ພິທີຖະແຫຼງຂ່າວວ່າດ້ວຍການສະເຫຼີມສະຫຼອງ 50 ປີ ການຮ່ວມມື ລະຫວ່າງ ສປປ ລາວ ແລະ ອົງການສະຫະປະຊາຊາດ ສຳລັບເດັກໃນຫົວຂໍ້“ເພີ່ມທະວີການຈັດຕັ້ງປະຕິບັດວຽກງານດ້ານສິດທິ ແລະ ສະຫວັດດີການເດັກນ້ອຍ” ໄດ້ຈັດຂຶ້ນ ໃນວັນທີ 6 ພະຈິກນີ້ ທີ່ກະຊວງແຜນການ ແລະ ການລົງທຶນ (ຜທ) ຊຶ່ງມີ ທ່ານ ນາງ ພອນວັນ ອຸທະວົງ ຮອງລັດຖະມົນຕີກະຊວງແຜນການ ແລະ ການລົງທຶນ ມີພາກສ່ວນທີ່ກ່ຽວຂ້ອງ ແລະ ສື່ມວນຊົນ ເຂົ້າຮ່ວມ.
ທ່ານ ນາງ ພອນວັນ ອຸທະວົງ ກ່າວວ່າ: ກົມຮ່ວມມືສາກົນ ກະຊວງແຜນການ ແລະ ການລົງທຶນ ແລະ ກົມອົງການຈັດຕັ້ງສາກົນ, ກະຊວງການຕ່າງປະເທດ ຮ່ວມກັບ ອົງການສະຫະປະຊາຊາດ ສຳລັບເດັກ ຈະໄດ້ຈັດງານສະເຫຼີມສະຫຼອງ 50 ປີ ການຮ່ວມມືອັນຍືນຍົງຂອງພວກເຮົາ ໂດຍມີເປົ້າໝາຍເພື່ອເພີ່ມທະວີການຈັດຕັ້ງປະຕິບັດວຽກງານດ້ານສິດທິ ແລະ ສະຫວັດດີການເດັກນ້ອຍ, ການສະເຫຼີມສະຫຼອງ 50 ປີ ການຮ່ວມມືໃນຄັ້ງນີ້: ເປັນຂໍ້ພິສູດເຖິງພະລັງຂອງການຮ່ວມມື, 50 ປີນີ້ ແມ່ນບໍ່ພຽງແຕ່ເປັນການສະທ້ອນເຖິງຜົນສຳເລັດທີ່ຜ່ານມາ ຂອງພວກເຮົາເທົ່ານັ້ນ, ແຕ່ເປັນຂີດໝາຍອັນສຳຄັນ ສຳລັບວຽກງານອັນໃຫຍ່ຫຼວງທີ່ຍັງຢູ່ຕໍ່ໜ້າພວກເຮົາ. ມັນເປັນໄລຍະເວລາທີ່ພວກເຮົາຈະຕ້ອງຢັ້ງຢືນຄືນ, ຄຳໝັ້ນສັນຍາຮ່ວມກັນ ຕໍ່ບັນດາລູກຫຼານຂອງ ສປປ ລາວ ທີ່ເປັນອະນາຄົດ ຂອງປະເທດຊາດ.
