ທ່ານ ວິໄລວົງ ບຸດດາຄຳ ກໍາມະການສູນກາງພັກ ເລຂາພັກແຂວງ ເຈົ້າແຂວງຈໍາປາສັກ ໄດ້ນຳພາຄະນະຜູ້ແທນແຂວງຈໍາປາສັກ ເຄື່ອນໄຫວຢ້ຽມຢາມ ອວຍພອນ ຄະນະນໍາ ນະຄອນເກິນເທີ່ ສສ ຫວຽດນາມໃນວັນທີ 30 ມັງກອນ ນີ້, ເນື່ອງໃນໂອກາດປີໃໝ່ປະເພນີຫວຽດນາມ, ໂດຍການຕ້ອນຮັບຂອງ ທ່ານ ຫງວຽນ ວັນ ຫຽວ ກຳມະການສຳຮອງສູນກາງພັກກອມມູນິດຫວຽດນາມ ເລຂາພັກນະຄອນເກິນເທີ່ ພ້ອມຄະນະ.
ໂອກາດນີ້, ທ່ານ ວິໄລວົງ ບຸດດາຄຳ ໄດ້ຕາງໜ້າອົງຄະນະພັກ-ອົງການປົກຄອງ, ສະພາປະຊາ ຊົນ, ແນວລາວສ້າງຊາດ, ກຳລັງປະກອບອາວຸດ ແລະ ປະຊາຊົນບັນດາເຜົ່າພາຍໃນແຂວງຈຳປາສັກ ນຳເອົາຄຳອວຍພອນອັນປະເສີດ ມາຍັງສະຫາຍ ພ້ອມດ້ວຍຄະນະນຳ, ອົງຄະນະພັກ, ອົງການການປົກ ຄອງ, ສະພາປະຊາຊົນ, ແນວໂຮມປະເທດຊາດ, ກຳລັງປະກອບອາວຸດ, ພະນັກງານ-ລັດຖະກອນ ແລະ ປະຊາຊົນຊາວ ນະຄອນເກິນເທີ່ ເນື່ອງໃນໂອກາດປີໃໝ່ປະເພນີຫວຽດນາມ 2024 ຊຶ່ງເປັນຮີດຄອງປະເພນີທີ່ສືບທອດມາແຕ່ດົນນານ, ເປັນປາງບຸນໃຫຍ່ ຂອງປວງຊົນຫວຽດນາມທັງຊາດ ທີ່ໄດ້ພ້ອມກັນສະເຫຼີມສະຫຼອງ ເພື່ອສົ່ງທ້າຍປີເກົ່າ ແລະ ຕ້ອນຮັບປີໃໝ່ ຢ່າງຄຶກຄື້ນມ່ວນຊື່ນ ແລະ ຂໍໃຫ້ມີແຕ່ຄວາມຈະເລີນຮຸ່ງເຮືອງ, ວັດທະນະຖາວອນ ແລະ ປະສົບຜົນສຳເລັດໃນພາລະກິດສ້າງສາພັດທະນາ ໃຫ້ນັບມື້ເຂັ້ມແຂງຍິ່ງໆຂຶ້ນ.
ໃນໂອກາດດຽວກັນນີ້, ທ່ານ ຫງວຽນ ວັນ ຫຽວ ໄດ້ສະແດງຄວາມດີໃຈເປັນຢ່າງຍິ່ງທີ່ໄດ້ຕ້ອນຮັບ ທ່ານ ວິໄລວົງ ບຸດດາຄຳ ພ້ອມດ້ວຍຄະນະ ຊຶ່ງໄດ້ສະແດງໃຫ້ເຫັນເຖິງຄວາມສະໜິດສະໜົມ, ຄວາມເອົາໃຈໃສ່, ຄິດຮອດຄິດເຖິງ ແລະ ຍັງເປັນການເສີມຂະຫຍາຍເນື້ອໃນ ບົດບັນທຶກການຮ່ວມມື ສອງຝ່າຍ,ໂດຍສະເພາະການຮ່ວມມືທາງດ້ານການເມືອງ, ຊຸກຍູ້ການຮ່ວມມືໃນແຕ່ລະຂົງເຂດ ໃຫ້ແໜ້ນແຟ້ນຍິ່ງໆຂື້ນ.
ຈາກນັ້ນ, ທ່ານ ວິໄລວົງ ບຸດດາຄຳ ພ້ອມຄະນະ ໄດ້ເດີນທາງຢ້ຽມຢາມ ອວຍພອນ ການນຳແຂວງ ອານຢາງໂດຍມີ ທ່ານ ເລວັນນຶງ ຮອງເລຂາຜູ້ປະຈຳການຄະນະພັກແຂວງ ປະທານສະພາປະຊາຊົນແຂວ ອານຢາງ ພ້ອມຄະນະໃຫ້ການຕ້ອນຮັບ ຊຶ່ງຄະນະຜູ້ແທນ ສອງຝ່າຍ ໄດ້ອວຍພອນຊຶ່ງກັນ ແລະ ກັນ, ພ້ອມທັງ ຕີລາຄາສູງ ໝາກຜົນການຮ່ວມມືໄລຍະປີຜ່ານມາ ເຊັ່ນການຮ່ວມມືທາງດ້ານການເມືອງ, ການຮ່ວມມືລົງທຶນພັດທະນາເສດຖະກິດສອງຝ່າຍ, ສ້າງແຜນການຮ່ວມມືພັດທະນາບັນດາການລົງທຶນ, ການຄ້າ-ການບໍລິການ ການທ່ອງທ່ຽວ, ກະສິກຳ ແລະ ການປະມົງ ເປັນຕົ້ນ.
