ໃນຕອນແລງຂອງວັນທີ 6 ພະຈິກ 2023 ທີ່ ທຳນຽບປະທານປະເທດ, ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ມອບສານຕາຕັ້ງໃຫ້ແກ່ ທ່ານ ນາງ ຄຳເພົາ ເອີນທະວັນ ເພື່ອດຳລົງຕຳແໜ່ງເປັນ ເອກອັກຄະລັດຖະທູດແຕ່ງຕັ້ງ ແຫ່ງ ສປປ ລາວ ປະຈຳ ສາທາລະນະລັດ ສັງຄົມນິຍົມຫວຽດນາມ; ໃນໂອກາດດັ່ງກ່າວ, ພະນະທ່ານປະທານປະເທດ ທອງລຸນ ສີສຸລິດ ໄດ້ສະແດງຄວາມຍ້ອງຍໍຊົມເຊີຍຕໍ່ ທ່ານເອກອັກຄະລັດຖະທູດແຕ່ງຕັ້ງ ທີ່ຈະໄປປະຕິບັດໜ້າທີ່ການທູດຢູ່ຕ່າງປະເທດ, ພ້ອມທັງສະແດງຄວາມເຊື່ອໝັ້ນວ່າ ດ້ວຍປະສົບການທາງດ້ານການທູດ, ບົດຮຽນ ແລະ ຄວາມຮູ້ຄວາມສາມາດທີ່ອຸດົມສົມບູນນີ້ ຈະເປັນຂົວຕໍ່ສຳຄັນປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໃຫ້ນັບມື້ແຕກດອກອອກຜົນຍິ່ງຂຶ້ນ, ຊຸກຍູ້ການຈັດຕັ້ງປະຕິບັດບັນດາເອກະ ສານການຮ່ວມມືຕ່າງໆ ທີ່ສອງຝ່າຍໄດ້ລົງນາມແລ້ວນັ້ນ ໃຫ້ປະກົດຜົນເປັນຈິງຍິ່ງຂຶ້ນ, ຊຸກຍູ້ການພົບປະແລກປ່ຽນ ແລະ ການໄປມາຫາສູ່ກັນ ລະຫວ່າງ ການນຳຂັ້ນສູງສອງປະເທດ ແລະ ຂັ້ນປະຊາຊົນດ້ວຍກັນ, ສືບຕໍ່ຍາດແຍ່ງເອົາການຮ່ວມມື ແລະ ການສະໜັບສະໜູນຊ່ວຍເຫຼືອດ້ານຕ່າງໆ, ເອົາໃຈໃສ່ໂຄສະນາຂົນຂວາຍບັນດານັກລົງທຶນ, ນັກທຸລະກິດ ແລະ ນັກທ່ອງທ່ຽວຫວຽດນາມ ໃຫ້ເຂົ້າມາ ສປປ ລາວ ຫຼາຍຂຶ້ນ, ໂດຍສະເພາະໃນປີ 2024 ນີ້ ສປປ ລາວ ຈະເປັນປະທານອາຊຽນ ແລະ ກໍຖືເປັນປີທ່ອງທ່ຽວລາວ 2024. ພ້ອມດຽວກັນນີ້, ກໍສະເໜີໃຫ້ທ່ານທູດ ຈົ່ງສືບຕໍ່ປະສານສົມທົບກັບພາກສ່ວນກ່ຽວຂ້ອງຂອງ ຫວຽດນາມ ເພື່ອຊອກຫາຊ່ອງທາງ ແລະ ທ່າແຮງ ໃນການສົ່ງເສີມການຮ່ວມມືດ້ານຕ່າງໆ ທີ່ສອງຝ່າຍມີຄວາມສົນໃຈຮ່ວມກັນ, ສະເໜີໃຫ້ທ່ານທູດ ສືບຕໍ່ໄປຢ້ຽມຢາມ ແລະ ແລກປ່ຽນບົດຮຽນບັນດາແຂວງຕ່າງໆຂອງ ຫວຽດນາມ ເພື່ອເບິ່ງການພັດທະນາຕົວຈິງຂອງແຂວງ ແລະ ສ້າງເງື່ອນໄຂອຳນວຍຄວາມສະດວກໃຫ້ແກ່ການຮ່ວມມື ລະຫວ່າງ ຂັ້ນແຂວງດ້ວຍກັນ.
