ແລະ ຄະນະປະຕິບັດງານພິເສດຂອງສອງປະເທດ ລາວ-ຫວຽດນາມ, ໂດຍສະເພາະແຂວງບໍລິຄຳໄຊ-ຮ່າຕິ່ງ ກ່ຽວກັບວຽກງານການຊອກຫາ, ຂຸດຄົ້ນ, ມອບ-ຮັບ ແລະ ຈັດສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ ສປປ ລາວ ກັບຄືນປະເທດ.
ໃນລະດູແລ້ງສົກປີ 2024-2025 ໜ່ວຍປະຕິບັດງານພິເສດທັງສອງແຂວງພວກເຮົາ ໄດ້ປະສານສົມທົບຮ່ວມກັນເລີ່ມຈັດຕັ້ງປະຕິບັດແຕ່ວັນທີ່ 23 ຕຸລາ 2024 ຈົນເຖິງວັນທີ 20 ພຶດສະພາ 2025 ລວມເວລາປະຕິບັດໜ້າທີ່ໃນການຂຸດຄົ້ນທັງໝົດ 128 ວັນ, ມີ 38 ຄັ້ງ, ລົງຂຸດຄົ້ນຕົວຈິງ 425 ຄັ້ງ. ມີແຮງງານອ້າຍນ້ອງລາວປະກອບສ່ວນຢູ່ນໍາເປັນປະຈໍາຢູ່ຂັ້ນແຂວງ 2 ສະຫາຍ ແລະ ເມືອງລະ 2 ສະຫາຍ ສົມທົບກັບໜ່ວຍຂຸດຄົ້ນອັດຖິ ກອງບັນຊາການທະຫານ ແຂວງຮ່າຕິ້ງ ຈໍານວນ 32 ສະຫາຍ ຊຶ່ງແບ່ງເປັນສອງຈຸ: ຈຸທີໜື່ງ ປະຈໍາຢູ່ເມືອງປາກຊັນ ແລະ ຈຸທີສອງປະຈໍາຢູ່ ເມືອງວຽງທອງ. ນອກນັ້ນ, ຍັງມີປະຊາຊົນຜູ້ໃຫ້ຂໍ້ມູນຕິດຕາມໄປນຳເປັນປະຈຳ, ແຕ່ຂຸດຄົ້ນຕົວຈິງໄດ້ພຽງແຕ່ 3 ອັດຖິໃນທົ່ວແຂວງ. ຈໍານວນອັດຖິດັ່ງກ່າວ ຂຸດຄົ້ນໄດ້ຢູ່ເມືອງດຽວຄື: ເມືອງວຽງທອງ, ພ້ອມນີ້ ທັງສອງຝ່າຍໄດ້ເຊັນບົດບັນທຶກມອບ-ຮັບຢ່າງເປັນທາງການ ເພື່ອຈະໄດ້ຈັດສົ່ງກັບຄືນປະເທດ. ຕາງໜ້າແຂວງບໍລິຄຳໄຊເຊັນໂດຍທ່ານ ຄຳແຫວນ ປັນຍານຸວົງ ແລະ ທ່ານ ເຢືອງເຕິດຖັງ.
ຕອນທ້າຍຂອງພິທີ ຍັງໄດ້ມອບໃບຍ້ອງຍໍຂອງທ່ານເຈົ້າແຂວງບໍລິຄຳໄຊ ໃຫ້ພະນັກງານ-ນັກຮົບແຂວງຮ່າຕິ່ງ ສສ ຫວຽດນາມ ໜ່ວຍງານຂຸດຄົ້ນອັດຖິປະຈຳແຂວງບໍລິຄຳໄຊ ທີ່ມີຜົນງານດີເດັ່ນໃນການຊອກຫາ ແລະ ຂຸດຄົ້ນອັດຖິປະຈຳແຂວງບໍລິຄຳໄຊ ແລະ ໃນຕອນເຊົ້າວັນທີ 25/5/2025 ເວລາ 6:00 ໂມງ ການນຳພັກລັດ, ພະນັກງານ, ທະຫານ, ຕຳຫຼວດ ຕະຫຼອດຮອດພໍ່ແມ່ປະຊາຊົນ ນ້ອງໆນັກຮຽນ ກໍໄດ້ເຂົ້າຮ່ວມພິທີຈັດສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ດັ່ງກ່າວກັບຄືນປະເທດຢ່າງສົມກຽດ.
(ຂ່າວ-ພາບ: ຄຳຟອງ)
ຄໍາເຫັນ