ທ່ານກ່າວຕື່ມວ່າ: ໃນໄລຍະ 5 ທົດສະວັດ ກໍຄື 50 ປີ ຜ່ານມາ, ຂະແໜງການສຶກສາຂອງ ສປປ ລາວ ໄດ້ມີບາດກ້າວຂະຫຍາຍຕົວຢ່າງກ້າວກະໂດດ. ອັດຕາເຂົ້າຮຽນສຸດທິ ໃນຊັ້ນປະຖົມສຶກສາໄດ້ເພີ່ມຂຶ້ນຈາກ 40% ໃນປີ 1973 ເປັນ 95%, ພ້ອມກັບການເພີ່ມຂຶ້ນຂອງຈຳນວນໂຮງຮຽນປະຖົມຂອງລັດ ຈາກ 3.600 ແຫ່ງ ມາເປັນ 9.000 ແຫ່ງເເລ້ວ. ທີ່ສຳຄັນໄປກວ່ານັ້ນ, ກໍາລັງສິດສອນຂອງພວກເຮົາໄດ້ເພີ່ມຂຶ້ນຈາກ 8.000 ຄົນ ເປັນ 33.799 ຄົນ, ປັດຈຸບັນນີ້ ສ່ວນໃຫຍ່ໄດ້ຜ່ານການຝຶກອົບຮົມຢ່າງເປັນທາງການ. ຄຽງຄູ່ກັບການເຕີບໂຕດ້ານປະລິມານດັ່ງກ່າວ, ພວກເຮົາໄດ້ສຸມໃສ່ການຍົກສູງຄຸນນະພາບການສຶກສາ ໂດຍຜ່ານການສ້າງຄູ, ປັບປຸງຫຼັກສູດ ແລະ ການເຊື່ອມໂຍງເຕັກໂນໂລຊີການສຶກສາໃໝ່ໆ. ນອກຈາກນັ້ນ, ຄວາມບໍ່ສະເໝີພາບລະຫວ່າງຍິງ-ຊາຍ ໄດ້ຫຼຸດລົງຢ່າງຫຼວງຫຼາຍ, ເດັກຍິງມີອັດຕາເຂົ້າຮຽນສຸດທິເທົ່າກັບ 95% ໃນລະດັບປະຖົມ ຊຶ່ງເທົ່າກັບເດັກນ້ອຍຜູ້ຊາຍ. ຂະແໜງສາທາລະນະສຸກ ຂອງ ສປປ ລາວ ໄດ້ມີຄວາມຄືບໜ້າຢ່າງຕັ້ງໜ້າ. ຈາກການມີໂຮງໝໍພຽງ 16 ແຫ່ງ, ໂຮງໝໍນ້ອຍ 6 ແຫ່ງ, ແລະ ຈຸດຈຳໜ່າຍຢາ 148 ແຫ່ງ, ໃນປັດຈຸບັນ, ມີໂຮງໝໍແຂວງ 18 ແຫ່ງ ແລະ ໂຮງໝໍນ້ອຍ 1.075 ແຫ່ງ, ໃນນັ້ນຂະແໜງສາທາລະນະສຸກ ກໍມີການເຕີບໂຕເຊັ່ນດຽວກັນ. (ຂ່າວ-ພາບ: ສຳນານ)
ທ່ານ ນາງ ພອນວັນ ອຸທະວົງ ກ່າວວ່າ: ກົມຮ່ວມມືສາກົນ ກະຊວງແຜນການ ແລະ ການລົງທຶນ ແລະ ກົມອົງການຈັດຕັ້ງສາກົນ, ກະຊວງການຕ່າງປະເທດ ຮ່ວມກັບ ອົງການສະຫະປະຊາຊາດ ສຳລັບເດັກ ຈະໄດ້ຈັດງານສະເຫຼີມສະຫຼອງ 50 ປີ ການຮ່ວມມືອັນຍືນຍົງຂອງພວກເຮົາ ໂດຍມີເປົ້າໝາຍເພື່ອເພີ່ມທະວີການຈັດຕັ້ງປະຕິບັດວຽກງານດ້ານສິດທິ ແລະ ສະຫວັດດີການເດັກນ້ອຍ, ການສະເຫຼີມສະຫຼອງ 50 ປີ ການຮ່ວມມືໃນຄັ້ງນີ້: ເປັນຂໍ້ພິສູດເຖິງພະລັງຂອງການຮ່ວມມື, 50 ປີນີ້ ແມ່ນບໍ່ພຽງແຕ່ເປັນການສະທ້ອນເຖິງຜົນສຳເລັດທີ່ຜ່ານມາ ຂອງພວກເຮົາເທົ່ານັ້ນ, ແຕ່ເປັນຂີດໝາຍອັນສຳຄັນ ສຳລັບວຽກງານອັນໃຫຍ່ຫຼວງທີ່ຍັງຢູ່ຕໍ່ໜ້າພວກເຮົາ. ມັນເປັນໄລຍະເວລາທີ່ພວກເຮົາຈະຕ້ອງຢັ້ງຢືນຄືນ, ຄຳໝັ້ນສັນຍາຮ່ວມກັນ ຕໍ່ບັນດາລູກຫຼານຂອງ ສປປ ລາວ ທີ່ເປັນອະນາຄົດ ຂອງປະເທດຊາດ.
