flag

ຂ່າວສືກສາ-ກິລາ

ສໍາເລັດ ຊຸດອົບຮົມການນໍາໃຊ້ປຶ້ມແບບຮຽນ ຄູ່ມືຄູປະຖົມປີ

ສໍາເລັດ ຊຸດອົບຮົມການນໍາໃຊ້ປຶ້ມແບບຮຽນ ຄູ່ມືຄູປະຖົມປີ
ຫ້ອງການສຶກສາທິການ ແລະ ກິລາ ເມືອງປາກລາຍ ແຂວງໄຊຍະບູລີ ໄດ້ຝຶກອົບຮົມການນໍາໃຊ້ປື້ມແບບຮຽນ ແລະ ຄູ່ມືຄູໃນຫຼັກສູດຊັ້ນປະຖົມສຶກສາປີທີ 4 (ປ4) ທີ່ປັບປຸງໃໝ່ໃຫ້ຄູສອນປະຈໍາການ ແລະ ຜູ້ເຮັດວຽກສຶກສານິເທດຂັ້ນເມືອງ ທົ່ວເມືອງປາກລາຍ ຂຶ້ນໃນລະຫວ່າງວັນທີ 12 - 16 ກຸມພາ 2024 ທີ່ຜ່ານມານີ້, ຢູ່ຫໍປະຊຸມຫ້ອງການສຶກສາທິການ ແລະ ກິລາເມືອງ ພາຍໃຕ້ການເປັນປະທານຂອງທ່ານ ຖາວອນ ຈັນມີ ຫົວໜ້າຫ້ອງການສຶກສາທິການ ແລະ ກິລາເມືອງປາກລາຍ, ຄູສຶກສານິເທດ, ຄູສອນຂັ້ນ ປໍ4 ທັງພາກລັດ ແລະ ເອກະຊົນທົ່ວເມືອງເຂົ້າຮ່ວມ.
ຈຸດປະສົງຂອງການຝຶກອົບຮົມຄັ້ງນີ້, ແມ່ນເພື່ອແນະນໍາກ່ຽວກັບການນໍາໃຊ້ປື້ມແບບຮຽນ ແລະ ຄູ່ມືຄູ ຊຶ່ງປະກອບມີວິຊາສັງຄົມສຶກສາ, ຄຸນສົມບັດສຶກສາ, ພະລະສຶກສາ, ສິລະປະສຶກສາ, ສິລະປະກໍາ ແລະ ຫັດຖະກໍາ ຊັ້ນປະຖົມປີທີ 4 ໃຫ້ຄູສອນປະຈໍາການ ແລະ ຜູ້ເຮັດວຽກສຶກສານິເທດຊັ້ນປະຖົມສຶກສາ, ເພື່ອສ້າງຄວາມສາມາດດ້ານເນື້ອໃນ ແລະ ການຈັດກິດຈະກໍາຕ່າງໆໃນຫຼັດສູດຊັ້ນປະຖົມສຶກສາປີທີ 4 ໃຫ້ແກ່ຄູສອນປະຈໍາການໃຫ້ມີຄວາມເຂົ້າໃຈຢ່າງຖືກຕ້ອງ ແລະ ສາມາດໃຫ້ການແນະນໍາຄູສອນໃນໂຮງຮຽນປະຖົມສຶກສາ, ສາມາດນໍາໃຊ້ເຂົ້າໃນການຈັດການຮຽນ-ການສອນໄດ້ຢ່າງຖືກຕ້ອງ ແລະ ສາມາດນໍາເອົາບົດຮຽນ ຫຼື ວິທີການສອນ, ການຈັດກິດຈະກໍາ ໃໝ່ໆ ນໍາໃຊ້ເຂົ້າໃນການຈັດການຮຽນ-ການສອນໃນໂຮງຮຽນຂອງຕົນໄດ້ເປັນຢ່າງດີ.
ເມືອງປາກລາຍ ປະກອບມີໂຮງຮຽນປະຖົມສຶກສາ 70 ແຫ່ງ, ພາກລັດ 68 ແຫ່ງ ແລະ ພາກເອກກະຊົນ 2 ແຫ່ງ, ມີນັກຮຽນ 6,672 ນ້ອງ, ຍິງ 3,318 ນ້ອງ, ມີຄູສອນທັງໝົດ 370 ຄົນ, ຍິງ 152 ຄົນ.
(ຂ່າວ-ພາບ: ຫ້ອງການສຶກສາທິການ ແລະ ກິລາເມືອງປາກລາຍ)

