ້ຖືກຕ້ອງ, ຊັດເຈນໃຫ້ທັນເວລາ, ປະຕິບັດຕາມມະຕິຄຳສັ່ງຂອງພັກ, ເພີ່ມທະວີຄວາມສາມັກຄີເປັນເອກກະພາບພາຍໃນໃຫ້ໜັກແໜ້ນ, ປະຕິບັດຫຼັກການ ລວມສູນປະຊາທິປະໄຕ ເຮັດວຽກເປັນໝູ່ຄະນະ, ແບ່ງງານໃຫ້ບຸກຄົນຮັບຜິດຊອບຢ່າງຈະແຈ້ງ, ມີແບບແຜນວິທີເຮັດວຽກທີທັນສະໄໝ, ຖືເອົາການດຳເນີນຊີວິດການເມືອງເປັນການປັບປຸງປົວແປງພັກໃນການຕຳນິກໍ່ສ້າງເຊິ່ງກັນ ແລະ ກັນ, ເຮັດໃຫ້ພະນັກງານ - ນັກຮົບມີຄວາມເຂັ້ມແຂງ.
(ໂດຍ: ວໍລະສິດ ພິດສະຫາຍ)