ວັນທີ 13 ທັນວານິີ້ທີ່ຫ້ອງວ່າການແຂວງຈຳປາສັກ, ທ່ານ ວິໄລວົງ ບຸດດາຄໍາ ເຈົ້າແຂວງຈຳປາສັກ ໄດ້ຕ້ອນຮັບ ທ່ານ ນາງ ອາລີ ວົງໜໍ່ບຸນທໍາ ປະທານສູນກາງສະຫະພັນແມ່ຍິງລາວ ພ້ອມດ້ວຍ ທ່ານ ເຄນອິຈິ ໂຄບະຢະຊິ ເອກອັກຄະລັດຖະທູດ ຍີ່ປຸ່ນ ປະຈໍາລາວ ແລະ ທ່ານ ບັກຕິອໍ ຄາດິໂຣບ ຕາງໜ້າອົງການສະຫະປະຊາຊາດ ກອງທຶນສໍາລັບປະຊາກອນ (UNFPA),ໃນໂອກາດມາເຄື່ອນໄຫວວຽກງານທີ່ແຂວງຈຳປາສັກ.
ໂອກາດນີ້, ທ່ານ ວິໄລວົງ ບຸດດາຄໍາ ໄດ້ສະແດງການຕ້ອນຮັບ ແລະ ສະແດງຄວາມຂອບໃຈ ຢ່າງລົ້ນເຫຼືອຕໍ່ປະທານສູນກາງສະຫະພັນແມ່ຍິງລາວ ທີ່ໄດ້ເປັນຫ່ວງເປັນໃຍ ໃຫ້ການຊີ້ນໍາ ຢ່າງໃກ້ຊິດ ຕໍ່ແຂວງຈຳປາສັກ ກໍຄືສະຫະພັນແມ່ຍິງແຂວງຈໍາປາສັກ; ເວົ້າສະເພາະການຍາດແຍ່ງເອົາການຊ່ວຍເຫຼືອ ດ້ານທຶນຮອນຈາກຕ່າງປະເທດ; ສ້າງສູນຊ່ວຍເຫຼືອແມ່ຍິງ ແລະ ເດັກນ້ອຍ ເພື່ອໃຫ້ເປັນສະຖານທີ່ສະເພາະ ບໍລິການໃຫ້ຄໍາປຶກສາແກ່ແມ່ຍິງ ແລະ ເດັກນ້ອຍ ທີ່ໄດ້ຮັບຜົນກະທົບຈາກການໃຊ້ຄວາມຮຸນແຮງ ແນໃສ່ສ້າງຄວາມເຂັ້ມແຂງໃຫ້ແກ່ເຂົາເຈົ້າ ສາມາດປະກອບອາຊີບ ແລະ ສ້າງຄວາມເຂັ້ມແຂງທາງດ້ານເສດຖະກິດດ້ວຍຕົນເອງ ແລະ ເພິ່ງຕົນເອງໄດ້; ພິເສດ ຂໍສະແດງຄວາມຂອບອົກຂອບໃຈທ່ານເອກອັກຄະລັດຖະທູດ ຍີ່ປຸ່ນ ປະຈໍາລາວ, ຕາງໜ້າອົງການ UNFPA ທີ່ໄດ້ໃຫ້ການຊ່ວຍເຫຼືອ ແຂວງຈຳປາສັກ ແລະ ເຮັດໃຫ້ເກີດມີສູນຊ່ວຍເຫຼືອແມ່ຍິງ ແລະ ເດັກ ຢູ່ແຫ່ງນີ້.
