flag

ຂ່າວສືກສາ-ກິລາ

ວິທະຍາໄລກະສິກຳ ແລະ ປ່າໄມ້ ຈຳປາສັກ ສະຫຼຸບສົກຮຽນ

ວິທະຍາໄລກະສິກຳ ແລະ ປ່າໄມ້ ຈຳປາສັກ ສະຫຼຸບສົກຮຽນ ສົກຮຽນ 2023-2024

ວິທະຍາໄລກະສິກຳ ແລະ ປ່າໄມ້ ຈຳປາສັກ ສະຫຼຸບສົກຮຽນ ສົກຮຽນ 2023-2024
ໃນວັນທີ 30 ຕຸລາຜ່ານມາ ທີ່ວິທະຍາໄລກະສິກໍາ ແລະ ປ່າໄມ້ ຈໍາປາສັກ ໄດ້ຈັດກອງປະຊຸມສະຫຼຸຸບສົກຮຽນ ແລະ ມອບໃບປະກາສະນິຍະບັດໃຫ້ນັກສຶກສາ

 ສົກຮຽນ 2023-2024 ໂດຍການເຂົ້າຮ່ວມຂອງທ່ານ ບຸນທະວີ ໄຊຍະເພັດ ຫົວໜ້າກົມຈັດຕັ້ງພະນັກງານ ກະຊວງກະສິກຳ - ປ່າໄມ້ດ, ມີທ່ານ ຄຳ ນິລະວົງ ວ່າການຫົວໜ້າພະແນກກະສິກຳ-ປ່າໄມແຂວງ, ມີແຂກຖືກເຊີນ ແລະ ຂະແໜງການກ່ຽວຂ້ອງພາກລັດ ແລະ ເອກຊົນເຂົ້າຮ່ວມ.

ໃນພິທີ, ທ່ານ ຄໍາສະຫວ່າງ ສົມບູນຂັນ ຜູ້ອໍານວຍການວິທະຍາໄລກະສິກໍາ -ປ່າໄມ້ ຈຳປາສັກ ກ່າວວ່າ: ສົກຮຽນປີ 2023-2024 ມີນັກສຶກສາທັງໝົດ 157 ຄົນ ຍິງ 37 ຄົນ ໃນນັ້ນ: ຮຸ່ນທີ 15 ມີ 56 ຄົນ ຍິງ 7 ຄົນ, ຮຸ່ນທີ 14 ມີ 56 ຄົນ ຍິງ 12 ຄົນ, ຮຸ່ນທີ 13 ມີ 46 ຄົນ ຍິງ 18 ຄົນ ໄດ້ຮັບໃບປະກາສະນິຍະບັດ ຊັ້ນສູງ ສົກ 2023-2024 ມີທັງໝົດ 46 ຄົນ ຍິງ 18. ທ່ານຜູ້ອຳນວຍການວິທະຍາລກະສິກຳ-ປ່າໄມ ຈຳປາສັກ ຍັງໄດ້ຍົກໃຫ້ເຫັນຜົນງານການຮຽນການສອນ, ການເຄື່່ອນໄຫວກິດຈະກຳຕົວຈິງຢູ່ສູນທົດລອງ, ການປູກຝັງ, ລ້ຽງສັດ ແລະ ອື່ນໆ ພ້ອມດ້ວຍທິດທາງແຜນການສົກ 2024 -2025 ຕື່ມອີກ.

ໃນພິທີ, ທ່ານ ບຸນທະວີ ໄຊຍະເພັດ ໄດ້ມອບໃບປະກາສະນິຍະບັດໃຫ້ນັກສຶກສາ ແລະ ເປັນກຽດໂອ້ລມ ເພື່ອເປັນແນວທາງໃຫ້ນັກສືກສາທີ່ຮຽນຈົບ ໄດ້ນຳເອົາບົດຮຽນ ກໍຄືຄວາມຮູ້ຄວາມສາມາດຂອງຕົນ ໄປນຳໃຊ້ໃຫ້ເກີດປະໂຫຍດສູງສຸດແກ່ການປະກອບອາຊີບຂອງຕົນ, ຄອບຄົວ, ສັງຄົມກໍຄືປະເທດຊາດ. ຈາກນັ້ນ, ກໍໄດ້ມີການມອບໃບຍ້ອງຍໍ ໃຫ້ຄູອາຈານ ທີ່ສອນດີສອນເກັ່ງ,ແລະ ນັກສຶກສາຮຽນດີຮຽນເກັ່ງ ເພືອເປັນການຍ້ອງຍໍຊົມຊົມເຊີຍໃຫ້ກຳລັງໃຈ ຄູອາຈານ ແລະ ນັກສຶກສາ ໄດ້ສືບຕໍ່ເອົາໃຈໃສ່ພັດທະນາລະບົບການຮຽນການສອນໃນຕໍ່ໜ້າ.

