ວັນທີ 7 ພະຈິກ ນີ້, ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ໄດ້ຕ້ອນຮັບທ່ານ ຫງວຽນ ຮວ່າງ ແອັງ ປະທານຄະນະກໍາມະການຄຸ້ມຄອງທຶນຢູ່ວິສາຫະກິດຫວຽດນາມ ພ້ອມດ້ວຍຄະນະທີ່ເດີນທາງມາຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນ, ກອງປະຊຸມພົບປະໄດ້ຈັດຂຶ້ນທີ່ຫ້ອງວ່າການແຂວງ, ໂດຍມີທ່ານຫົວໜ້າຫ້ອງວ່າການແຂວງ, ພ້ອມດ້ວຍພະແນກການທີ່ກ່ຽວຂ້ອງເຂົ້າຮ່ວມ.
ໂອກາດດັ່ງກ່າວທ່ານ ຫງວຽນ ຮວ່າງ ແອັງ ໄດ້ແຈ້ງແຜນເຄື່ອນໄຫວ ແລະ ຈຸດປະສົງໃຫ້ຄະນະການນໍາຂອງແຂວງຄໍາມ່ວນໄດ້ຮັບຊາບ, ໃນໂອກາດດຽວກັນທ່ານ ວັນໄຊ ພອງສະຫວັນກໍໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາເຮັດວຽກຂອງຄະນະດັ່ງກ່າວ, ພ້ອມນີ້ຍັງໄດ້ລາຍງານສະພາບໂດຍລວມຂອງແຂວງຄໍາມ່ວນ ຕະຫຼອດເຖິງການພົວພັນຮ່ວມມືຮອບດ້ານຂອງສອງພັກ, ສອງລັດກໍຄືແຂວງຄໍາມ່ວນ ແລະ ບັນດາແຂວງໃກ້ຄຽງໃນຜ່ານມາໂດຍສະເພາະສະພາບການດໍາເນີນທຸລະກິດຢູ່ແຂວງຄໍາມ່ວນ ຊຶ່ງແຂວງຄໍາມ່ວນກໍມີຫຼາຍກິດຈະການທີ່ນັກລົງທຶນຈາກ ສສ ຫວຽດນາມ ໄດ້ມາລົງທຶນເປັນຕົ້ນໃນດ້ານຂົງເຂດອຸດສາຫະກໍາ, ກະສິກໍາ ແລະ ຂົງເຂດບໍ່ແຮ່. ສໍາລັບກິດຈະການໃນເຂດໜອງລົ້ມ ທີ່ທາງພາກທຸລະກິດຫວຽດນາມ ໄດ້ມາລົງທຶນໃນເມື່ອກ່ອນ ເພື່ອຂຸດຄົ້ນບໍ່ແຮ່ ໃນເນື້ອທີ່ 196,5 ກິໂລຕາແມັດ ແລະ ໄດ້ມີການສໍາຫຼວດແລ້ວນັ້ນ, ແຂວງຄໍາມ່ວນມີຄວາມຍິນດີ ແລະ ຕ້ອງການຢາກໃຫ້ຜູ້ລົງທຶນມາສືບຕໍ່ດໍາເນີນກິດຈະການຕາມທີ່ໄດ້ມີການຕົກລົງກັນເຊັນສັນຍາໃຫ້ມີຄວາມສໍາເລັດ. ຈາກນັ້ນ, ກອງປະຊຸມໄດ້ປຶກສາຫາລືແລກປ່ຽນຊຶ່ງກັນ ແລະ ກັນ, ບັນຫາຂໍ້ສະດວກ ແລະ ຂໍ້ຫຍຸ້ງຍາກໃນດ້ານຕ່າງໆ ທັງນີ້ເພື່ອຢາກຮັບຮູ້ສະພາບເສດຖະກິດ-ສັງຄົມຂອງແຂວງກໍຄືບັນດາໂຄງການທີ່ພວມຈັດຕັ້ງປະຕິບັດຢູ່ແຂວງຄໍາມ່ວນເພື່ອສັງລວມຂໍ້ມູນບັນຫາຂໍ້ສະດວກ, ຂໍ້ຫຍຸ້ງຍາກ ແລະ ນໍາເອົາຄໍາສະເໜີຕ່າງໆຈາກແຂວງຄໍາມ່ວນລາຍງານໄປຍັງລັດຖະບານ ສສ ຫວຽດນາມ. ພ້ອມນີ້ ແຂວງຄໍາມ່ວນຍັງໄດ້ມີຄໍາສະເໜີໂດຍຜ່ານປະທານຄະນະກໍາມະການຄຸ້ມຄອງທຶນຢູ່ວິສາຫະກິດ ຫວຽດນາມ ໄປຍັງພາກທຸລະກິດຂອງ ສສ ຫວຽດນາມ ຖ້າມີຄວາມສົນໃຈຢາກມາລົງທຶນ ໂດຍອີງໃສ່ທ່າແຮງຂອງແຂວງໄດ້ກໍານົດຕາມ 3 ທ່າແຮງຄື: ທ່າແຮງທາງດ້ານກະສິກໍາ, ທ່າແຮງທາງດ້ານອຸດສາຫະກຳພະລັງງານ-ບໍ່ແຮ່ ແລະ ທ່າແຮງທາງດ້ານການບໍລິການທາງຜ່ານ ແລະ ການທ່ອງທ່ຽວໃນບັນດາຂົງເຂດດັ່ງກ່າວນີ້ ແຂວງຄໍາມ່ວນກໍພ້ອມແລ້ວທີ່ຈະໃຫ້ຄວາມຮ່ວມມືເປັນຢ່າງດີ.
