ເລີ້ມແລ່ນອອກຈາກໜ້າຫໍພິພິທະພັນແຫ່ງຊາດແຂວງຫຼວງພະບາງ ໄປຕາມເສັ້ນທາງສາຍກາງເມືອງ, ມີນັກກິລາແລ່ນຈາກທັງພາຍໃນ ແລະ ຕ່າງປະເທດເຂົ້າຮ່ວມຫຼາຍພັນຄົນ. ໃຫ້ກຽດເປີດງານແລ່ນ ມີທ່ານ ນາງ ສີລິພອນ ສຸພັນທອງ ຮອງເຈົ້າແຂວງຫຼວງພະບາງ, ທ່ານ ກີ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ ພ້ອມດ້ວຍແຂກຮັບເຊີນ.
ການຈັດງານ luangprabang viettel Marathon 2024 3 ຊາດອິນດູຈີນມີ: ລາວ, ຫວຽດນາມ ແລະ ກຳປູເຈຍ ໂດຍແມ່ນກະຊວງສຶກສາທິການ ແລະ ກິລາ, ສະຫະພັນກິລາແລ່ນ-ລານແຫ່ງຊາດລາວ ແລະ ບໍລິສັດຫວຽດເທວ ຮ່ວມກັນເປັນເຈົ້າພາບຈັດດັ່ງກ່າວຂຶ້ນທີ່ແຂວງຫຼວງພະບາງ ຊຶ່ງເປັນລາຍການທໍາອິດ ໃນອາຊີຕາເວັນອອກສ່ຽງໃຕ້ ທີ່ມີລັກສະນະເປັນສາກົນ, ເປັນການປຸກລະດົມໃຫ້ທຸກຄົນໃນສັງຄົມ ພ້ອມກັນຫັນມາຫຼີ້ນກິລາເພື່ອສຸຂະພາບ, ທັງເປັນການຈັດກິດຈະກຳດືງດູດເອົານັກທ່ອງທ່ຽວ ເຂົ້າມາທ່ຽວຫຼວງພະບາງໃຫ້ຫຼາຍຂຶ້ນ ເພາະປີ 2024 ນີ້, ລັດຖະບານລາວ ໄດ້ກໍານົດໃຫ້ເປັນປີທ່ອງທ່ຽວລາວ ໂດຍມີການຈັດກິດຈະກຳຫຼາຍຢ່າງ ນັບທັງສູນກາງ ແລະ ທ້ອງຖີ່ນ ເພື່ອສ້າງສີ່ງດືງດູດຄວາມສົນໃຈໃຫ້ນັກທ່ອງທ່ຽວ ທຸກມູມໂລກ ເຂົ້າມາທ່ອງທ່ຽວຫຼວງພະບາງ ບັນລຸຕາມຕົວເລກຄາດໝາຍຄື 2 ລ້ານຄົນ. ສຳລັບນັກກິລາ ທີ່ແລ່ນເຂົ້າເສັ້ນໄຊອັນດັບທີ່ດີ ແມ່ນໄດ້ຮັບຫຼຽນທີ່ລະນຶກ, ສ່ວນນັກກິລາແລ່ນໄລຍະທາງ 42 ກິໂລແມັດທັງຊາຍ ແລະ ຍິ ແມ່ນໄດ້ຮັບເງີນລາງວັນນັບແຕ່ອັນດັບທີ່ 1 ຫາ ທີ່ 3 ທັງຈະໄດ້ເຂົ້າຮ່ວມງານ viettel Marathon 2024 ທີ່ຈະຈັດຂຶ້ນທີ່ນະຄອນຫຼວງຮ່າໂນ້ຍ, ສສ ຫວຽດນາມ ໃນວັນທີ່ 1 ທັນວາ 2024 ແລະ ຈະຈັດຂຶ້ນຢູ່ປະເທດກຳປູເຈຍອີກຄັ້ງ.
(ແຫຼ່ງຂ່າວ: ຫຼວງພະບາງ)
ຄໍາເຫັນ