ເຂົ້າຢ້ຽມພົບປະ ແລະ ອໍາລາ ໃນວັນທີ 20 ພະຈິກ ຜ່ານມາ ທີ່ຫ້ອງວ່າການແຂວງເຊກອງ, ເນື່ອງໃນໂອກາດທີ່ທ່ານກົງສູນໃຫຍ່ສໍາເລັດການປະຕິບັດໜ້າທີ່ຢູ່ ສປປ ລາວ ໃນໄລຍະປີ 2021-2024.
ໂອກາດນີ້, ທ່ານເຈົ້າແຂວງເຊກອງ ໄດ້ສະແດງຄວາມຍິນດີຕ້ອນຮັບ ຊົມເຊີຍ ແລະ ຕີລາຄາສູງຕໍ່ຜົນສໍາເລັດການປະຕິບັດໜ້າທີ່ກົງສູນໃຫຍ່ແຫ່ງ ສສ ຫວຽດນາມ ປະຈໍາພາກໃຕ້ຂອງລາວ ຊຶ່ງເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວເວົ້າລວມ ໂດຍສະເພາະແຂວງເຊກອງ ກັບບັນດາແຂວງຕ່າງໆ ຂອງ ສສ ຫວຽດນາມ ໃຫ້ກວ້າງຂວາງ ແລະ ແໜ້ນແຟ້ນຍິ່ງໆຂຶ້ນ. ພ້ອມທັງ ໄດ້ສະແດງຄວາມຂອບໃຈຢ່າງຈິງໃຈຕໍ່ພັກ-ລັດຖະບານ ແລະ ປະຊາຊົນຫວຽດນາມອ້າຍ-ນ້ອງ ທີ່ໄດ້ໃຫ້ການສະໜັບສະໜູນຊ່ວຍເຫຼືອແກ່ ສປປ ລາວ ກໍຄືແຂວງເຊກອງໃນໄລຍະຜ່ານມາ.
ທ່ານ ກົງສູນໃຫຍ່ແຫ່ງ ສສ ຫວຽດນາມ ປະຈໍາພາກໃຕ້ຂອງລາວ ກໍໄດ້ສະແດງຄວາມຂອບໃຈມາຍັງທ່ານເຈົ້າແຂວງເຊກອງ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ສະແດງຄວາມຂອບໃຈຄະນະພັກ, ອົງການປົກຄອງແຂວງເຊກອງ ທີ່ໄດ້ອໍານວຍຄວາມສະດວກ, ໃຫ້ການຮ່ວມມື ແລະ ສະໜັບສະໜູນຊ່ວຍເຫລືອ ເຮັດໃຫ້ການປະຕິບັດໜ້າທີ່ກົງສູນໃຫຍ່ປະຈໍາພາກໃຕ້ລາວ ປະສົບຜົນສໍາເລັດຕາມລະດັບຄາດໝາຍທີ່ວາງ
(ຂ່າວ-ພາບ: ສັນຍາ)
ຄໍາເຫັນ