ຂ່າວ-ພາບ: ທັດຊະນະ
ໂອກາດນີ້, ທ່ານ ວິໄລວົງ ບຸດດາຄຳ ໄດ້ຕາງໜ້າອົງຄະນະພັກ-ອົງການປົກຄອງ, ສະພາປະຊາ ຊົນ, ແນວລາວສ້າງຊາດ, ກຳລັງປະກອບອາວຸດ ແລະ ປະຊາຊົນບັນດາເຜົ່າພາຍໃນແຂວງຈຳປາສັກ ນຳເອົາຄຳອວຍພອນອັນປະເສີດ ມາຍັງສະຫາຍ ພ້ອມດ້ວຍຄະນະນຳ, ອົງຄະນະພັກ, ອົງການການປົກ ຄອງ, ສະພາປະຊາຊົນ, ແນວໂຮມປະເທດຊາດ, ກຳລັງປະກອບອາວຸດ, ພະນັກງານ-ລັດຖະກອນ ແລະ ປະຊາຊົນຊາວ ນະຄອນເກິນເທີ່ ເນື່ອງໃນໂອກາດປີໃໝ່ປະເພນີຫວຽດນາມ 2024 ຊຶ່ງເປັນຮີດຄອງປະເພນີທີ່ສືບທອດມາແຕ່ດົນນານ, ເປັນປາງບຸນໃຫຍ່ ຂອງປວງຊົນຫວຽດນາມທັງຊາດ ທີ່ໄດ້ພ້ອມກັນສະເຫຼີມສະຫຼອງ ເພື່ອສົ່ງທ້າຍປີເກົ່າ ແລະ ຕ້ອນຮັບປີໃໝ່ ຢ່າງຄຶກຄື້ນມ່ວນຊື່ນ ແລະ ຂໍໃຫ້ມີແຕ່ຄວາມຈະເລີນຮຸ່ງເຮືອງ, ວັດທະນະຖາວອນ ແລະ ປະສົບຜົນສຳເລັດໃນພາລະກິດສ້າງສາພັດທະນາ ໃຫ້ນັບມື້ເຂັ້ມແຂງຍິ່ງໆຂຶ້ນ.
ໃນໂອກາດດຽວກັນນີ້, ທ່ານ ຫງວຽນ ວັນ ຫຽວ ໄດ້ສະແດງຄວາມດີໃຈເປັນຢ່າງຍິ່ງທີ່ໄດ້ຕ້ອນຮັບ ທ່ານ ວິໄລວົງ ບຸດດາຄຳ ພ້ອມດ້ວຍຄະນະ ຊຶ່ງໄດ້ສະແດງໃຫ້ເຫັນເຖິງຄວາມສະໜິດສະໜົມ, ຄວາມເອົາໃຈໃສ່, ຄິດຮອດຄິດເຖິງ ແລະ ຍັງເປັນການເສີມຂະຫຍາຍເນື້ອໃນ ບົດບັນທຶກການຮ່ວມມື ສອງຝ່າຍ,ໂດຍສະເພາະການຮ່ວມມືທາງດ້ານການເມືອງ, ຊຸກຍູ້ການຮ່ວມມືໃນແຕ່ລະຂົງເຂດ ໃຫ້ແໜ້ນແຟ້ນຍິ່ງໆຂື້ນ.
ຈາກນັ້ນ, ທ່ານ ວິໄລວົງ ບຸດດາຄຳ ພ້ອມຄະນະ ໄດ້ເດີນທາງຢ້ຽມຢາມ ອວຍພອນ ການນຳແຂວງ ອານຢາງໂດຍມີ ທ່ານ ເລວັນນຶງ ຮອງເລຂາຜູ້ປະຈຳການຄະນະພັກແຂວງ ປະທານສະພາປະຊາຊົນແຂວ ອານຢາງ ພ້ອມຄະນະໃຫ້ການຕ້ອນຮັບ ຊຶ່ງຄະນະຜູ້ແທນ ສອງຝ່າຍ ໄດ້ອວຍພອນຊຶ່ງກັນ ແລະ ກັນ, ພ້ອມທັງ ຕີລາຄາສູງ ໝາກຜົນການຮ່ວມມືໄລຍະປີຜ່ານມາ ເຊັ່ນການຮ່ວມມືທາງດ້ານການເມືອງ, ການຮ່ວມມືລົງທຶນພັດທະນາເສດຖະກິດສອງຝ່າຍ, ສ້າງແຜນການຮ່ວມມືພັດທະນາບັນດາການລົງທຶນ, ການຄ້າ-ການບໍລິການ ການທ່ອງທ່ຽວ, ກະສິກຳ ແລະ ການປະມົງ ເປັນຕົ້ນ.
ຂ່າວ-ພາບ: ທັດຊະນະ
ຄໍາເຫັນ