ຄໍາເຫັນ

ຂ່າວສືກສາ-ກິລາ

ປິດຊຸດຝຶກອົບຮົມ ບໍາລຸງຍົກລະດັບທິດສະດີ-ແນວທາງຂອງພັກ

ປິດຊຸດຝຶກອົບຮົມ ບໍາລຸງຍົກລະດັບທິດສະດີ-ແນວທາງຂອງພັກ

ໃນຕອນເຊົ້າຂອງວັນທີ 20 ພະຈິກ 2025 ທີ່ກະຊວງວັດທະນະທໍາ ແລະ ການທ່ອງທ່ຽວ ໄດ້ຈັດພິທີປິດຊຸດຝຶກອົບຮົມບໍາລຸງຍົກລະດັບທິດສະດີ-ແນວທາງຂອງພັກ ໃຫ້ພະນັກງານ-ລັດຖະກອນ(ພາຍຫຼັງທີ່ໄດ້ດໍາເນີນມາເປັນເວລາ 9 ວັນ)ໂດຍໃຫ້ກຽດເປັນປະທານ ຂອງທ່ານ ສາຄອນ ພົມມະລາດ ກໍາມະການຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ)ມີບັນດາຫົວໜ້າກົມ, ຮອງຫົວໜ້າກົມ ຜູ້ອໍານວຍການ ແລະ ຄະນະຮັບຜິດຊອບຊຸດຝຶກອົບຮົມ ພ້ອມດ້ວຍນັກສໍາມະນາກອນເຂົ້າຮ່ວມ.
ຄໍາມ່ວນຍາດໄດ້ 2 ຫຼຽນຄໍາ ກິລາເປຕັງໃນງານມະຫະກຳກິລາແຫ່ງຊາດ ຄັ້ງທີ XII

ຄໍາມ່ວນຍາດໄດ້ 2 ຫຼຽນຄໍາ ກິລາເປຕັງໃນງານມະຫະກຳກິລາແຫ່ງຊາດ ຄັ້ງທີ XII

ການແຂ່ງຂັນກິລາເປຕັງ ໃນງານມະຫະກຳກິລາແຫ່ງຊາດ ຄັ້ງທີ XII ທີ່ນະຄອນຫຼວງວຽງຈັນເປັນເຈົ້າພາບ ແລະ ມີພີທີມອບຫຼຽນລາງວັນ ໄດ້ຈັດຂຶ້ນໃນວັນທີ 19 ພະຈິກນີ້ ທີ່ສະໜາມກິລາເປຕັງແຫ່ງຊາດ ດົງໂດກ ນະຄອນຫຼວງວຽງຈັນ ຊຶ່ງການແຂ່ງຂັນໄດ້ເລີ່ມແຕ່ວັນທີ 14 ພະຈິກ 2025 ຊຶ່ງມີ 1 ນະຄອນຫຼວງວຽງຈັນ, 17 ແຂວງ ແລະ 2 ກະຊວງ ປກຊ-ປກສ ເຂົ້າຮ່ວມຊີງໄຊ ການແຂ່ງຂັນປະກອບມີ ລາຍການຊຸດຕິ້ງ ຍິງ-ຊາຍ, ດ່ຽວຍິງ-ຊາຍ, ຄູ່ຍິງ-ຊາຍ, ຄູ່ປະສົມ ( 1 ຍິງ + 1 ຊາຍ ), ທີມຊຸດປະສົມ ( 1 ຍິງ + 2 ຊາຍ), ທີມຊຸດປະສົມ (2 ຍິງ + 1 ຊາຍ), ທີມຊຸດຍິງ-ທີມຊຸດຊາຍ. ໃນນັ້ນ, ແຂວງຄຳມ່ວນ ໄດ້ສົ່ງນັກກິລາເຂົ້າຮ່ວມແຂ່ງຂັນ ຈໍານວນ 11 ລາຍການ.
ປກສ ໄດ້ 8 ຫຼຽນ ຈາກກິລາລອຍນໍ້າ