ທ່ານກ່າວຕື່ມວ່າ: ໃນໄລຍະ 5 ທົດສະວັດ ກໍຄື 50 ປີ ຜ່ານມາ, ຂະແໜງການສຶກສາຂອງ ສປປ ລາວ ໄດ້ມີບາດກ້າວຂະຫຍາຍຕົວຢ່າງກ້າວກະໂດດ. ອັດຕາເຂົ້າຮຽນສຸດທິ ໃນຊັ້ນປະຖົມສຶກສາໄດ້ເພີ່ມຂຶ້ນຈາກ 40% ໃນປີ 1973 ເປັນ 95%, ພ້ອມກັບການເພີ່ມຂຶ້ນຂອງຈຳນວນໂຮງຮຽນປະຖົມຂອງລັດ ຈາກ 3.600 ແຫ່ງ ມາເປັນ 9.000 ແຫ່ງເເລ້ວ. ທີ່ສຳຄັນໄປກວ່ານັ້ນ, ກໍາລັງສິດສອນຂອງພວກເຮົາໄດ້ເພີ່ມຂຶ້ນຈາກ 8.000 ຄົນ ເປັນ 33.799 ຄົນ, ປັດຈຸບັນນີ້ ສ່ວນໃຫຍ່ໄດ້ຜ່ານການຝຶກອົບຮົມຢ່າງເປັນທາງການ. ຄຽງຄູ່ກັບການເຕີບໂຕດ້ານປະລິມານດັ່ງກ່າວ, ພວກເຮົາໄດ້ສຸມໃສ່ການຍົກສູງຄຸນນະພາບການສຶກສາ ໂດຍຜ່ານການສ້າງຄູ, ປັບປຸງຫຼັກສູດ ແລະ ການເຊື່ອມໂຍງເຕັກໂນໂລຊີການສຶກສາໃໝ່ໆ. ນອກຈາກນັ້ນ, ຄວາມບໍ່ສະເໝີພາບລະຫວ່າງຍິງ-ຊາຍ ໄດ້ຫຼຸດລົງຢ່າງຫຼວງຫຼາຍ, ເດັກຍິງມີອັດຕາເຂົ້າຮຽນສຸດທິເທົ່າກັບ 95% ໃນລະດັບປະຖົມ ຊຶ່ງເທົ່າກັບເດັກນ້ອຍຜູ້ຊາຍ. ຂະແໜງສາທາລະນະສຸກ ຂອງ ສປປ ລາວ ໄດ້ມີຄວາມຄືບໜ້າຢ່າງຕັ້ງໜ້າ. ຈາກການມີໂຮງໝໍພຽງ 16 ແຫ່ງ, ໂຮງໝໍນ້ອຍ 6 ແຫ່ງ, ແລະ ຈຸດຈຳໜ່າຍຢາ 148 ແຫ່ງ, ໃນປັດຈຸບັນ, ມີໂຮງໝໍແຂວງ 18 ແຫ່ງ ແລະ ໂຮງໝໍນ້ອຍ 1.075 ແຫ່ງ, ໃນນັ້ນຂະແໜງສາທາລະນະສຸກ ກໍມີການເຕີບໂຕເຊັ່ນດຽວກັນ. (ຂ່າວ-ພາບ: ສຳນານ)
ຄໍາເຫັນ