ທີ່ມີຜົນງານປະກອບສ່ວນຊ່ວຍເຫຼືອ ບັນດາແຂວງພາກເໜືອຂອງລາວໃນໄລຍະຜ່ານມາ ໄດ້ຈັດຂຶ້ນໃນວັນທີ່ 25 ທັນວາ ຜ່ານມາ ທີ່ສູນແລກປ່ຽນວັດທະນະທຳ ແລະ ຂໍ້ມູນຂ່າວສານການທ່ອງທ່ຽວ ແຂວງດຽນບຽນ ຕາງໜ້າພັກ-ລັດຖະບານ ສປປ ລາວ ຂຶ້ນປະດັບໂດຍ ສະຫາຍ ຄຳຜອຍ ວັນນະສານ ກຳມະການສູນກາງພັກ ເລຂາພັກແຂວງ ເຈົ້າແຂວງຜົ໊ງສາລີ, ຕາງໜ້າຮັບໂດຍ ສະຫາຍ ເຈີນ ກວັກ ເກືອງ ກຳມະການສູນກາງພັກ ກອມມູນິດຫວຽດນາມ ເລຂາພັກແຂວງດຽນບຽນ, ສະຫາຍ ນາງ ລໍມາຍຈີງ ອະດິດການນຳ ແຂວງດຽນບຽນ ແລະ ຕາງໜ້າການນຳແຂວງດຽນບຽນ ສສ ຫວຽດນາມ. ຈາກນັ້ນ, ໄດ້ຈັດກອງປະຊຸມພົບປະລະຫວ່າງ ຄະນະຜູ້ແທນອົງການປົກຄອງແຂວງ ດຽນບຽນ ສສ ຫວຽດນາມ ແລະ ຄະນະຜູ້ແທນອົງການປົກຄອງແຂວງຜົ້ງສາລີ, ຫຼວງພະບາງ ແລະ ແຂວງອຸດົມໄຊ ສປປ ລາວ, ໂດຍເປັນປະທານຮ່ວມຂອງ ສະຫາຍ ເຈີນ ກວັກ ເກືອງ ກຳມະການສູນກາງພັກ ກອມມູນິດຫວຽດນາມ ເລຂາພັກແຂວງດຽນບຽນ, ສະຫາຍ ຄຳຜອຍ ວັນນະສານ ກຳມະການສູນກາງພັກ ເລຂາພັກແຂວງ ເຈົ້າແຂວງຜົ໊ງສາລີ, ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ ແລະສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ມີຄະນະຜູ້ແທນທັງ 4 ແຂວງ ເຂົ້າຮ່ວມ.
ສະຫາຍ ເຈີນ ກວັກ ເກືອງ ກ່າວເປີດກອງປະຊຸມວ່າ: ກອງປະຊຸມຄັ້ງນີ້ ເປັນການພົບປະແລກປ່ຽນບົດຮຽນ ບົດຮຽນການພົວພັນຮ່ວມມືລະຫວ່າງ 4 ແຂວງໃນໄລຍະຜ່ານມາ, ໃຫ້ສອດຄ່ອງກັບທິດທາງການຜັນຂະຫຍາຍ ແລະ ຈັດຕັ້ງປະຕິບັດ ຜົນຂອງການພົບປະ 2 ກົມການເມືອງຂອງ 2 ພັກໃນປີ 2024 ໃຫ້ເຂົ້າສູ່ລວງເລິກ, ເພື່ອພ້ອມກັນປຶກສາຫາລືກ່ຽວກັບ ການພົວພັນຮ່ວມມືແບບພິເສດຮອບດ້ານ ໃນຕໍ່ໜ້າ ໃຫ້ມີປະສິດທິຜົນກ້າວສູ້ລະດັບສູງອັນໃໝ່. ຈາກນັ້ນ ຕາງໜ້າການນຳທັງ 4 ແຂວງ ໄດ້ລາຍງານກ່ຽວກັບການພັດທະນາເສດຖະກິດ-ສັງຄົມພາຍໃນແຂວງ ລວມທັງວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການຮ່ວມມືລະຫວ່າງສອງຟ່າຍໃນໄລຍະຜ່ານມາ.
ໂອກາດນີ້ ໄດ້ມີການປະກອບຄຳເຫັນປຶກສາຫາລືວຽກງານບາງດ້ານ ທີ່ຈະເປັນທິດທາງແຜນການຮ່ວມມືໃນຕໍ່ໜ້າ ເພື່ອຜັນຂະຫຍາຍເນື້ອໃນບົດບັດທຶກໃຫ້ເລິກເຊີ່ງ ກວ້າງຂວາງ ແລະ ເປັນຮູບປະທຳ, ພ້ອມນັ້ນ ໄດ້ມີການປຶກສາຫາລືວຽກງານກະກຽມ ການເປັນເຈົ້າພາບຈັດກອງປະຊຸມຄັ້ງຕໍ່ໄປ ໃນປີ 2027 ໂດຍເຫັນດີໃຫ້ແຂວງຫຼວງພະບາງ ເປັນເຈົ້າພາບ, ຕອນທ້າຍ ກໍໄດ້ມີການລົງນາມບົດບັນທຶກການຮ່ວມມືຮ່ວມກັນຕື່ມອີກ.
ຄໍາເຫັນ