ທ່ານ ນາງ ອາລີ ວົງໜໍ່ບຸນທໍາ ໄດ້ສະແດງຄວາມຂອບໃຈຕໍ່ການຕ້ອນຮັບ, ພ້ອມທັງ ໄດ້ກ່າວຈຸດປະສົງການລົງເຄື່ອນໄຫວວຽກງານທີ່ແຂວງຈໍາປາສັກ ໃນເທື່ອນີ້ແມ່ນຈະໄດ້ຮ່ວມໃນພິທີເປີດການນໍາໃຊ້ສູນຊ່ວຍເຫຼືອແມ່ຍິງ ແລະ ເດັກນ້ອຍ ທີ່ຖືກເຄາະຮ້າຍຈາກການໃຊ້ຄວາມຮຸນແຮງ ແຂວງຈໍາປາສັກ, ໂດຍການສະໜັບສະໜູນ ຈາກອົງການສະຫະປະຊາຊາດ ກອງທຶນສໍາລັບປະຊາກອນ (UNFPA) ແລະ ລັດຖະບານຍີ່ປຸ່ນ ໃນມູນຄ່າການກໍ່ສ້າງທັງໝົດ 80 ພັນໂດລາ. ສູນດັ່ງກ່າວສ້າງຂຶ້ນເພື່ອໃຫ້ເປັນສະຖານທີ່ສະເພາະບໍລິການໃຫ້ຄໍາປຶກສາແກ່ແມ່ຍິງ ແລະ ເດັກນ້ອຍ ທີ່ໄດ້ຮັບຜົນກະທົບຈາກການໃຊ້ຄວາມຮຸນແຮງ ໄດ້ພັກເຊົາຊົ່ວຄາວ, ໄດ້ຮັບການປົກປ້ອງຊ່ວຍເຫຼືອທີ່ຈໍາເປັນທາງດ້ານສັງຄົມ ແລະ ຂະບວນການຍຸຕິທຳ; ແນໃສ່ສ້າງຄວາມເຂັ້ມມແຂງໃຫ້ແກ່ເຂົາເຈົ້າ ທາງດ້ານຈິດໃຈ, ສາມາດປະກອບອາຊີບ ແລະ ສ້າງຄວາມເຂັ້ມແຂງທາງດ້ານເສດຖະກິດດ້ວຍຕົນເອງ ແລະ ເພິ່ງຕົນເອງໄດ້.
ພ້ອມກັນນັ້ນ, ທ່ານປະທານສູນກາງສະຫະພັນແມ່ຍິງລາວ ກໍໄດ້ສະແດງຄວາມຂອບໃຈມາຍັງທ່ານເຈົ້າແຂວງ, ການນຳແຂວງຈຳປາສັກ ທີ່ໄດ້ຊຸກຍູ້ຊີ້ນຳວຽກງານສະຫະພັນແມ່ຍິງລາວ ແລະ ສະໜັບສະໜູນສະໜອງເນື້ອທີ່ດິນປຸກສ້າງ ເອື້ອຍອໍານວຍຄວາມສະດວກໂຄງການດັ້ງກ່າວເປັນຢ່າງດີ.
(ຂ່າວ-ພາບ: ທັດຊະນະ)
ໂອກາດນີ້, ທ່ານ ວິໄລວົງ ບຸດດາຄໍາ ໄດ້ສະແດງການຕ້ອນຮັບ ແລະ ສະແດງຄວາມຂອບໃຈ ຢ່າງລົ້ນເຫຼືອຕໍ່ປະທານສູນກາງສະຫະພັນແມ່ຍິງລາວ ທີ່ໄດ້ເປັນຫ່ວງເປັນໃຍ ໃຫ້ການຊີ້ນໍາ ຢ່າງໃກ້ຊິດ ຕໍ່ແຂວງຈຳປາສັກ ກໍຄືສະຫະພັນແມ່ຍິງແຂວງຈໍາປາສັກ; ເວົ້າສະເພາະການຍາດແຍ່ງເອົາການຊ່ວຍເຫຼືອ ດ້ານທຶນຮອນຈາກຕ່າງປະເທດ; ສ້າງສູນຊ່ວຍເຫຼືອແມ່ຍິງ ແລະ ເດັກນ້ອຍ ເພື່ອໃຫ້ເປັນສະຖານທີ່ສະເພາະ ບໍລິການໃຫ້ຄໍາປຶກສາແກ່ແມ່ຍິງ ແລະ ເດັກນ້ອຍ ທີ່ໄດ້ຮັບຜົນກະທົບຈາກການໃຊ້ຄວາມຮຸນແຮງ ແນໃສ່ສ້າງຄວາມເຂັ້ມແຂງໃຫ້ແກ່ເຂົາເຈົ້າ ສາມາດປະກອບອາຊີບ ແລະ ສ້າງຄວາມເຂັ້ມແຂງທາງດ້ານເສດຖະກິດດ້ວຍຕົນເອງ ແລະ ເພິ່ງຕົນເອງໄດ້; ພິເສດ ຂໍສະແດງຄວາມຂອບອົກຂອບໃຈທ່ານເອກອັກຄະລັດຖະທູດ ຍີ່ປຸ່ນ ປະຈໍາລາວ, ຕາງໜ້າອົງການ UNFPA ທີ່ໄດ້ໃຫ້ການຊ່ວຍເຫຼືອ ແຂວງຈຳປາສັກ ແລະ ເຮັດໃຫ້ເກີດມີສູນຊ່ວຍເຫຼືອແມ່ຍິງ ແລະ ເດັກ ຢູ່ແຫ່ງນີ້.
