ບໍລິສັດຮ່ວມພັດທະນາສີທັນດອນ ຈໍາກັດ ກັບລັດວິສາຫະກິດການບິນລາວ ຈະເປີດຖ້ຽວບິນໂດຍກົງ ປາກເຊ-ກວາງໂຈ-ປາກເຊ ໃນວັນອາທິດທີ 19 ພຶດສະພານີ້ ເພື່ອອຳນວຍຄວາມສະດວກໃຫ້ແກ່ການເດີນທາງຂອງນັກລົງທຶນ, ນັກທ່ອງທ່ຽວ ກໍຄືຜູ້ໂດຍສານທີ່ເດີນທາງເຂົ້າ-ອອກພາກໃຕ້ຂອງ ສປປ ລາວ ໂດຍສະເພາະແຂວງຈໍາປາສັກ ໃນປີທ່ອງທ່ຽວລາວ 2024 ໃຫ້ມີຄວາມສະດວກຍິ່ງຂຶ້ນ.
ຂະນະທີ່, ລັດວິສາຫະກິດການບິນລາວເປີດເຜີຍວ່າ: ເສັ້ນທາງການບິນດັ່ງກ່າວ ຈະເລີ່ມນັບແຕ່ມື້ເປີດເປັນຕົ້ນໄປ ໂດຍຈະໃຫ້ບໍລິການໂດຍໃຊ້ຍົນ Airbus A320 ມີ 1 ຖ້ຽວຕໍ່ອາທິດ ຊຶ່ງຈະເດີນທາງຈາກສະໜາມບິນປາກເຊ ໃນທຸກວັນອາທິດ ຖ້ຽວບິນ QV888 ເວລາ 23:15 ໂມງ ແລະ ຮອດສະໜາມບິນສາກົນ ປາຍຢູນ ນະຄອນກວາງໂຈ ສປ ຈີນ ໃນເວລາ 02:05 ໂມງ (ຕອນເຊົ້າຂອງວັນຈັນ); ຖ້ຽວບິນຂາກັບມີທຸກວັນຈັນ ແມ່ນຖ້ຽວບິນ QV889 ອອກຈາກກວາງໂຈແມ່ນ 03:05 ໂມງເຊົ້າຂອງວັນຈັນ ແລະ ມາຮອດນະຄອນປາກເຊ ເວລາ 4:30 ໂມງເຊົ້າ.
ສ່ວນລາຄາປີ້, ກໍມີລາຄາພິເສດສຳລັບຖ້ຽວບິນທໍາອິດ ລວມທຸກຢ່າງ ມີລາຄາ 2.888.000 ກີບ ຈາກລາຄາປົກກະຕິ 3.000.000 ກີບ.
ເສັ້ນທາງການບິນ ປາກເຊ-ກວາງໂຈ-ປາກເຊ ຈະກາຍເປັນປັດໄຈສຳຄັນທີ່ຊຸກຍູ້ໃຫ້ຈໍານວນຜູ້ເດີນທາງມາ ສປປ ລາວ ໂດຍສະເພາະນັກທ່ອງທ່ຽວຕ່າງປະເທດ ຈາກພາກໃຕ້ຂອງຈີນ ທີ່ຈະເພີ່ມຂຶ້ນຢ່າງຫຼວງຫຼາຍ. ສະເພາະນັກທ່ອງທ່ຽວຈີນແລ້ວ, ປັດຈຸບັນ ແມ່ນມີທ່າອ່ຽງທີ່ເພີ່ມຂຶ້ນ ຊຶ່ງອີງຕາມສະຖິຕິຈາກກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຂອງລາວ, ໃນປີ 2022 ນັກທ່ອງທ່ຽວຈີນເຂົ້າມາ ສປປ ລາວ ປະມານ 45.000 ເທື່ອຄົນ, ປີ 2023 ເພີ່ມຂຶ້ນມາເປັນ 641.314 ເທື່ອຄົນ ແລະ ໃນ 3 ເດືອນຕົ້ນປີ 2024 ແມ່ນປະມານ 242.193 ເທື່ອຄົນ.
ນີ້ກໍເປັນໝາກຜົນໜຶ່ງທີ່ສຳຄັນ ໃນການຮ່ວມມືດ້ານເສດຖະກິດຂອງສອງປະເທດ ຊຶ່ງຈະປະກອບສ່ວນຢ່າງຕັ້ງໜ້າ ໃຫ້ ສປປ ລາວ ບັນລຸຄາດໝາຍສູ້ຊົນ ວຽກງານທ່ອງທ່ຽວ ປີ 2024 ທີ່ຈະດຶງດູດນັກທ່ອງທ່ຽວຕ່າງປະເທດເຂົ້າມາ ສປປ ລາວ ໃຫ້ໄດ້ຫຼາຍກວ່າ 3.990.747 ເທື່ອຄົນ ແລະ ສ້າງລາຍຮັບເງິນຕາຕ່າງປະເທດເຂົ້າ ສປປ ລາວ ໄດ້ຫຼາຍກວ່າ 1 ຕື້ກວ່າໂດລາ ເພື່ອສ້າງເງິນໝູນວຽນໃນລະບົບເສດຖະກິດຂອງປະເທດເຮົາ.
