ທີ່ຈັດຂຶ້ນໃນລະຫວ່າງວັນທີ 24-25 ເມສາ ຜ່ານມາ ຢູ່ປະເທດສິງກະໂປ
ສຳລັບຜົນງານຄັ້ງນີ້ ສະເພາະ ລາຍການແລ່ນ 5,000 ແມັດຍິງ ຊຶ່ງເປັນຫຼຽນຄຳ ທີ 2 ແລ້ວ ຂອງນາງ ລົດແກ້ວ ອິນທະກຸມມານ ຫຼັງຈາກຫຼຽນຄຳ ທຳອິດ ແມ່ນໄດ້ໃນລາຍການດັ່ງກ່າວ ເມື່ອປີ 2023. ພ້ອມກັນນັ້ນ, ນາງ ລົດແກ້ວ ອິນທະກຸມມານ ກໍຍັງ ສືບຕໍ່ສ້າງຜົນງານດີເດັ່ນຕໍ່ເນື່ອງ ຍາດໄດ້ຫຼຽນຄຳທີ 2 ຈາກລາຍການແລ່ນ 10,000 ແມັດຍິງ ຊຶ່ງເປັນລາຍການສຸດທ້າຍ ໃນງານດັ່ງກ່າວ.
ຜົນງານ 2 ຫຼຽນຄໍາ ຂອງ ນາງ ລົດແກ້ວ ອິນທະກຸມມານ ທີ່ໄດ້ຈາກລາຍການແລ່ນ 5,000 ແມັດຍິງ ສາມາດເຮັດສະຖິຕິໄດ້ 18 ນາທີກວ່າ, ສ່ວນ ລາຍການ ແລ່ນ 10,000 ແມັດຍິງ ເຮັດສະຖິຕິໄດ້ 38 ນາທີກວ່າ. ຫຼຽນເງິນ ທ້າວ ລຳພອນ ແລ່ນ 3,000 ວິບາກ ເຮັດສະຖິຕິໄດ້ 9 ນາທີ ກັບ 58 ວິນາທີ.
ການແຂ່ງຂັນໃນຄັ້ງນີ້ ມີນັກກິລາຫຼາຍໂດຍສະເພາະໃນຂົງເຂດອາຊຽນ ສົ່ງເຂົ້າຮ່ວມແຂ່ງຂັນ ສຳລັບ ແລ່ນ-ລານ ຕາງໜ້າສປປ ລາວ ມີທັງໝົດ 6 ຄົນ ນໍາໂດຍ ທ່ານ ສິດທິໄຊ ສັກປະເສີດ ຮອງປະທານ-ເລຂາທິການສະຫະພັນແລ່ນ-ລານແຫ່ງຊາດລາວ ທັງເປັນຫົວໜ້າຄະນະ, ທ່ານ ຈະເລີນສຸກ ອ່າວອຸດົມຜົນ ຫົວໜ້າຄູຝຶກ, ສ່ວນນັກກິລາ ກໍມີ ນາງ ລົດແກ້ວ ອິນທະກຸມມານ, ນາງ ເຈນຈີລາ ຂຸນລິວົງ, ທ້າວ ສໍສີ ພົມພັກດິ ແລະ ທ້າວ ລຳພອນ ໄຊຍະທີ.
(ຂ່າວ: ສົງການ ພັນແພງດີ)
ຄໍາເຫັນ