(ຂ່າວ: ເກດສະໜາ ແກ້ວສຸວັນນະແສງ)

ຄໍາເຫັນ

ຂ່າວສືກສາ-ກິລາ

ຜູ້ແທນຄະນະໂຄສະນາສຶກສາແລະຂົນຂວາຍປະຊາຊົນສູນກາງພັກກອມມູນິດຫວຽດນາມຢ້ຽມຊົມຫໍພິພິທະພັນສິລະປະລາວ

ຜູ້ແທນຄະນະໂຄສະນາສຶກສາແລະຂົນຂວາຍປະຊາຊົນສູນກາງພັກກອມມູນິດຫວຽດນາມຢ້ຽມຊົມຫໍພິພິທະພັນສິລະປະລາວ

ໃນວັນທີ17ພະຈິກນີ້,ສະຫາຍລາວປາວຊົ່ງນະວົງໄຊຮອງຫົວໜ້າຄະນະໂຄສະນາອົບຮົມສູນກາງພັກ ພ້ອມຄະນະ ໄດ້ນໍາພາສະຫາຍ ຈ້ຽວ ຕ່າຍ ວິງ ຮອງຫົວໜ້າຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງພັກກອມມູນິດຫວຽດນາມ ພ້ອມຄະນະ ຢ້ຽມຊົມຫໍພິພິທະພັນສິລະປະລາວ ທີ່ ບ້ານໂນນສະອາດ ເມືອງໄຊທານີ ນະຄອນຫຼວງວຽງຈັນ.
ກິລາມວຍປໍ້າ ໃນງານມະຫະກຳກິລາແຫ່ງຊາດ ຄັ້ງທີ XIIມີຊີງໄຊ 11 ຫຼຽນຄໍາ

ກິລາມວຍປໍ້າ ໃນງານມະຫະກຳກິລາແຫ່ງຊາດ ຄັ້ງທີ XIIມີຊີງໄຊ 11 ຫຼຽນຄໍາ

ພິທີເປີດການແຂ່ງຂັນກິລາມວຍປໍ້າ ໃນງານມະຫະກຳກິລາແຫ່ງ ຊາດຄັ້ງທີ XII ໄດ້ຈັດຂຶ້ນໃນວັນທີ 16 ພະຈິກ 2025 ນີ້, ທີ່ສະໜາມແຂ່ງຂັນ ເດີ່ນຮົ່ມສະຖາບັນກິລາ-ກາຍຍະກຳ ໂດຍມີ ທ່ານ ວົງເພັດ ອຸດົມລິດ ປະທານ ສະຫະພັນມວຍປໍ້າແຫ່ງຊາດລາວ ຫົວໜ້າຄະນະຮັບຜິດ ຊອບລວມ, ທ່ານ ມະໂນລົດ ພິນິດ ເລຂາທິການສະຫະພັນມວຍປໍ້າແຫ່ງ ຊາດ, ມີຄະນະກໍາມະການຈັດການເເຂ່ງຂັນ ແລະ ນັກກິລາ ເຂົ້າຮ່ວມ.
ປັນຈັກສີລັດ ຄໍາມ່ວນໄດ້ທັງໝົດ 4 ຫຼຽນໃນງານມະຫະກຳກິລາແຫ່ງຊາດຄັ້ງທີ XII