ໃນຂະນະດຽວກັນ, ທ່ານທູດ ໄດ້ສະແດງຄວາມຂອບໃຈຕໍ່ຄຳເວົ້າອັນຈົບງາມຂອງ ພະນະທ່ານປະທານປະເທດ ແລະ ໃຫ້ຄຳໝັ້ນວ່າ ຈະສຸມທຸກກຳລັງແຮງຂອງຕົນປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງ ສປປ ລາວ-ສສ ຫວຽດນາມ ໃຫ້ສືບຕໍ່ມີປະສິດທິພາບ ແລະ ປະສິດທິຜົນສູງສຸດ, ຈະເອົາໃຈໃສ່ຊຸກຍູ້ການຮ່ວມມືໃນຂະແໜງການຕ່າງໆຂອງສອງປະເທດ ໃຫ້ຫຼາຍຂຶ້ນ ເປັນຕົ້ນດ້ານການເມືອງ, ວຽກງານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ-ການຄ້າ, ການເຊື່ອມຈອດພື້ນຖານໂຄງຮ່າງຄົມ ມະນາຄົມ, ດ້ານພະລັງງານໄຟຟ້າ, ການສຶກສາ, ການພັດທະນາຊັບພະຍາກອນມະນຸດ, ແຮງງານ, ການ ທ່ອງທ່ຽວ ແລະ ອື່ນໆ. ທັງນີ້ກໍ່ເພື່ອນຳເອົາຜົນປະໂຫຍດຕົວຈິງມາສູ່ປະເທດຊາດ ກໍປຄືປະຊາຊົນລາວບັນ ດາເຜົ່າ, ປະກອບສ່ວນຢ່າງຕັ້ງໜ້າເຂົ້າໃນແຜນພັດທະນາເສດຖະກິດ-ສັງຄົມ ຂອງ ສປປ ລາວ ເປັນແຕ່ລະໄລຍະ ກໍຄື ເພື່ອລຶບລ້າງຄວາມທຸກຍາກໃຫ້ແກ່ປະຊາຊົນລາວ ແລະ ໃຫ້ສາມາດນຳພາປະເທດຊາດອອກຈາກສະຖານະພາບດ້ອຍພັດທະນາໃນປີ 2026 ຕາມເປົ້າໝາຍທີ່ວາງໄວ້.
(ຂ່າວ: ກຕທ; ພາບ: ສຳນານ)
ໃນຂະນະດຽວກັນ, ທ່ານທູດ ໄດ້ສະແດງຄວາມຂອບໃຈຕໍ່ຄຳເວົ້າອັນຈົບງາມຂອງ ພະນະທ່ານປະທານປະເທດ ແລະ ໃຫ້ຄຳໝັ້ນວ່າ ຈະສຸມທຸກກຳລັງແຮງຂອງຕົນປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງ ສປປ ລາວ-ສສ ຫວຽດນາມ ໃຫ້ສືບຕໍ່ມີປະສິດທິພາບ ແລະ ປະສິດທິຜົນສູງສຸດ, ຈະເອົາໃຈໃສ່ຊຸກຍູ້ການຮ່ວມມືໃນຂະແໜງການຕ່າງໆຂອງສອງປະເທດ ໃຫ້ຫຼາຍຂຶ້ນ ເປັນຕົ້ນດ້ານການເມືອງ, ວຽກງານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ-ການຄ້າ, ການເຊື່ອມຈອດພື້ນຖານໂຄງຮ່າງຄົມ ມະນາຄົມ, ດ້ານພະລັງງານໄຟຟ້າ, ການສຶກສາ, ການພັດທະນາຊັບພະຍາກອນມະນຸດ, ແຮງງານ, ການ ທ່ອງທ່ຽວ ແລະ ອື່ນໆ. ທັງນີ້ກໍ່ເພື່ອນຳເອົາຜົນປະໂຫຍດຕົວຈິງມາສູ່ປະເທດຊາດ ກໍປຄືປະຊາຊົນລາວບັນ ດາເຜົ່າ, ປະກອບສ່ວນຢ່າງຕັ້ງໜ້າເຂົ້າໃນແຜນພັດທະນາເສດຖະກິດ-ສັງຄົມ ຂອງ ສປປ ລາວ ເປັນແຕ່ລະໄລຍະ ກໍຄື ເພື່ອລຶບລ້າງຄວາມທຸກຍາກໃຫ້ແກ່ປະຊາຊົນລາວ ແລະ ໃຫ້ສາມາດນຳພາປະເທດຊາດອອກຈາກສະຖານະພາບດ້ອຍພັດທະນາໃນປີ 2026 ຕາມເປົ້າໝາຍທີ່ວາງໄວ້.
(ຂ່າວ: ກຕທ; ພາບ: ສຳນານ)
ຄໍາເຫັນ