ປກສ ໄດ້ 8 ຫຼຽນ ຈາກກິລາລອຍນໍ້າ

ນັກກິລາກະຊວງປ້ອງກັນຄວາມສະຫງົບ (ປກສ) ສາມາດຍາດໄດ້ 8 ຫຼຽນ ຈາກກິລາລອຍນໍ້າ ໃນງານມະຫະກໍາກິລາແຫ່ງຊາດ ຄັ້ງທີ XII ທີ່ນະຄອນຫຼວງວຽງຈັນ ເປັນເຈົ້າພາບ, ໃນນີ້ ມີ 3 ຫຼຽນຄຳ, 2 ຫຼຽນເງິນ ແລະ 3 ຫຼຽນທອງ.
ສິດທິເດດ ສັກບ່ຽງ ຄ້ວາຫຼຽນຄຳ ສະນຸກເກີ 6ແດງດ່ຽວຊາຍ ໃຫ້ແຂວງສະຫວັນນະເຂດ

ສິດທິເດດ ສັກບ່ຽງ ຄ້ວາຫຼຽນຄຳ ສະນຸກເກີ 6ແດງດ່ຽວຊາຍ ໃຫ້ແຂວງສະຫວັນນະເຂດ

ທ້າວ ສິດທິເດດ ສັກບ່ຽງ ຈາກແຂວງສະຫວັນນະເຂດຄວ້າຫຼຽນຄຳໃນນັດຊິງຊະນະເລີດສະນຸກເກີ 6ແດງດ່ຽວຊາຍ ກັບ ທ້າວ ພະອາທິດ ກໍສະພານຄຳ ກະຊວງປ້ອງກັນປະເທດ, ໃນງານມະຫະກະກຳກິລາ ແຫ່ງຊາດ ຄັ້ງທີ XII
ກິລາ ກະຕໍ້ ກະຊວງປ້ອງກັນປະເທດ ໄດ້2 ຫຼຽນຄຳ ນະຄອນຫຼວງວຽງຈັນ ເກມ 2025

ກິລາ ກະຕໍ້ ກະຊວງປ້ອງກັນປະເທດ ໄດ້2 ຫຼຽນຄຳ ນະຄອນຫຼວງວຽງຈັນ ເກມ 2025

ວັນທີ 18 ພະຈິກ 2025 ທີ່ສະໜາມກິລາໂອແລມປາເຊຍ ໄດ້ມີພິທີມອບ-ຮັບຫຼຽນລາງວັນປະເພດກິລາກະຕໍ້ທີມຊຸດຄູ່ຍິງ-ຊາຍ ແລະ ທີມ 4 ຄົນຍິງ-ຊາຍ ໂດຍໃຫ້ເຂົ້າຮ່ວມ ແລະ ມອບຫຼຽນລາງວັນໂດຍ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ທັງເປັນປະທານຈັດງານມະຫະກຳກິລາແຫ່ງຊາດ ຄັ້ງທີ XII, ທ່ານ ພັນໂທ ສົມຈິດ ສຸລິວົງສັກ ຄະນະພັກກົມອົບຮົມກົມໃຫຍ່ເສນາທິການກອງທັບ, ທ່ານ ໄພວັນ ແກ້ວປະເສີດ ຮອງລັດຖະມົນຕີ ກະຊວງສາທາລະນະສຸກ ແລະ ທ່ານ ນາງ ບົວວອນ ສຸກລາແສງ ຫົວໜ້າພະແນກການເງິນ ນະຄອນຫຼວງວຽງຈັນ, ມີຄະນະນຳ, ຄູຝຶກ ແລະ ນັກກິລາ ຢ່າງພ້ອມພຽງ.
ເປີດການແຂ່ງຂັນກິລາເທຄວັນໂດ ງານມະຫະກໍາກິລາແຫ່ງຊາດ ຄັ້ງທີ XII