ປັນຈັກສີລັດ ຄໍາມ່ວນໄດ້ທັງໝົດ 4 ຫຼຽນໃນງານມະຫະກຳກິລາແຫ່ງຊາດຄັ້ງທີ XII

ກິລາປັນຈັກສີລັດ ແມ່ນສີລະປະການຕໍ່ສູ້ຂອງປະເທດອິນໂດເນຍເຊຍ ທີ່ສືບທອດກັນມາແຕ່ສະໄໜບູຮານ, ເປັນກິລາທີ່ມີຄວາມນິຍົມຫຼາຍໃນພາກພື້ນອາຊີໂດຍມີຈຸດເລີ່ມປະເທດອິນໂດເນເຊຍ ແລະ ເລີ່ມຈັດເຂົ້າມາເປັນປະເພດກິລາໃນລາວ ແຕ່ປີ 1980 ໄດ້ເຂົ້າແຂ່ງຂັນກິລາຊີເກມຄັ້ງທີ່ 24 ໃນປີ 2007 ທີ່ປະເທດໄທ ແລະ ໄດ້ສືບຕໍ່ມາຮອດປັດຈຸບັນ.ສຳລັບແຂວງຄໍາມ່ວນ
ຄໍາມ່ວນ ຕັ້ງເປົ້າ 2 ຫຼຽນຄໍາ ໃນກິລາມວຍປໍ້າ ທີ່ນະຄອນຫຼວງວຽງຈັນເກມ

ຄໍາມ່ວນ ຕັ້ງເປົ້າ 2 ຫຼຽນຄໍາ ໃນກິລາມວຍປໍ້າ ທີ່ນະຄອນຫຼວງວຽງຈັນເກມ

ການແຂ່ງຂັນກິລາມວຍປໍ້າ ໃນງານມະຫາກຳກິລາແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ແມ່ນໄດ້ເປີດແຂ່ງຂັນໃນວັນທີ 16 ພະຈິກ ແລະ ຈະດຳເນີນການແຂ່ງຂັນຮອດວັນທີ 18 ພະຈິກ 2025 ຢູ່ທີ່ເດີ່ມ ສະຖາບັນກິລາ-ກາຍະກຳ ສີເກີດ, ຊຶ່ງມີນັກກິລາເຂົ້າຮ່ວມແຂ່ງຂັນ ທັງໝົດ 46 ຄົນ ຍິງ 17 ຄົນ ເພື່ອຍາດເອົາຫຼຽນຄໍາ ທັງໝົດ ຈໍານວນ 11 ຫຼຽນຄໍາ.
ພິທີຂໍໄຟສັກສິດງານມະຫະກຳກິລາແຫ່ງຊາດ ຄັ້ງທີ XII

ພິທີຂໍໄຟສັກສິດງານມະຫະກຳກິລາແຫ່ງຊາດ ຄັ້ງທີ XII

ພິທີຂໍໄຟສັກສິດງານມະຫະກຳກິລາແຫ່ງຊາດ ຄັ້ງທີ XIIທີ່ນະຄອນຫຼວງວຽງຈັນເປັນເຈົ້າພາບໄດ້ຈັດຂຶ້ນໃນວັນທີ 14 ພະຈິກນີ້ ທີ່ເດີ່ນພະທາດຫຼວງວຽງຈັນ ໂດຍມີ ທ່ານ ທອງສະລິດ ມັງໜໍ່ເມກ ຄະນະເລຂາທິການສູນກາງພັກລັດຖະມົນຕີກະຊວງສຶກສາທິການ ແລະ ກິລາ, ທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ- ປະທານສະພາ ປະຊາຊົນ ນະຄອນຫຼວງວຽງຈັນ,ທ່ານ ອາດສະພັງທອງ ສີພັນດອນ ກຳມະການສູນກາງພັກ ເຈົ້າຄອງນະຄອນຫຼວງວຽງຈັນປະທານ ຈັດງານມະຫະກຳກິລາແຫ່ງຊາດຄັ້ງທີ XII, ມີບັນດາທ່ານ ການນໍາ-ພັກ-ລັດ ຂັ້ນສູນກາງທ້ອງຖິ່ນ ພະນັກງານທະຫານຫຼວດ ປະຊາຊົນຊາວເມືອງໄຊເສດຖາ ເຂົ້າຮ່ວມ.
ກຸ່ມບໍລິສັດ ນິກສັນ ພັດທະນາບໍ່ແຮ່ ມອບເງິນ ສະໜັບສະໜູນ ທີມກິລາເຕະບານ ແລະ ບານສົ່ງ ນວ 300 ລ້ານກີບ