ທ່ານ ຫງວຽນ ຮວ່າງ ແອັງຍັງໄດ້ສະແດງຄວາມຂອບໃຈ ແລະ ຮຽກຮ້ອງມາຍັງການນໍາແຂວງຄໍາມ່ວນຊ່ວຍສະໜັບສະໜູນສ້າງເງື່ອນໄຂອໍານວຍຄວາມສະດວກ ແລະ ຊຸກຍູ້ໃຫ້ຜູ້ລົງທຶນທີ່ດໍາເນີນກິດຈະການຕ່າງໆຢູ່ແຂວງຄໍາມ່ວນ ເພື່ອເຮັດແນວໃດໃຫ້ເຂົາເຈົ້າໄດ້ດໍາເນີນທຸລະກິດລຸລ່ວງດ້ວຍດີ.
ໃນວັນດຽວກັນຄະນະດັ່ງກ່າວຍັງໄດ້ເດີນທາງໄປຢ້ຽມຢາມໂຄງການຂຸດຄົ້ນ, ປຸງແຕ່ງເກືອກາລີຂອງກຸ່ມບໍລິສັດ ເຄມີຫວຽດນາມ ຢູ່ເມືອງໜອງບົກ ອີກດ້ວຍ.
ຂ່າວ-ພາບ: ມະນີວັນ
ໂອກາດດັ່ງກ່າວທ່ານ ຫງວຽນ ຮວ່າງ ແອັງ ໄດ້ແຈ້ງແຜນເຄື່ອນໄຫວ ແລະ ຈຸດປະສົງໃຫ້ຄະນະການນໍາຂອງແຂວງຄໍາມ່ວນໄດ້ຮັບຊາບ, ໃນໂອກາດດຽວກັນທ່ານ ວັນໄຊ ພອງສະຫວັນກໍໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາເຮັດວຽກຂອງຄະນະດັ່ງກ່າວ, ພ້ອມນີ້ຍັງໄດ້ລາຍງານສະພາບໂດຍລວມຂອງແຂວງຄໍາມ່ວນ ຕະຫຼອດເຖິງການພົວພັນຮ່ວມມືຮອບດ້ານຂອງສອງພັກ, ສອງລັດກໍຄືແຂວງຄໍາມ່ວນ ແລະ ບັນດາແຂວງໃກ້ຄຽງໃນຜ່ານມາໂດຍສະເພາະສະພາບການດໍາເນີນທຸລະກິດຢູ່ແຂວງຄໍາມ່ວນ ຊຶ່ງແຂວງຄໍາມ່ວນກໍມີຫຼາຍກິດຈະການທີ່ນັກລົງທຶນຈາກ ສສ ຫວຽດນາມ ໄດ້ມາລົງທຶນເປັນຕົ້ນໃນດ້ານຂົງເຂດອຸດສາຫະກໍາ, ກະສິກໍາ ແລະ ຂົງເຂດບໍ່ແຮ່. ສໍາລັບກິດຈະການໃນເຂດໜອງລົ້ມ ທີ່ທາງພາກທຸລະກິດຫວຽດນາມ ໄດ້ມາລົງທຶນໃນເມື່ອກ່ອນ ເພື່ອຂຸດຄົ້ນບໍ່ແຮ່ ໃນເນື້ອທີ່ 196,5 ກິໂລຕາແມັດ ແລະ ໄດ້ມີການສໍາຫຼວດແລ້ວນັ້ນ, ແຂວງຄໍາມ່ວນມີຄວາມຍິນດີ ແລະ ຕ້ອງການຢາກໃຫ້ຜູ້ລົງທຶນມາສືບຕໍ່ດໍາເນີນກິດຈະການຕາມທີ່ໄດ້ມີການຕົກລົງກັນເຊັນສັນຍາໃຫ້ມີຄວາມສໍາເລັດ. ຈາກນັ້ນ, ກອງປະຊຸມໄດ້ປຶກສາຫາລືແລກປ່ຽນຊຶ່ງກັນ ແລະ ກັນ, ບັນຫາຂໍ້ສະດວກ ແລະ ຂໍ້ຫຍຸ້ງຍາກໃນດ້ານຕ່າງໆ ທັງນີ້ເພື່ອຢາກຮັບຮູ້ສະພາບເສດຖະກິດ-ສັງຄົມຂອງແຂວງກໍຄືບັນດາໂຄງການທີ່ພວມຈັດຕັ້ງປະຕິບັດຢູ່ແຂວງຄໍາມ່ວນເພື່ອສັງລວມຂໍ້ມູນບັນຫາຂໍ້ສະດວກ, ຂໍ້ຫຍຸ້ງຍາກ ແລະ ນໍາເອົາຄໍາສະເໜີຕ່າງໆຈາກແຂວງຄໍາມ່ວນລາຍງານໄປຍັງລັດຖະບານ ສສ ຫວຽດນາມ. ພ້ອມນີ້ ແຂວງຄໍາມ່ວນຍັງໄດ້ມີຄໍາສະເໜີໂດຍຜ່ານປະທານຄະນະກໍາມະການຄຸ້ມຄອງທຶນຢູ່ວິສາຫະກິດ ຫວຽດນາມ ໄປຍັງພາກທຸລະກິດຂອງ ສສ ຫວຽດນາມ ຖ້າມີຄວາມສົນໃຈຢາກມາລົງທຶນ ໂດຍອີງໃສ່ທ່າແຮງຂອງແຂວງໄດ້ກໍານົດຕາມ 3 ທ່າແຮງຄື: ທ່າແຮງທາງດ້ານກະສິກໍາ, ທ່າແຮງທາງດ້ານອຸດສາຫະກຳພະລັງງານ-ບໍ່ແຮ່ ແລະ ທ່າແຮງທາງດ້ານການບໍລິການທາງຜ່ານ ແລະ ການທ່ອງທ່ຽວໃນບັນດາຂົງເຂດດັ່ງກ່າວນີ້ ແຂວງຄໍາມ່ວນກໍພ້ອມແລ້ວທີ່ຈະໃຫ້ຄວາມຮ່ວມມືເປັນຢ່າງດີ.
ທ່ານ ຫງວຽນ ຮວ່າງ ແອັງຍັງໄດ້ສະແດງຄວາມຂອບໃຈ ແລະ ຮຽກຮ້ອງມາຍັງການນໍາແຂວງຄໍາມ່ວນຊ່ວຍສະໜັບສະໜູນສ້າງເງື່ອນໄຂອໍານວຍຄວາມສະດວກ ແລະ ຊຸກຍູ້ໃຫ້ຜູ້ລົງທຶນທີ່ດໍາເນີນກິດຈະການຕ່າງໆຢູ່ແຂວງຄໍາມ່ວນ ເພື່ອເຮັດແນວໃດໃຫ້ເຂົາເຈົ້າໄດ້ດໍາເນີນທຸລະກິດລຸລ່ວງດ້ວຍດີ.
ໃນວັນດຽວກັນຄະນະດັ່ງກ່າວຍັງໄດ້ເດີນທາງໄປຢ້ຽມຢາມໂຄງການຂຸດຄົ້ນ, ປຸງແຕ່ງເກືອກາລີຂອງກຸ່ມບໍລິສັດ ເຄມີຫວຽດນາມ ຢູ່ເມືອງໜອງບົກ ອີກດ້ວຍ.
ຂ່າວ-ພາບ: ມະນີວັນ
ຄໍາເຫັນ