ເປີດການແຂ່ງຂັນກິລາເທຄວັນໂດ ງານມະຫະກໍາກິລາແຫ່ງຊາດ ຄັ້ງທີ XII

ໃນຕອນບ່າຍຂອງວັນທີ 18 ພະຈິກ 2025 ທີ່ສະໜາມກິລາໃນຮົ່ມບູຢອງ (ດົງໂດກ) ໄດ້ມີພິທີເປີດການແຂ່ງຂັນກິລາເທຄວັນໂດ ງານມະຫະກຳກິລາແຫ່ງຊາດ ຄັ້ງທີ XII ຫຼື “ນະຄອນຫຼວງວຽງຈັນ ເກມ 2025” ໃຫ້ກຽດເຂົ້າຮ່ວມຂອງ ທ່ານ ປອ ອາດສະພັງທອງ ສີພັນດອນ ເຈົ້າຄອງນະຄອງຫຼວງວຽງຈັນ, ທັງເປັນປະທານຈັດງານມະຫະກຳກິລາແຫ່ງຊາດ ຄັ້ງທີ XII, ທ່ານ ປະສາດໄຊ ພິລາພັນເດດ ປະທານສະຫະພັນເທຄວັນໂດແຫ່ງຊາດລາວ, ທ່ານ ປອ ນາງ ບົວວອນ ສຸກລາແສງ ປະທານສະຫະພັນກິລາເທຄວັນໂດນະຄອນຫຼວງວຽງຈັນ, ມີຜູ້ຕາງໜ້າຈາກບັນດາຄະນະນໍາກິລາແຕ່ລະແຂວງ, ຫົວໜ້າຄະນະນັກກິລາແຕ່ລະແຂວງ ແລະ ກະຊວງ, ຄູຝຶກ, ກຳມະການຕັດສິນ, ນັກກິລາ ແລະ ແຂກຮັບເຊີນ ຢ່າງພ້ອມພຽງ.
ມອບຫຼຽນ ກິລາໜ້າເກັກງານມະຫະກຳກິລາແຫ່ງຊາດຄັ້ງທີ XII

ມອບຫຼຽນ ກິລາໜ້າເກັກງານມະຫະກຳກິລາແຫ່ງຊາດຄັ້ງທີ XII

ພິທີສະຫຼຸບມອບຫຼຽນລາງວັນການກິລາຍິງໜ້າເກັກໃນງານມະຫະກໍາກິລາແຫ່ງຊາດຄັ້ງທີ XII ທີ່ນະຄອນຫຼວງວຽງຈັນເປັນເຈົ້າພາບ ໄດ້ຈັດຂຶ້ນວັນທີ 18 ພະຈິກນີ້ ທີ່ສະໜາມກິລາສີເກີດ ເມືອງສີໂຄດຕະບອງ ນະຄອນຫຼວງວຽງຈັນ, ໂດຍມີບັນດາຄະນະສະຫະພັນກິລາໜ້າເກັກ, ຄະນະຄູຝຶກ ແລະ ນັກກິລາເຂົ້າຮ່ວມ.
ກະຊວງປ້ອງກັນປະເທດ ໄດ້ 6 ຫຼຽນຄໍາ ກິລາຢູໂດ ງານມະຫະກໍາກິລາແຫ່ງຊາດຄັ້ງທີ XII