ກຸ່ມບໍລິສັດ ນິກສັນ ພັດທະນາບໍ່ແຮ່ ມອບເງິນ ສະໜັບສະໜູນ ທີມກິລາເຕະບານ ແລະ ບານສົ່ງ ນວ 300 ລ້ານກີບ

ໃນວັນທີ 13 ພະຈິກ 2025 ທີ່ສະໜາມກິລາແຫ່ງຊາດ (ຫຼັກ16), ທ່ານ ນິກສັນ ພົມມະຈິດ ປະທານກຸ່ມບໍລິສັດນິກສັນ ພັດທະນາບໍ່ແຮ່ ຈໍາກັດ ໄດ້ມອບເງິນ ສະໜັບສະໜູນທີມນັກກິລາ ນະຄອນຫຼວງວຽງຈັນ2 ປະເພດ ເຂົ້າຮ່ວມແຂ່ງຂັນ ງານມະຫະກໍາກິລາແຫ່ງຊາດ ຄັ້ງທີ XII ທີ່ນະຄອນຫຼວງວຽງຈັນ ເປັນເຈົ້າພາບ ,ໃຫ້ກຽດຮັບເອົາການສະໜັບສະໜູນໂດຍທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນປະທານ ຈັດງານມະຫະກຳກິລາແຫ່ງຊາດຄັ້ງທີ XII.
ເປີດການແຂ່ງຂັນກິລາໜ້າເກັກ ງານມະຫະກຳກິລາແຫ່ງຊາດ ຄັ້ງທີ XII

ເປີດການແຂ່ງຂັນກິລາໜ້າເກັກ ງານມະຫະກຳກິລາແຫ່ງຊາດ ຄັ້ງທີ XII

ການແຂ່ງຂັນກິລາຍິງໜ້າເກັກ ໃນງານມະຫະກຳກິລາແຫ່ງຊາດຄັ້ງທີ XII ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນໃນວັນທີ 12 ພະຈິກ 2025 ທີ່ສະຖາບັນກິລາ-ກາຍຍະກຳ, ໂດຍມີ ທ່ານ ສາ ລະພິດ ສູນວໍລະວົງ ປະທານສະຫະພັນໜ້າເກັກ-ໝາກຄ່າງ ນະຄອນຫຼວງວຽງຈັນ ແລະ ທ່ານ ກິ່ງລັດຕະນະ ຟອງສະໝຸດ ຜູ້ອຳນວຍການສະຖາບັນກິລາ-ກາຍຍະກຳ ຮອງເລຂາທິການສະຫະພັນກິລາໜ້າເກັກແຫ່ງຊາດ ພ້ອມດ້ວຍບັນດາຄະນະນໍາ, ຄະນະຄູຝຶກ ແລະ ນັກກິລາ ເຂົ້າຮ່ວມ.
ນັກກິລາກອງທັບ ຍາດໄດ້ເຖິງ 7 ຫຼຽນຄຳ ງານມ່ະຫະກຳກິລາແຫ່ງຊາດ ຄັ້ງທີ XII