ທ່ານ ນາງ ອາລີ ວົງໜໍ່ບຸນທໍາ ໄດ້ສະແດງຄວາມຂອບໃຈຕໍ່ການຕ້ອນຮັບ, ພ້ອມທັງ ໄດ້ກ່າວຈຸດປະສົງການລົງເຄື່ອນໄຫວວຽກງານທີ່ແຂວງຈໍາປາສັກ ໃນເທື່ອນີ້ແມ່ນຈະໄດ້ຮ່ວມໃນພິທີເປີດການນໍາໃຊ້ສູນຊ່ວຍເຫຼືອແມ່ຍິງ ແລະ ເດັກນ້ອຍ ທີ່ຖືກເຄາະຮ້າຍຈາກການໃຊ້ຄວາມຮຸນແຮງ ແຂວງຈໍາປາສັກ, ໂດຍການສະໜັບສະໜູນ ຈາກອົງການສະຫະປະຊາຊາດ ກອງທຶນສໍາລັບປະຊາກອນ (UNFPA) ແລະ ລັດຖະບານຍີ່ປຸ່ນ ໃນມູນຄ່າການກໍ່ສ້າງທັງໝົດ 80 ພັນໂດລາ. ສູນດັ່ງກ່າວສ້າງຂຶ້ນເພື່ອໃຫ້ເປັນສະຖານທີ່ສະເພາະບໍລິການໃຫ້ຄໍາປຶກສາແກ່ແມ່ຍິງ ແລະ ເດັກນ້ອຍ ທີ່ໄດ້ຮັບຜົນກະທົບຈາກການໃຊ້ຄວາມຮຸນແຮງ ໄດ້ພັກເຊົາຊົ່ວຄາວ, ໄດ້ຮັບການປົກປ້ອງຊ່ວຍເຫຼືອທີ່ຈໍາເປັນທາງດ້ານສັງຄົມ ແລະ ຂະບວນການຍຸຕິທຳ; ແນໃສ່ສ້າງຄວາມເຂັ້ມມແຂງໃຫ້ແກ່ເຂົາເຈົ້າ ທາງດ້ານຈິດໃຈ, ສາມາດປະກອບອາຊີບ ແລະ ສ້າງຄວາມເຂັ້ມແຂງທາງດ້ານເສດຖະກິດດ້ວຍຕົນເອງ ແລະ ເພິ່ງຕົນເອງໄດ້.
ພ້ອມກັນນັ້ນ, ທ່ານປະທານສູນກາງສະຫະພັນແມ່ຍິງລາວ ກໍໄດ້ສະແດງຄວາມຂອບໃຈມາຍັງທ່ານເຈົ້າແຂວງ, ການນຳແຂວງຈຳປາສັກ ທີ່ໄດ້ຊຸກຍູ້ຊີ້ນຳວຽກງານສະຫະພັນແມ່ຍິງລາວ ແລະ ສະໜັບສະໜູນສະໜອງເນື້ອທີ່ດິນປຸກສ້າງ ເອື້ອຍອໍານວຍຄວາມສະດວກໂຄງການດັ້ງກ່າວເປັນຢ່າງດີ.
(ຂ່າວ-ພາບ: ທັດຊະນະ)
ຄໍາເຫັນ