ກະຊວງປ້ອງກັນປະເທດ ໄດ້ 6 ຫຼຽນຄໍາ ກິລາຢູໂດ ງານມະຫະກໍາກິລາແຫ່ງຊາດຄັ້ງທີ XII

ການແຂ່ງຂັນກິລາຢູໂດ ໃນງານມະຫະກໍາກິລາແຫ່ງຊາດຄັ້ງທີ XII ທີ່ນະຄອນຫຼວງວຽງຈັນເປັນເຈົ້າພາບ ໄດ້ມີການແຂ່ງຂັນ 3 ວັນ (16-18 ພະຈິກ 2025) ທີ່ສູນບູໂດ ລາວ - ຍີ່ປຸ່ນ ນະຄອນຫຼວງວຽງຈັນ, ມີນັກກິລາຈາກ 6 ແຂວງ ແລະ 1 ກະຊວງເຂົ້າຮ່ວມການແຂ່ງຂັນ, ມີນັກກິລາທັງໝົດ 110 ຄົນ, ຊຶ່ງມີການຊີງຫຼຽນຄໍາທັງ ໝົດ ຈຳນວນ 25 ຫຼຽນ.
ແຂ່ງຂັນກິລາສະນຸກເກີ 6ແດງດ່ຽວຊາຍ ຮອບຄັດເລືອກ ແລະ ຮອບກ່ອນຮອງຊະນະເລີດ

ແຂ່ງຂັນກິລາສະນຸກເກີ 6ແດງດ່ຽວຊາຍ ຮອບຄັດເລືອກ ແລະ ຮອບກ່ອນຮອງຊະນະເລີດ

ການແຂ່ງຂັນກິລາສະນຸກເກີ ໃນງານມະຫະກຳ ກິລາ ແຫ່ຊາດ ຄັ້ງທີ XII ຫຼື ນະຄອນຫຼວງຈັນກຽມ ປີ 2025, ໃນວັນທີ 18 ພະຈິກນີ້, ທີ່ສະໂມສອນເດິຄິງສະນຸກເກີຄັຣບໜອງໄຮເມືອງຫາດຊາຍຟອງ ນະຄອນຫຼວງວຽງຈັນ,ໄດ້ມີການແຂ່ງຂັນປະເພດ 6ແດງ(ດ່ຽວຊາຍ),ໃນນັ້ນ,ຮອບຄັດເລືອດ ມີ 6 ຄູ່ ແລະ ຮອບກ່ອນຮອງຊະນະເລີດ ມີ 4 ຄູ່.
ສະຫຼຸບຜົນການແຂ່ງຂັນກິລາແລ່ນ-ລານງານມະຫາະກຳກິລາແຫ່ງຊາດ ຄັ້ງທີ 12

ສະຫຼຸບຜົນການແຂ່ງຂັນກິລາແລ່ນ-ລານງານມະຫາະກຳກິລາແຫ່ງຊາດ ຄັ້ງທີ 12

ພິທີສະຫຼຸບ ແລະ ມອບຫຼຽນລາງວັນການແຂ່ງຂັນກິລາແລ່ນ-ລານໃນງານມະຫາກໍາກິລາແຫ່ງຊາດ ຄັ້ງທີ 12 ທີ່ນະຄອນຫຼວງວຽງຈັນ ເປັນເຈົ້າພາບ ຈັດຂຶ້ນເມື່ອວັນທີ 17 ພະຈິກ 2025 ຢູ່ສະໜາມກິລາແຫ່ງຊາດ (ຫຼັກ16) ໂດຍມີບັນດາຄະນະສະຫະພັນກິລາແລ່ນ-ລານ ນະຄອນຫຼວງວຽງຈັນ, ສະຫະພັນກິລາແລ່ນ-ລານແຂວງ, ຄະນະຄູຝຶກ ແລະ ນັກກິລາເຂົ້າຮ່ວມ.
ເພີ່ມເຕີມ

ຂ່າວ​ລ່າ​ສຸດ

EPaper