ນັກກິລາກອງທັບ ຍາດໄດ້ເຖິງ 7 ຫຼຽນຄຳ ງານມ່ະຫະກຳກິລາແຫ່ງຊາດ ຄັ້ງທີ XII

ພິທີມອບ-ຮັບຫຼຽນລາງວັນ ໄດ້ມີຂຶ້ນໃນວັນທີ 12 ພະຈິກ 2025 ທີ່ສະໜາມກິລາແຫ່ງຊາດ (ຫຼັກ 16) ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມ ແລະ ມອບລາງວັນ ຂອງ ທ່ານ ພັນເອກ ຄຳຜາຍ ອ້ວນວິໄລ ຫົວໜ້າກົມໃຫຍ່ອົບຮົມ ກົມໃຫຍ່ເສນາທິການກອງທັບ, ທ່ານ ສີທົນ ແສງພະຈັນ ຫົວໜ້າຄະນະໂຄສະນາອົບຮົມແຂວງວຽງຈັນ ທັງເປັນປະທານສະຫະພັນກິລາແລ່ນ-ລານແຂວງວຽງຈັນ, ທ່ານ ອານຸສອນ ສຸດທິວົງ ຮອງຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ, ທ່ານ ອິນທະວົງ ແດງປະເສີດ ຮອງຫົວໜ້າຂະແໜງກິລາ-ກາຍຍະກຳ ແລະ ສິລະປະສຶກສາ ພະແນກສຶກສາທິການ ແລະ ກິລາແຂວງຈຳປາສັກ, ທ່ານ ສິດທິໄຊ ສັກປະເສີດ ຮອງປະທານສະຫະພັນກິລາແລ່ນ-ລານແຫ່ງຊາດລາວ ແລະ ທ່ານ ນາງ ມາລາ ສາກົນນິຍົມ ເລຂາທິການສະຫະພັນກິລາແລ່ນ-ລານແຫ່ງຊາດລາວ ພ້ອມດ້ວຍຄະນະຮັບຜິດມອບຫຼຽນ, ຄູຝຶກ ແລະ ນັກກິລາເຂົ້າຮ່ວມຢ່າງພ້ອມພຽງ.
ລົງທຶນສ້າງບຸກຄະລາກອນຂະແຫນງປ່າໄມ້ ຜ່ານໂຄງການທຶນການສຶກສາ

ລົງທຶນສ້າງບຸກຄະລາກອນຂະແຫນງປ່າໄມ້ ຜ່ານໂຄງການທຶນການສຶກສາ

ອົງການ GIZ, ສະຫະພາບເອີຣົບ (EU) ແລະ ລັດຖະບານລາວຮ່ວມກັບ ສະຖາບັນການສຶກສາ ແລະ ພາກເອກະຊົນ ໄດ້ຈັດພິທີມອບ-ຮັບທຶນການສຶກສາ ພາຍໃຕ້ "ທຶນການສຶກສາຂົງເຂດຂະແໜງປ່າໄມ້ໃນລາວ" (Forestry in Laos – Academic Education Funding Scheme). ທຶນການສຶກສາດັ່ງກ່າວ ມີເປົ້າໝາຍເພື່ອພັດທະນາຜູ້ຊ່ຽວຊານດ້ານປ່າໄມ້ຮຸ່ນໃໝ່ ແລະ ສົ່ງເສີມການຄຸ້ມຄອງຊັບພະຍາກອນປ່າໄມ້ ທີ່ສໍາຄັນຂອງຊາດຢ່າງຍືນຍົງ.
ສ້າງສື່ການຮຽນ-ການສອນໃໝ່ ສົ່ງເສີມການຮຽນຮ່ວມ ສຳລັບນັກຮຽນທີ່ເລີ່ມຮຽນພາສາລາວໃໝ່

ສ້າງສື່ການຮຽນ-ການສອນໃໝ່ ສົ່ງເສີມການຮຽນຮ່ວມ ສຳລັບນັກຮຽນທີ່ເລີ່ມຮຽນພາສາລາວໃໝ່

ກະຊວງສຶກສາທິການ ແລະ ກິລາ ແຫ່ງ ສປປ ລາວ (ສສກ) ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ຜ່ານແຜນງານການຄຸນນະພາບ ແລະ ຂະຫຍາຍໂອກາດເຂົ້າຮຽນ ສຳລັບການສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ໄດ້ສ້າງຟາຍສຽງໃໝ່ 49 ບົດເລື່ອງ ເພື່ອຊ່ວຍການຮຽນ-ການສອນວິຊາພາສາລາວໃນຫ້ອງຮຽນຂັ້ນ ປ 1 ທົ່ວປະເທດ. ຟາຍສຽງຍັງຈະມີເປັນພາບວິດີໂອປະກອບເພື່ອເຜີຍແພ່ຢ່າງກວ້າງຂວາງໃນຫຼາຍຊ່ອງທາງ ທັງປະເພດຟາຍສຽງ ແລະ ຟາຍວິດີໂອທີ່ມີພາບປະກອບ, ໂດຍສະເພາະແມ່ນຈະອອກທາງຊ່ອງຢູທູບ.
ເພີ່ມເຕີມ

ຂ່າວ​ລ່າ​ສຸດ

EPaper