(ຂ່າວ-ພາບ: ສຸກສະຫວັນ)
ຂະນະທີ່, ລັດວິສາຫະກິດການບິນລາວເປີດເຜີຍວ່າ: ເສັ້ນທາງການບິນດັ່ງກ່າວ ຈະເລີ່ມນັບແຕ່ມື້ເປີດເປັນຕົ້ນໄປ ໂດຍຈະໃຫ້ບໍລິການໂດຍໃຊ້ຍົນ Airbus A320 ມີ 1 ຖ້ຽວຕໍ່ອາທິດ ຊຶ່ງຈະເດີນທາງຈາກສະໜາມບິນປາກເຊ ໃນທຸກວັນອາທິດ ຖ້ຽວບິນ QV888 ເວລາ 23:15 ໂມງ ແລະ ຮອດສະໜາມບິນສາກົນ ປາຍຢູນ ນະຄອນກວາງໂຈ ສປ ຈີນ ໃນເວລາ 02:05 ໂມງ (ຕອນເຊົ້າຂອງວັນຈັນ); ຖ້ຽວບິນຂາກັບມີທຸກວັນຈັນ ແມ່ນຖ້ຽວບິນ QV889 ອອກຈາກກວາງໂຈແມ່ນ 03:05 ໂມງເຊົ້າຂອງວັນຈັນ ແລະ ມາຮອດນະຄອນປາກເຊ ເວລາ 4:30 ໂມງເຊົ້າ.
ສ່ວນລາຄາປີ້, ກໍມີລາຄາພິເສດສຳລັບຖ້ຽວບິນທໍາອິດ ລວມທຸກຢ່າງ ມີລາຄາ 2.888.000 ກີບ ຈາກລາຄາປົກກະຕິ 3.000.000 ກີບ.
ເສັ້ນທາງການບິນ ປາກເຊ-ກວາງໂຈ-ປາກເຊ ຈະກາຍເປັນປັດໄຈສຳຄັນທີ່ຊຸກຍູ້ໃຫ້ຈໍານວນຜູ້ເດີນທາງມາ ສປປ ລາວ ໂດຍສະເພາະນັກທ່ອງທ່ຽວຕ່າງປະເທດ ຈາກພາກໃຕ້ຂອງຈີນ ທີ່ຈະເພີ່ມຂຶ້ນຢ່າງຫຼວງຫຼາຍ. ສະເພາະນັກທ່ອງທ່ຽວຈີນແລ້ວ, ປັດຈຸບັນ ແມ່ນມີທ່າອ່ຽງທີ່ເພີ່ມຂຶ້ນ ຊຶ່ງອີງຕາມສະຖິຕິຈາກກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຂອງລາວ, ໃນປີ 2022 ນັກທ່ອງທ່ຽວຈີນເຂົ້າມາ ສປປ ລາວ ປະມານ 45.000 ເທື່ອຄົນ, ປີ 2023 ເພີ່ມຂຶ້ນມາເປັນ 641.314 ເທື່ອຄົນ ແລະ ໃນ 3 ເດືອນຕົ້ນປີ 2024 ແມ່ນປະມານ 242.193 ເທື່ອຄົນ.
ນີ້ກໍເປັນໝາກຜົນໜຶ່ງທີ່ສຳຄັນ ໃນການຮ່ວມມືດ້ານເສດຖະກິດຂອງສອງປະເທດ ຊຶ່ງຈະປະກອບສ່ວນຢ່າງຕັ້ງໜ້າ ໃຫ້ ສປປ ລາວ ບັນລຸຄາດໝາຍສູ້ຊົນ ວຽກງານທ່ອງທ່ຽວ ປີ 2024 ທີ່ຈະດຶງດູດນັກທ່ອງທ່ຽວຕ່າງປະເທດເຂົ້າມາ ສປປ ລາວ ໃຫ້ໄດ້ຫຼາຍກວ່າ 3.990.747 ເທື່ອຄົນ ແລະ ສ້າງລາຍຮັບເງິນຕາຕ່າງປະເທດເຂົ້າ ສປປ ລາວ ໄດ້ຫຼາຍກວ່າ 1 ຕື້ກວ່າໂດລາ ເພື່ອສ້າງເງິນໝູນວຽນໃນລະບົບເສດຖະກິດຂອງປະເທດເຮົາ.
(ຂ່າວ-ພາບ: ສຸກສະຫວັນ)
ຄໍາເຫັນ